XS.UZ
“Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Тошкентда ШҲТга аъзо давлатларнинг Адлия вазирлари ҳамда Олий суд раислари мажлиси ўтказилади Агрепина Шин Ўзбекистон Республикаси Мактабгача таълим вазири «Тошкент – Андижон – Ўш – Иркештом – Қошғар» йўналиши бўйича автомобиль қатновининг қачондан бошланиши маълум ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди UZ домени Осиё-Тинч океани минтақасида юқори даражали миллий доменлар ассоциацияси аъзосига айланди Самарқанддаги Бибихоним масжидига илғор инновацион технологияларга асосланган мониторинг тизими ўрнатилади Ўзбекистон Ҳиндистоннинг уран заҳирасини яратишда асосий ҳамкори бўлади Ўзбекистон Эронга 25,5 миллион долларлик қишлоқ хўжалиги ва тўқимачилик маҳсулотлари етказиб беради Жавоҳир Синдаров ФИДЕ унвонига сазовор бўлди Жорий йилнинг ўтган даврида шифокорлар учун 658 та хизмат уйи ташкил этилди Тиббиёт соҳасидаги ислоҳотлар аҳолининг ҳаётдан розилиги, эл-юртимиз тараққиётига хизмат қилсин «Ислом ҳамжиҳатлиги: Ўзбекистон ва Озарбайжон мисолида» мавзуидаги халқаро конференция иштирокчиларига Тинчлик ва халқлараро дўстликни мустаҳкамлаш йўлида МДҲ: Кўп қиррали ҳамкорликнинг муҳим механизми Таълим олиш ҳуқуқи ва ота-она мажбуриятлари Иқтисодий ва инвестициявий имкониятлар тақдимоти Инсон қадр-қиммати улуғланган юрт Мурожаатлар — сенаторлар назоратида Сифат — жаҳон бозоридаги бош мезон
  • 15 Февраль 2017

Замонавий Ўзбекистонда илм-фан ва унинг равнақи хорижлик экспертлар нигоҳида

Республикамизда илм-фанни ривожлантириш ва уни янги даражага олиб чиқишга қаратилаётган эътибор халқаро академик доиралар ҳамда хорижий мамлакатларнинг жамоатчилик ва илмий интеллигенция вакиллари томонидан ҳам кенг муҳокама этилмоқда.

Ўзбекистоннинг замонавий тараққиётидан яхши хабардор чет эллик экспертлар мавжуд салоҳиятдан самарали фойдаланиш бўйича юртимизда амалга оширилаётган саъй-ҳаракатларга юқори баҳо беришмоқда.

Қуйида хорижлик айрим мутахассисларнинг ушбу мавзу юзасидан баён қилган фикр-мулоҳазалари қаламга олинган.

Ханс-Йоахим КНАУПЕ, Берлин Халқаро иқтисодиёт академиясининг директори (ГФР):

— Замонавий шароитларда илмий-техникавий базани мустаҳкамлаш ва инновация лойиҳаларини қўллаб-қувватлаш иқтисодиётни модернизациялаш ҳамда унинг халқаро рақобатдошлигини оширишнинг муҳим шарти эканлигини Ўзбекистонда жуда яхши билишади. Бундай мақсадларга эришиш учун республика ўзининг барча имкониятини ишга солишига ишончим комил. Янги ишланма ва ғоялар илгари сурилаётгани, бизнес юритиш борасида имтиёзлар берилаётгани ҳамда кўпгина қулайликлар яратилаётгани, илмий тадқиқот ишлари молиялаштирилаётгани, шубҳасиз, илм-фан ва таълим интеграциялашувининг чуқурлашишига ҳамда мамлакатда ишлаб чиқариш кўлами янада кенгайишига хизмат қилади.

Ўзбекистонда бу йўналишларга қаратилаётган эътибор, кўрилаётган чора-тадбирлар юқори баҳога лойиқдир. Биз республиканинг илмий-техникавий салоҳиятини мустаҳкамлашга ўз ҳиссамизни қўшишга тайёрмиз.

Вернер ФУРМАН, “Европа — Берлин” жамияти раиси (Германия):

— Ишончим комилки, Президент Шавкат Мирзиёев томонидан илгари сурилган стратегик аҳамиятга молик қатор ташаббусларнинг ҳаётга татбиқ этилиши мамлакатда ҳамма тармоқни янада юқори даражаларга олиб чиқишга кўмаклашади.

Шу ўринда Ўзбекистон раҳбарининг республика академик доиралар вакиллари билан бўлиб ўтган учрашуви алоҳида аҳамиятга эга эканлигини таъкидлаш жоиздир. Жаҳон тажрибаси шуни кўрсатмоқдаки, илм-фан давлат томонидан қўллаб-қувватланмаса, инновация лойиҳаларининг молиялаштирилиши бизнесга қарам бўлиб қолса, иқтисодий тараққиётга, халқ фаровонлигини оширишга эришиш мумкин эмас. Шу боис Ўзбекистон раҳбарининг олим ва мутахассислар ҳамда ишлаб чиқариш соҳаси вакиллари салоҳиятини бирлаштириш, имкониятлардан унумли фойдаланиш борасидаги интилишларини юқори баҳолаймиз. Бундай саъй-ҳаракатлар яқин истиқболда ўзининг ижобий натижаларини намоён этишига сира шубҳа қилмайман. Улар мамлакатнинг улкан интеллектуал салоҳияти равнақига кучли туртки беради.

Антонио Алонсо МАРКОС, Сан Пабло-Мадрид университети профессори (Испания):

— Ўзбекистонда илм-фанни янги даражага кўтаришга йўналтирилган ғоя-таклифлар давлатни янада юксалтириш нуқтаи назаридан жуда катта аҳамиятга эга.

Шунингдек, фақат илм-фан ва технологияларни илгари суриш билан чекланиб қолмаслик тўғрисидаги фикрни ҳам тўла қўллаб-қувватлайман. Халқ ўзининг тарихи, маданияти ҳамда анъаналарини билмоғи муҳим. Акс ҳолда, у миллийликдан мосуво бўлади. Агар мамлакатлар бир-бирининг тарихини чуқур билса, бугунги глобаллашган дунёда тинчлик ва ҳамкорлик мустаҳкамланади.

Ўз-ўзидан аёнки, билимлар алмашувини олиб бориш, бошқа мамлакатлар, хорижий илмий-тадқиқот марказлари билан қўшма тадқиқот ҳамда лойиҳаларни ҳаётга татбиқ этиш жуда муҳимдир. Бу “Ноу-хау”ни биргаликда қўллаб-қувватлаш -мақсадларига ҳамоҳанг.

Рокко РАНТЕ, Лувр музейининг археологи (Франция):

— Жаҳондаги етакчи илмий-тадқиқот ва таълим марказлари билан алоқаларни ҳар томонлама ривожлантириш юзасидан мамлакатингиз раҳбари билдирган фикр-мулоҳазаларни кўп йиллардан буён ўзбекистонлик ҳамкасблар билан яқин ҳамкорликда иш олиб бораётган олим сифатида тўла маъқуллайман.

Республика раҳбарияти томонидан илм-фанни мустаҳкамлашга, бу борадаги халқаро ҳамкорликка қаратилаётган катта эътибор, шубҳасиз, мамлакатнинг инновация салоҳиятини юксалтиришга ҳамда янги илмий кашфиётларга хизмат қилади.

Ўзбекистон кўҳна маданиятга эга давлат, қадимги цивилизацияларнинг бешиги ва чорраҳаси ҳисобланади. Лувр музейидаги ислом санъати департаментининг археологлар гуруҳи дунёнинг бошқа етакчи илмий марказлари (Россия давлат -Эрмитажи, АҚШнинг Нью-Йорк университети) сингари Бухоро воҳасидаги йирик кўҳна марказларни ўрганиш борасида Ўзбекистон Фанлар академиясининг Археология институти билан кўп йиллик ўзаро манфаатли ҳамкорлик тажрибасига эга.

Бу йил ҳам минтақада бизнинг қўшма тадқиқотларимиз давом эттирилади. Ишончим комилки, қўлга киритажак илмий маълумотларимиз ва бой археология материаллари дунёнинг кўпгина илмий марказлари эътиборини янада кўпроқ ўзига жалб қилади. Улар Шарқ тарихини ўрганишга салмоқли ҳисса бўлиб қўшилишига ишончим комил.

«Жаҳон» АА.

 

 

Кўриш қобилияти чекланганлар учун

A- A A+