XS.UZ
Асосий мақсадимиз – мамлакатимизни янада тараққий эттириш ва халқимиз фаровонлигини юксалтиришдир Ташқи ишлар вазирлигида учрашув ШҲТ: Тинчлик ва ҳамжиҳатлик йўлидаги ҳамкорлик истиқболлари Савдо-иқтисодий алоқалар мустаҳкамланмоқда Ҳаракатлар стратегияси Барқарор ривожланиш мақсадларига уйғундир Соғлом турмуш тарзи тарғиботи «Юқори маошли ва обрўли ишга киришни хоҳлайман» Юртни мадҳ этган шоир Ғолиблар аниқланди Иқлим ўзгаришларига мослашиш экологик муаммоларнинг салбий оқибатларини юмшатишга хизмат қилади Ўзбек саҳнасида жаҳон классик мусиқасидан намуналар янгради Ўзбекистон Президенти Туркия ташқи ишлар вазирини қабул қилди Ўзбекистон Президенти АҚШ Қуролли Кучлари Марказий қўмондонлиги қўмондонини қабул қилди Мевлут Чавушўғлу: ҳамкорликнинг янги саҳифалари Очиқ, дўстона ва прагматик сиёсат Фаластин делегациясининг учрашувлари Оила юртдошларимиз учун олий қадрият ҳисобланади Имтиёз ва енгилликлар истиқболли лойиҳаларга йўл очмоқда Фракцияларда долзарб масалалар кўриб чиқилди Инсон хотираси боқий, қадр-қиммати улуғ Дастлабки чорак таҳлили Унутилмас кун қувончи Инновацион ва ижодий ғоялар намойиши Янги маслаҳатчилар ўз фаолиятларини бошлади «Ёш чегарачилар» беллашдилар «Энг намунали оила» республика танлови Қўшиқларга кўчган қалб туғёни 2017 — 2021 йилларда кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари Миллат ифтихори, фахр ва ғурури Ҳудудий саноат ярмаркалари
  • 13 Февраль 2017

Алишер Навоийнинг 576 йиллиги Токиода нишонланди

Япониянинг Сока университетида буюк шоир ва давлат арбоби Алишер Навоий таваллудининг 576 йиллигига бағишланган тантанали тадбир бўлиб ўтди.

Унда Япониянинг турли олий ўқув юртлари раҳбарлари, профессор-ўқитувчилари ва талабалари, шунингдек, “Япония — Ўзбекистон” дўстлик ассоциацияси ҳамда оммавий ахборот воситалари вакиллари иштирок этди.

Тадбирда Алишер Навоийнинг ижодий мероси жаҳон маданияти ва цивилизацияси ривожида алоҳида ўрин тутиши таъкидланди. Маросим қатнашчилари эътироф этганидек, унинг асарларида чуқур фалсафий фикр, комил инсон ғоясининг бўртиб туриши бирон-бир китобхонни бефарқ қолдирмайди. 

Буюк бобокалонимизнинг инсонпарварлик фаолияти хусусида ҳам атрофлича фикр юритилди. Улкан саховат эгаси, илм-фан, адабиёт ва санъат ҳомийси сифатида Алишер Навоий кўплаб мактаблар, масжид, кўприк, шифохона ва бошқа ижтимоий аҳамиятга молик бинолар қурдиргани тилга олинди. Киото университети профессори К. Кубо тадқиқотлари айнан шу мавзуни қамраб олгани маълум қилинди.  

Тадбир иштирокчилари буюк мутафаккир ижодига бутун дунё миқёсида катта қизиқиш мавжуд эканлигини эътироф этдилар. ўазал мулкининг султони қаламига мансуб ижод намуналари инглиз, рус, форс, араб, япон ва бошқа кўплаб тилларга таржима қилингани, Тошкент, Москва, Токио ҳамда Боку шаҳарларида Алишер Навоий ҳайкаллари қад ростлаб тургани қайд этилди. Шу ўринда Сока университетида буюк шоир ва мутафаккирга ҳурмат-эҳтиром рамзи сифатида ёдгорлик ўрнатилгани ўзаро алоқалар тарихи асрлар қаърига — Буюк Ипак йўли даврларига бориб туташадиган икки халқ-ни бир-бирига дўстона муносабатлар боғлаб турганлигининг тасдиғи эканлиги таъкидланди. 

— Биз Алишер Навоий меросини юксак қадрлаймиз, — деди Сока университети ректори, профессор  Йошихиса Баба. — Унинг қаламига мансуб пурмаъно фикр-мулоҳазаларни тез-тез тилга оламиз. Мамлакатимиз ёшлари ўртасида улуғ шоирнинг ҳаёти ва ижодий фаолиятига, унинг япон тилига таржима қилинган асарларига бўлган қизиқиш тобора ортиб бормоқда.    

Шу ўринда Сока университети ва Ўзбекистон Санъатшунослик илмий-тадқиқот институти ўртасида муваффақиятли ҳамкорлик ўрнатилгани ўзаро яқин муносабатларда муҳим аҳамият касб этмоқда. Марҳум профессор Кюдзо Като раҳбарлигида Сурхондарё вилоятининг кўҳна Далварзинтепа шаҳарчасида олиб борилган қўшма археология тадқиқотлари натижасида Буюк Ипак йўли орқали ўзбек ва япон халқлари ўртасидаги тарихий алоқалар, икки халқ бир-бирига маданий-маънавий таъсир кўрсатгани, Марказий Осиё ҳудудида буддавийликнинг тарқалиши билан боғлиқ масалалар чуқур ўрганилди. 

Бундан ташқари, биз республиканинг етакчи олий ўқув юртлари, шу жумладан,  Ўзбекистон давлат жаҳон тиллари университети билан самарали муносабатларимизни ривожлантирмоқдамиз.   

— Ўзбек халқининг буюк шоири Алишер Навоий қолдирган ижодий мерос улкан ва жуда серқиррадир, — деди Сока университети профессори, таниқли япон навоийшунос олими Мицуру Кояма. — У қатор девонлар, достонлар ва илмий асарларни ўз ичига олган.

Алишер Навоий тараннум этган юксак инсонпарварлик ғоялари бугунги кунда ҳам катта қизиқиш уйғотмоқда. Чунончи, буюк шоир ижоди инсониятнинг беназир мулки ҳисобланади.

«Жаҳон» АА.

Токио

Кўриш қобилияти чекланганлар учун

A- A A+