XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 04 Январь 2017

Италия телевидениеси Ўзбекистон шаҳарлари ҳақида

“RAI-3” Италия телеканалининг машҳур “Килиманжаро этагида” дастурида Буюк Ипак йўли тарихига бағишланган туркум доирасида тайёрланган Ўзбекистон ҳақидаги 20 дақиқалик кўрсатув эфирга узатилди.

Унда телетомошабинлар ўлкамизнинг тарихий-маданий мероси ҳамда замонавий ривожланиши билан танишиш имкониятига эга бўлдилар. Кўрсатув муаллифлари Ўзбе-кистоннинг Марказий Осиё минтақасидаги кўп мингйиллик тарихга эга ва беқиёс меъморий обидаларга бой мамлакат эканини таъкидладилар.

Юртимиз шаҳарларининг кўркамлиги намойиш қилинар экан, кўрсатув ижодкорлари бугунги Тошкент улкан маданият истироҳат боғларига эга, маъмурий иншоотлар ва бизнес офислари қад кўтарган йирик иқтисодий марказ ҳамда замонавий шаҳар ҳисобланишини қайд этдилар.

Теледастурда, шунингдек, Хива ҳақида ҳикоя қилиниб, у “ЮНЕСКОнинг Бутунжаҳон маданий мероси рўйхатига киритилган, дунёда тенги йўқ, замонавийлик билан алоқаларини йўқотмаган ҳолда, ўз асл жиҳатларини сақлаб қолган ноёб гўшалардан бири бўлган мукаммал шаҳар”, дея таърифланади. Томошабинларни “очиқ осмон остидаги музей”нинг диққатга сазовор жойлари билан таништираркан, муаллифлар қалъа деворлари ва шаҳарнинг тўрт дарвозаси тасвирига алоҳида эътибор қаратишади.

Улуғвор Бухоро кўрсатувда зардуштийлик ва насронийликдан то исломгача бўлган динлар ҳамда маданиятлар чорраҳасининг ёрқин мисоли сифатида баҳоланди. Шаҳар тарихига саёҳат давомида қадимий иншоотлар ва обидаларнинг, гилам, сопол ҳамда заргарлик буюмлари бозорларининг ўзига хос жиҳатлари очиб берилди. “Палов таомини татиб кўриб ва оилавий ҳунармандчилик устахоналарига кириб маҳаллий анъаналарга бутунлай кўмилиб қолиш мумкин. Бухоронинг марказида, ҳақиқий дурдона саналувчи “Лаби ҳовуз” майдони жойлашган. Бу забардаст тутлар соя солиб турадиган шаҳардаги энг осойишта маскан ҳисобланади”, дейилади кўрсатувда.

Буюк Амир Темурнинг пойтахти — маҳобатли Самарқандни тасвирлар экан, Италия журналистлари машҳур сайёҳ Марко Полонинг ушбу шаҳар таърифидаги сўзларини келтирдилар. Кўрсатувда беҳисоб тоштахталар ва мовий нақшлар билан безатилган салобатли ҳамда ҳайбатли мадрасалар мажмуаси — Регистон майдони бор улуғворлиги билан намойиш этилди. “Шоҳи Зинда мажмуаси —  кишига кўплаб ўчмас таассуротлар улашувчи ва сайёҳлар хуш кўрадиган мақбаралар маскани бўлиб, уларнинг айримларидаги безаклар мусулмон оламидаги сирланган тоштахталарга солинган энг -нодир нақшлар ҳисобланади”, дейилади дастурда.

Италия жамоатчилиги учун тайёрланган мазкур тележурнал Ўзбекистон шаҳарларининг -инсоният тамаддунида тутган ўрни ва аҳамияти, буюк аждодларимизнинг дунё илм-фани ҳамда маданиятига қўшган беқиёс ҳиссаси, шунингдек, ўзбек миллий пазандачилиги ҳақидаги ҳикоялар билан бойитилган.

Эслатиб ўтамиз, “RAI-3” Италияда ва хорижий давлатларда содир бўладиган ижтимоий--маданий воқеаларни ёритадиган “RAI” давлат телерадиоэшиттириш корпорациясининг учинчи марказий канали ҳисобланади.

 

«Жаҳон» АА.

Рим

 

Кўриш қобилияти чекланганлар учун

A- A A+

Кўп ўқилган