XS.UZ
Фракцияларда долзарб қонун лойиҳалари кўриб чиқилди Ислом дини бизни эзгулик ва тинчликка, асл инсоний фазилатларни асраб-авайлашга даъват этади Замонавий қурилмалар ва интерактив хизматлар Ҳаракатлар стратегияси: дастлабки натижалар халқимиз ҳаётида намоён бўлмоқда Жаҳон жамоатчилиги Ўзбекистонда кечаётган ўзгаришларни юксак баҳоламоқда Россия Федерацияси делегацияси Самарқандда Тиббий-илмий янгиликлар ва истиқбол Мурожаатлар ижроси бўйича батафсил ахборот берилди Келажак тараққиётимизнинг муҳим омили Тинчлик — энг улуғ неъмат Биохилмахилликни асраш Илғор тажрибалар оммалаштирилаяпти Ҳарбий спортчилар: «Муваффақиятларимиз — жонажон Ватанимизга чексиз меҳр-муҳаббатимиз ифодаси» Вакилларимизнинг муносиб иштироки Яна бир нуфузли мусобақа Маърифат чароғбони Ўзбекистон Республикаси Президентининг АҚШга ташрифи самарали бўлди Ўзбекистон — АҚШ бизнес форуми Россия Федерацияси делегацияси ташрифи Ўзбекистон — дунё нигоҳида Тараққиёт ва фаровонлик йўлида Орол фожиаси — глобал муаммо Бюрократик тўсиқлар барҳам топмоқда Яхши қўшничилик ва мустаҳкам дўстлик ифодаси Ватан тақдирига дахлдорлик Кенг имконият ва соғлом рақобат савдо-иқтисодий алоқалар мустаҳкамланишига хизмат қилади Тарбия оиладан бошланади Харидоргир маҳсулотлар сири нимада? Бурчга содиқлик қасамёди Ўзбек кураши Осиё ўйинлари дастурига расман киритилди
  • 14 Июль 2016

«The Baltic Course» журнали юртимизнинг барқарор ва ишончли банк тизими ҳақида

“The Baltic Course” халқаро журналининг электрон саҳифасида мустақиллик йилларида Ўзбекистон банк тизимининг тараққиёти мавзуига бағишланган мақола эълон қилинди.

Унда қайд этилганидек, банк тизими ислоҳотлари республика иқтисодиёти ўсишининг юқори суръатларини таъминлаётган муҳим омиллардан бири ҳисобланади. “2015 йилда банк тизимининг жами капитали 2014 йилдагига нисбатан 23,3 фоиз кўпа-йиб, 7,8 триллион сўмга етди, — деб ёзилади “The Baltic Course” электрон нашрида. — Ўзбекистонда 26 та тижорат банки фаолият кўрсатмоқда, шулардан 3 таси давлатга тегишли бўлиб, бештаси чет эл капитали иштирокидаги акциядорлик тижорат банкидир. Тизимни янада мустаҳкамлаш юзасидан самарали чора-тадбирлар кўрилаяпти. Ҳозирги -пайтда молия-банк тизими барқарор ва ишончли фаолият олиб бораётир, мижозларга тезкор ҳамда кафолатланган банк хизматларини кўрсатмоқда”.

Мақолада таъкидланганидек, Ўзбекистон Республикаси Президентининг “2011 — 2015 йилларда республика молия-банк тизимини янада ислоҳ қилиш ва барқарорлигини ошириш ҳамда юқори халқаро рейтинг кўрсаткичларига эришишнинг устувор йўналишлари тўғрисида”ги қарори бу йўналишдаги вазифаларнинг изчил бажарилишида муҳим дастуриламал бўлди.

Жаҳон иқтисодий форуми рейтингига кўра, Ўзбекистон 2014-2015 йиллардаги ривожланиш якунлари ҳамда 2016-2017 йилларда иқтисодий ўсиш прогнозлари бўйича дунёдаги энг тез ривожланаётган бешта мамлакат қаторидан жой олгани ҳам ўқувчилар эътиборига ҳавола этилган.

Бундан ташқари, журналда мамлакатимиз банк тизими капиталининг етарлилик даражаси қарийб 24 фоизни ташкил қилгани, бу халқаро стандартлардан 3 марта, банк ликвидлиги эса энг юқори кўрсаткичлардан 2 марта кўп эканлиги ҳам айтиб ўтилган.

“Агар 2011 йилда мамлакатнинг 13 та тижорат банки юқори рейтинг баҳоларига сазовор бўлган бўлса, бугунги кунда республиканинг барча 26 та банки ана шундай баҳога лойиқ кўрилди. Қолаверса, жаҳон миқёсида савдо-сотиқ ишларининг ўсиш суръати сезиларли даражада сустлашгани, экспортга йўналтириладиган энг муҳим товарларга нисбатан ташқи талабнинг камайиши ва нархларнинг пасайишига қарамасдан, Ўзбекистон ташқи савдо айланмасида ижобий сальдога эришишга муваффақ бўлди”.

Мақолада Ўзбекистон банк-молия тизимидаги натижалар нуфузли халқаро молия институтлари томонидан эътироф этилаётгани мамлакатнинг халқаро майдондаги обрў-эътиборини оширишга кўмаклашаётгани ҳам билдирилган. “Сўнгги йилларда “Moody’s”, “Standard & Poor’s” ҳамда “Fitch Ratings” каби халқаро рейтинг агентликлари Ўзбекистон банк тизими фаолиятини “Барқарор” деб тасдиқламоқда. Жаҳон банки ва Халқаро молия корпорацияси томонидан “Бизнесни юритиш — 2016” бўйича эълон қилинган янги рейтингда Ўзбекистон жаҳоннинг 189 давлати орасида “Кредитлаш тизими” бўйича 105-ўриндан 42-ўринга чиққани ҳам эътиборга сазовордир”, дея ёзилади журналда.

«Жаҳон» АА.

Рига

Кўриш қобилияти чекланганлар учун

A- A A+

Кўп ўқилган