Ашхободда «Ravon»нинг тақдимоти бўлиб ўтди
  • 02 Март 2017

Ашхободда «Ravon»нинг тақдимоти бўлиб ўтди

Туркманистон пойтахтида Ўзбекистон автомобиль саноатининг янги намунаси — “Ravon”нинг тақдимоти ўтказилди.

“Туркман — Ўзавто” қўшма корхонаси томонидан Ўзбекистоннинг ушбу мамлакатдаги элчихонаси ҳамкорлигида ташкил этилган тадбирда Туркманистон вазирлик ҳамда идоралари, Ашхободда аккредитациядан ўтган дипломатик корпус ва халқаро ташкилотлар ҳамда ишбилармон доиралар вакиллари, кенг жамоатчилик ва ОАВ ходимлари қатнашди.

Йиғилганлар эътиборига Ўзбекистоннинг саноатлашган-инновацион иқтисодиётни ривожлантириш борасида эришган ютуқлари мамлакатимизда йўлга қўйилган автомобилсозлик саноати мисолида очиб берилди.

Шунингдек, бугун юртимиз дунёнинг автомобиль ишлаб чиқарувчи 30 та йирик мамлакати клубига аъзо бўлган Марказий Осиёдаги ягона давлат ҳисобланиши алоҳида таъкидланди.

Тадбирда сўзга чиққанлар тармоқнинг Республика аҳолиси фаровонлигини оширишда тутган ўрни ҳақида тўхталиб, ушбу соҳа Ўзбекистон иқтисодиётидаги етакчи йўналишлардан бири саналиши ва юз минглаб фуқароларни иш билан таъминлаганини қайд этди. Хусусан, меҳмонлар эътибори Ўзбекистоннинг автосаноат тизимида 200 дан зиёд корхоналар фаолият юритиши, улар томонидан ишлаб чиқариладиган 20 дан ортиқ маҳсулот турларига дунёнинг турли мамлакатларида талаб юқори эканлигига қаратилди.

«Жаҳон» АА.

Ашхобод

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn