XS.UZ
Ўзбекистон ёшлар иттифоқи: навқирон авлод манфаатларини ҳимоя қилишнинг янги тизими Электоратга берилган ваъдалар устидан чиқиш пайти келди Қонун лойиҳалари муҳокамасида янгича ёндашув ХВЖ миссиясининг Ўзбекистонга амалий ташрифи якуни бўйича баёноти Болаларга китоблар тарқатилмоқда Ҳаракатлар стратегияси: юксак тараққиётга эришишнинг ҳуқуқий кафолати Устувор вазифалар, истиқболли таклифлар Қоялар бағридаги музей Полвонларимиз — қитъа чемпионлари Ўзбекистон Республикасида лойиҳа бошқаруви тизимини жорий этиш чора-тадбирлари тўғрисида Самимий қутловлар Қишлоқ хўжалиги соҳасини замонавий тизимга ўтказиш — давр талаби Одамлар розилиги, юрт ободлиги Фуқароларимиз мамлакатимиздаги ислоҳотларни тўлиқ қўллаб-қувватламоқда Халқ қабулхоналари Солиқ маъмуриятчилигида тадбиркор манфаати устувор бўлади Иш фаолиятимизда лоқайдликка мутлақо йўл қўйиб бўлмайди Жаҳон чемпионатида ажойиб натижа Янги телерадиоканал — эфирда Саноатни янада ривожлантириш ва улкан бунёдкорлик ишлари истиқболлари Замонавий Ўзбекистон тараққиётида янги саҳифа Парламент ёшлар билан алоқаларни мустаҳкамламоқда Одам савдосига қарши курашиш — барчанинг вазифаси Яхшилик асло унутилмайди Нефть-газ саноатида илк кластер яратилади 123,7 миллион АҚШ доллари ўзлаштирилди Тарихий кошин юртимизга қайтарилди Тадбиркорликнинг самарали тармоғи Қалб қўри, меҳри ва саховати тафтидан ўнлаб истеъдодли санъаткорлар камолга етди Режасини ўзгартирмайди
  • 06 Ноябрь 2014

Ижобий ўзгариш

Франциянинг “BNP Paribas SA” молия муассасаси учун жорий йилнинг иккинчи чораги муваффақиятсиз якунланган эди.

Аммо июль — сентябрь ойларида банк фаолиятида ижобий натижалар кузатилди. Жумладан, у 1,5 миллиард евро миқдорида соф фойда олишга эришди. Бу ўтган йилнинг шу давридагига нисбатан 11 фоиз кўп, деганидир.

Хизматга талаб ортмоқда
Жорий йилнинг апрель — сентябрь ойларида “Ryanair” (Ирландия) авиакомпанияси йўловчи ташиш ҳажмини 4 фоиздан 32 фоизгача оширди, дейилади “Евроньюс” телеканали хабарида.
Натижада муассаса 780 миллион евро миқдорида маблағ ишлаб олган. “Ryanair” Европадаги камбюджетли авиакомпания ҳисобланади. Шунга қарамай, у кўрсатаётган хизматларга талаб ортиб бораётир. Масалан, қишки таътил вақти учун компания жуда кўп буюртма олган.
“Ryanair” мавқеини янада мустаҳкамлаш мақсадида келаси йилда чипталар баҳосини 10 фоиз арзонлаштиришни режалаштирмоқда.

Сурункали ёмғир оқибати
Канаданинг Ванкувер шаҳрида ёққан сурункали ёмғир сув тошқинларини келтириб чиқарди.
Оқибатда шаҳарнинг шимолий қисмида транспорт воситалари ҳаракати тўхтаб қолди. Аҳоли хавфсизлигини таъминлаш мақсадида таълим муассасалари вақтинча ёпиб қўйилди.
Синоптикларнинг маълум қилишича, сўнгги бир неча суткада бу ерда ёғингарчилик миқдори 86 миллиметрни ташкил этган.

Мақсад — муаммони юмшатиш
Атмосферадаги иссиқлик гази миқдори сўнгги 800 йил ичидаги энг юқори кўрсаткичга етди.
Бу ҳақда БМТнинг Иқлим ўзгаришлари бўйича ҳукуматлараро экспертлар гуруҳи томонидан тайёрланган маърузада келтириб ўтилган. Таъкидланишича, ушбу глобал муаммони юмшатиш учун зудлик билан тегишли чоралар кўриш лозим. Акс ҳолда бунинг оқибати жуда аянчли бўлиши мумкин. Шундан келиб чиқиб, мутахассислар 2050 йилгача атмосферага чиқарилаётган иссиқлик гази миқдорини 40-70, 2100 йилда эса 100 фоиз қисқартириш зарурлигини уқтиришмоқда.
Олиб борилган кузатишларга қараганда, 1880 — 2012 йиллар оралиғида сайёрамизда ҳаво ҳарорати Цельсий шкаласи бўйича ўртача 0,85 даража, океанлардаги сув сатҳи эса 1901 — 2010 йилларда ўртача 19 сантиметр кўтарилган.

Пасайиш кузатилди
Лондон биржасида “Brent” типидаги нефтнинг бир баррели қиймати 82 АҚШ долларига тушди. Бу сўнгги тўрт йил ичида унинг баҳосида қайд этилган энг паст кўрсаткичдир.
Нью-Йорк биржасида эса “WTI” маркали углеводород хом ашёсининг нархи бундан-да арзонлашиб, ҳар баррели учун 78,30 АҚШ долларидан шартномалар имзоланди.
Экспертлар фикрига кўра, нефть баҳосида бундай пасайишнинг кузатилиши Саудия Арабистони Осиё давлатлари учун “қора олтин” қийматини арзонлаштириши ҳақида пайдо бўлган гап-сўзлар таъсиридир.

Хавфли вирусга тўсиқ қўйилади
Жаҳон банки Эбола вируси тарқалишига қарши курашиш учун 100 миллион АҚШ доллари ажратишини маълум қилди.
Ушбу маблағ хавфли касаллик қамрови тобора кенгайиб бораётган ўарбий Африкага қўшимча шифокорлар гуруҳини сафарбар этишга сарфланади.
“Умид қиламизки, 100 миллион доллар эҳтиёж бор жойларда тиббиёт ходимлари сонини кескин ошириш имконини беради”, деди Жаҳон банки президенти.
Маълумот ўрнида айтиб ўтиш жоизки, ҳозирги кунга қадар Гвинея, Сьерра-Леоне ва Либерияда Эбола вируси туфайли 5 мингга яқин киши ҳаётдан кўз юмди. Мазкур эпидемияга қарши курашиш учун Жаҳон банки сўнгги уч ой мобайнида 500 миллион доллардан кўпроқ маблағ ажратди.

Кўриш қобилияти чекланганлар учун

A- A A+