Рейтингини пасайтирди
XS.UZ
Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби Ўзбек спорти: бугунги натижалар биз учун якуний марра эмас Ўзбекистонлик ижрочиларнинг маҳорати Варшавада эътироф этилди Президент: мактаб ўқувчилари томонидан 310 та оғир ва ўта оғир жиноятлар содир этилган 54 мамлакатга мева-сабзавот экспорт қилинди, кўплаб янги бозорлар ўзлаштирилди Ҳудудларда йирик логистика марказлари ташкил этилиши мумкин Президент қиш-баҳор мавсуми учун қишлоқ хўжалиги маҳсулотларини ғамлашда сусткашликка йўл қўйган айрим вилоятларни танқид қилди Ўзбекистон Президенти Шавкат Мирзиёев Корея Республикасига келди Шавкат Мирзиёев: қиш-баҳор мавсумида халқимиз дастурхони сархил мевалар, сифатли ва арзон озиқ-овқат маҳсулотлари билан тўкин бўлиши Президент: олдини олиш мумкин бўлган жиноятлар содир этилмоқда Ҳафта охирида мамлакатимизда қор ёғиши мумкин Ўзбекистон ва Германия фавқулодда вазиятларда аҳоли ва ҳудудларни муҳофаза қилиш соҳасида ҳамкорлик қилади Тошкент, Жиззах вилоятлари ҳамда Қорақалпоғистон Республикасига янги прокурор тайинланди «Тошкент» РФБ савдо айланмаси 2,6 маротабага ошди Қонунчиликдаги янгилик: бир неча касб ва лавозимда ишлагайдиганлар учун 50 фоиздан кўп ҳақ тўланмайди Охирги беш йилда товар белгилари бўйича қарийб 13,4 мингта талабнома келиб тушди Тадбиркорлар учун яна бир қулайлик: Товарларни реэкспорт қилишда рухсатнома олиш тартиби бекор қилинди
  • 05 Февраль 2015

Рейтингини пасайтирди

“Standard & Poor`s” халқаро рейтинг агентлиги Европадаги олтита банкнинг кредит рейтингини пасайтирди. Булар Буюк Британиянинг “Barclays Plc”, “HSBC Holdings Plc”, “Lloyds Banking Group”, “Royal Bank of Scotland Group Plc”, “Standard Chartered Plc” ҳамда Швейцариянинг “Credit Suisse Group AG” молия муассасаларидир.

Экспертларнинг изоҳлашича, ушбу банкларнинг давлат томонидан қўллаб-қувватланиш эҳтимоли сезиларли даражада камайган. Шу боис ҳам агар инқироз туфайли улар зарар кўрадиган бўлса, молия муассасаларининг ўзи барча масъулиятни зиммасига олишига тўғри келади.
Бундан ташқари, агентлик “Commerzbank AG”, “Deutsche Bank AG” (Германия) ва “Raiffeisen Zentralbank Oesterreich” (Австрия) каби банкларнинг ҳам рейтингини тушириши мумкин. Улар бўйича хулоса шу йилнинг май ойида эълон қилинади.

Қор ва шамол
Испанияда бир неча кундан бери ёғаётган қор ва эсаётган кучли шамол қатор ноқулайликларни келтириб чиқараяпти.
Хусусан, “Vandellos II” атом электростанциясида реакторга энергия узатувчи тизим ишдан чиққан. Мамлакатнинг кўплаб провинцияларида ёғингарчилик миқдори бир ойлик меъёрга етган. Шарқий ва шимолий ҳудудларда эса кучли шамол уйларнинг томини учириб юборган, дарахтлар қулаб тушиши натижасида ўнлаб автомобилларга жиддий зарар етган. Ноқулай об-ҳаво шароити туфайли ҳозирги кунгача икки киши ҳаётдан кўз юмди.
Синоптиклар ҳафта охирида ҳаво ҳарорати исишини айтишмоқда.

Манзилга етиб бора олмади
Тайванда маҳаллий “TransAsia Airways” авиакомпаниясига қарашли йўловчи самолёти Тайбэй шаҳридан Цзиньмэнь архипелагига парвозни амалга ошираётган вақтда фожиага йўлиқди, дейилади “Синьхуа” ахборот агентлиги хабарида.
Ҳаво лайнери Килунг дарёсига қулаб тушган. Оқибатда тўққиз киши ҳаётдан кўз юмди. Ўн киши шифохонага ётқизилди. Кеча воқеа жойида қутқарув ишлари олиб борилди. Чунки айрим йўловчилар самолёт бортида қолиб кетганди.
Фожиа сабаби бўйича ҳали расмий баёнот берилганича йўқ.

Учинчи ўринни эгаллади
Хитойнинг “Lenovo” компанияси 2014 йилнинг учинчи молиявий чораги якунларини эълон қилди.
Унда компанияга қарашли бўлган “Motorola Mobility” шуъба корхонасининг иқтисодий кўрсаткичлари ҳам акс этган. Эътиборлиси, “Motorola” акциялари хитойлик инвесторлар томонидан сотиб олиниши унинг фаолиятида ижобий натижа берди. Яъни ўтган йили ушбу корхона ишлаб чиқарган смартфонлар савдоси 2013 йилнинг шу давридагига нисбатан 118 фоиз ошди. Натижада 1,9 миллиард АҚШ доллари миқдорида даромад олинди.
Айтиш жоизки, ўтган йили “Lenovo” смартфонлар савдоси бўйича “Samsung” (Жанубий Корея) ва “Apple” (АҚШ)дан кейинги учинчи ўринни эгаллади.

Энди сут ҳам сотади
Салқин ичимликлар ишлаб чиқариш бўйича дунёга машҳур “Coca-Cola” компанияси АҚШда қадоқланган сутни сотувга чиқаради.
Бу ҳақда “USA Today” нашри хабар тарқатди. Маҳсулот компаниянинг “Minute Made” бўлими томонидан тайёрланади. У жорий йилнинг март ойидан харидорлар ҳукмига ҳавола қилинади.
“Fairlife” (янги маҳсулотга шундай ном берилган) таркибида оддий сутга қараганда протеин (тирик организм ёки ўсимликнинг айрим тўқималарини ташкил этувчи оддий оқсил моддалар) миқдори 50, кальций 30 фоиз кўп, шакар эса 50 фоиз кам. Шунингдек, у лактоза (сут таркибидаги шакар моддаси)дан бутунлай холидир.

Хориж матбуоти хабарлари асосида тайёрланди.

СЎНГГИ ЯНГИЛИКЛАР