XS.UZ
Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона Кичик бизнес салоҳияти рақобатдош маҳсулотлар ишлаб чиқаришда яққол намоён бўлмоқда ЎзХДП қатъий позициясини белгилаб олди Тадбиркорларни қўллаб-қувватлаш қамрови янада кенгаяди Ўзбекистонлик ишбилармонлар Швейцарияда Оқибати аянчли иллат Хусусий сектор ривожига сармоялар Молиявий саводхонлик нима? Яхши ниятлар, эзгу амаллар Фарҳодбек — жаҳон чемпиони Спортда мухлисларни қувонтирадиган натижалар бўлади Олдини олган афзал Ипак саноатининг довруғи қачон тикланади? Ўзбекистон Республикаси Вазирлар Маҳкамаси ҳузуридаги Ўзбекистон Республикасининг фан ва техника, адабиёт, санъат ва меъморчилик соҳасидаги Давлат Рамазон ҳайитини нишонлаш тўғрисида Ўзбекистон Республикаси аҳолисига 2017 — 2021 йилларда ихтисослаштирилган тиббий ёрдам кўрсатишни янада ривожлантириш чора-тадбирлари тўғрисида Инсон манфаатларини таъминлаш — асосий мақсад Ўзбекистон Республикаси Вазирлар Маҳкамаси ҳузуридаги Ўзбекистонга оид хориждаги маданий бойликларни тадқиқ этиш марказини ташкил этиш тўғрисида Тадбиркорлар ҳуқуқларини ҳимоя қилишда муҳим босқич Сиёсий мулоқотларнинг амалий натижалари Суд тизими янгиланишлари соҳадаги хато ва камчиликларни бартараф этишга хизмат қилади Юқори малакали кадрлар Бизнеснинг қонуний манфаатлари давлат томонидан муҳофаза қилиниши ва тадбиркорлик фаолиятини янада ривожлантириш тизимини тубдан такомиллаштиришга доир Мурожаатлар ислоҳотларнинг жойлардаги натижаларини кўрсатади Оилавий тадбиркорлик нега оқсамоқда? Тинч-осуда ҳаётимизни асрашнинг муҳим мезони Маҳаллийлаштириш ва инвестициявий муҳит самараси Сенаторлар Ҳаракатлар стратегияси ижросида фаол иштирок этмоқда
  • 10 Март 2017

Дўст бошга иш тушганда билинади

Ўзбекистон Тожикистонга инсонпарварлик ёрдами кўрсатди.

2017 йилнинг дастлабки ойлари Тожикистон учун ниҳоятда серёғин келди. Пировардида январь — февраль ойларида мамлакатнинг тоғли ҳудудларида катта қор кўчкилари рўй берди. Бундай аянчли ҳодиса бутун мамлакат ҳудудида 500 маротабадан зиёд қайд этилди. Афсуски, табиий офат оқибатида нафақат иқтисодий зарар кўрилди, балки қор кўчкилари инсонларнинг ҳалок бўлишига ҳам олиб келди.

Тожикистоннинг яқин қўшниси ҳамда биродар давлат бўлган Ўзбекистон табиий офат оқибатларини бартараф қилишга кўмак кўрсатиш юзасидан ушбу мамлакат ҳукуматининг мурожаатига биринчилардан бўлиб муносабат билдирди. Ўзбекистон Республикаси Президенти Шавкат Мирзиёевнинг топшириғига мувофиқ, қисқа муддатда 60 тоннадан зиёд ҳажмдаги инсонпарварлик ёрдами юклари ҳозирланди ва Тожикистонга юборилди.

Озиқ-овқат маҳсулотлари, дори-дармон ҳамда тиббиёт буюмлари, қурилиш материаллари, кўмир, иссиқ кийим ва биринчи эҳтиёж учун зарур бўлган бошқа товарлардан иборат инсонпарварлик ёрдами ортилган юк машиналари 7 март куни эрта тонгда Тожикистон билан чегарадош бўлган Сурхондарё вилоятининг Узун туманига етиб келди.

Бу ерда республикамиз делегациясини Узун тумани ҳокимлиги вакиллари, таълим муассасалари ходимлари, ёшлар ҳамда меҳнат фахрийлари кутиб олди. Улар Ўзбекистон раҳбарияти қўшни мамлакатга ёрдам кўрсатиш юзасидан ўз вақтида қарор қабул қилгани ва бу ташаббуснинг долзарб эканлигини қайд этишиб, делегация аъзоларига оқ йўл тилаб қолдилар.

“Сариосиё” чегара пунктидан ўтганидан сўнг Ўзбекистон делегацияси Тожикистоннинг чегара ҳудудида жойлашган Турсунзода шаҳрига етиб келди. Мамлакатимиз делегациясини Тожикистон Республикаси Фавқулодда вазиятлар қўмитаси раиси Рустам Назарзода, мамлакатнинг қатор вазирлик ҳамда идоралари вакиллари, Ўзбекистоннинг Тожикистондаги Фавқулодда ва мухтор элчиси Шоқосим Шоисломов кутиб олди. Тегишли ҳужжатлар расмийлаштирилганидан сўнг инсонпарварлик юклари ортилган машиналар карвони пойтахт шаҳар — Душанбега қараб йўл олди.

Мазкур юклар Душанбедаги белгиланган манзилга етказилгач, журналистлар учун қисқача брифинг бўлиб ўтди.

Оммавий ахборот воситалари вакиллари олдида сўзга чиққан юртимиз делегацияси раҳбари, Ўзбекистон Республикаси Фавқулодда вазиятлар вазирининг биринчи ўринбосари Комил Арипов мамлакатимизнинг бу кўмаги қўшни давлатга қийин вазиятларда кўрсатилган биринчи инсонпарварлик ёрдами эмаслигини, бундан бир неча йил муқаддам ҳам республикамиз Тожикистонга қурилиш материаллари, дори-дармон, озиқ-овқат ҳамда бошқа товарлардан иборат инсонпарварлик юкларини тақдим қилганини қайд этди. К. Арипов таъкидлаганидек, бу Ўзбекистоннинг минтақадаги қўшниларига ёрдам қўлини чўзишга ҳамиша тайёр эканлигидан далолат беради.

Ўз навбатида, Тожикистон Республикаси Фавқулодда вазиятлар қўмитаси раиси Рустам Назарзода табиий офатдан жабрланганларга кўмак кўрсатиш юзасидан Душанбе минтақанинг қатор давлатларига ҳамда халқаро ташкилотларга мурожаат қилганини билдирди. Унинг айтишича, Ўзбекистон биринчилардан бўлиб ўз қўшнисига ёрдам қўлини чўзди.

— Тожикистон ҳукумати номидан ўз вақтида кўрсатилган мазкур ёрдам учун Ўзбекистон ҳукумати ва раҳбариятига миннатдорлик билдираман, — дея баёнот берди Р. Назарзода. — Ўзбекистон Фавқулодда вазиятлар вазирлиги ҳамда бошқа идораларининг жонкуярлиги туфайли инсонпарварлик юклари Тожикистонга ўз вақтида етказиб берилгани алоҳида эътирофга сазовордир. Қадрли ўзбек дўстларимиз, раҳмат сизларга!

Ш. ТУРҒУНБОЕВ,

«Жаҳон» АА 

махсус мухбири.

Тошкент — Душанбе — Тошкент

(Муаллиф олган сурат)

 

Кўриш қобилияти чекланганлар учун

A- A A+

Кўп ўқилган