XS.UZ
Тадбиркорликни ривожлантириш, имкониятлардан тўла фойдаланиш халқимиз фаровонлигини янада юксалтиришга хизмат қилади Ихтисослаштирилган тиббий ёрдам сифати тубдан яхшиланади Ўзбекистон ва Европа Иттифоқи ўртасидаги ҳамкорлик алоқалари кенгаймоқда Маҳалла — халқчил институт Ҳаракатлар стратегияси: жамоатчилик ва оавнинг иштироки Фуқаролар осойишталиги кафолатларини кучайтириш — замон талаби Муаммоларни ҳал этишнинг самарали омили Барқарорлик пойдевори Ёшлар гиёҳвандликка қарши «Ўзбекистон бўйлаб саёҳат асносида Шарқнинг ҳақиқий гўзалликларини кашф этасиз» Мўъжизакор ўсимлик Китобга боғланган кўнгил Полвонларимиз муваффақияти Ўн минг йиллик битиклар Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона Кичик бизнес салоҳияти рақобатдош маҳсулотлар ишлаб чиқаришда яққол намоён бўлмоқда ЎзХДП қатъий позициясини белгилаб олди Тадбиркорларни қўллаб-қувватлаш қамрови янада кенгаяди Ўзбекистонлик ишбилармонлар Швейцарияда Оқибати аянчли иллат Хусусий сектор ривожига сармоялар Молиявий саводхонлик нима? Яхши ниятлар, эзгу амаллар Фарҳодбек — жаҳон чемпиони Спортда мухлисларни қувонтирадиган натижалар бўлади Олдини олган афзал Ипак саноатининг довруғи қачон тикланади? Ўзбекистон Республикаси Вазирлар Маҳкамаси ҳузуридаги Ўзбекистон Республикасининг фан ва техника, адабиёт, санъат ва меъморчилик соҳасидаги Давлат
  • 15 Апрель 2017

Фавворадан мўмай даромад

 

Ўтган йили Италиянинг Рим шаҳридаги машҳур Треви фавворасига сайёҳлар томонидан жами 1,4 миллион еврога тенг танга пуллар ташланган. Бу ҳақда “Таймс” нашри хабар тарқатди.

Туристларнинг айнан ушбу фаввора олдига ташриф буюришининг қизиқ сабаби бор. Айтишларича, унга орқа билан туриб, танга ташлаган одам Римга, албатта, яна қайтиб келаркан. Бу ривоятга кўпчилик ишонади ва айни шу жиҳат ҳар йили мўмай маблағ тўпланишига хизмат қилмоқда. Йиғилган пуллар эса хайрия мақсадида сарфланади.

Треви фаввораси қадимий иншоот бўлиб, 1732 — 1762 йилларда қуриб битказилган.

 

 

Қимматбаҳо мева

Японияда тез-тез ноанъанавий кимошди савдолари ўтказиб турилади.

Мамлакат жанубидаги Миядзаки шаҳрида ташкил қилинган ана шундай аукционлардан навбатдагисида бир жуфт манго 400 минг иена (қарийб 3,7 минг АҚШ доллари)га сотилди. Таъкидланишича, бундай савдоларга фақат маҳаллий навга оид, таркибида шакар миқдори 15 фоиздан кўп бўлган, вазни эса 350 грамм атрофидаги манголар қўйилади. Пулланган бир жуфт меванинг умумий оғирлиги бир килограммдан ошиқ эди. Уларни Фукуока шаҳридаги универмаглардан бирининг хўжайини реклама мақсадида фойдаланиш учун харид қилган.

 

 

Йўл-транспорт ҳодисаси

Мексика Fарбида, Мичоакан ва Герреро штатлари чегарасидаги трассада мудҳиш йўл-транспорт ҳодисаси рўй берди. 

“Евроньюс” телеканали хабарига кўра, туристик автобус бензин ташувчи машина билан тўқнашиб кетган. Оқибатда ёнғин келиб чиққан ва 24 нафар одам ҳаётдан кўз юмган, тўққиз киши жароҳатланган. Ҳозирча воқеа сабаби аниқ эмас. Фақат жабрланганлардан айримлари юк машинаси автобуснинг орқа қисмига урилганини айтишган. Мутахассислар вазиятга ойдинлик киритишмоқда.

 

 

Йил автомобили аниқланди

Нью-Йоркда автомобилларнинг анъанавий кўргазмаси очилишидан аввал “Бутунжаҳон йил автомобили” танлови якунлари эълон қилинди.

Унга кўра, Буюк Британиянинг “Jaguar Cars” компанияси маҳсулоти — “Jaguar F-Pace” русумидаги машина биринчи ўринни эгаллади. Бу борада у Германиянинг “Audi Q5” ҳамда “Volkswagen Tiguan” моделларини ортда қолдирди.

2016 йилги танловда Япониянинг “Mazda MX-5” русумли автомобили ғолиб, деб топилган эди.

 

 

Математикани қачон ўрганган маъқул?

Лондон университети олимлари математика билан шуғулланиш учун куннинг энг мақбул пайтини аниқлашди.

Уларнинг фикрича, ушбу фанга оид масалаларни тушгача бўлган вақтда ечиш фойдалидир. Куннинг иккинчи ярмида эса тарихни ўрганиш самара беради. Европалик олимлар Болгариядаги мактаблардан бирида ўқувчиларнинг фанларни ўзлаштириш даражасини тўққиз йил давомида кузатганларидан сўнг ана шундай хулосага келишди. Дарс жадвалида математика куннинг биринчи ярмига, тарих эса иккинчи ярмига қўйилган даврларда болалар нисбатан яхши баҳо олишган. Мутахассислар таълим муассасаларига мана шу жиҳатга алоҳида эътибор қаратишни тавсия этишган.

 

Хориж матбуоти хабарлари асосида тайёрланди.

 

Кўриш қобилияти чекланганлар учун

A- A A+

Кўп ўқилган