Муносиблик масъулияти
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 17 Июль 2017

Муносиблик масъулияти

Ушбу сана БМТ Бош Ассамблеясининг 69-сессиясида қабул қилинган Резолюцияга мувофиқ таъсис этилган. Бунда ёшлар ўртасидаги ишсизликни бартараф қилиш, унинг зарарли таъсирига қарши кураш асосий мақсад ҳисобланади.

Бирлашган Миллатлар Ташкилотига аъзо давлатлар барча мамлакатларда ёшлар ривожланиш, ижобий ижтимоий ўзгаришлар ва технологик инновацияларнинг захираси эканлигини эътироф этади. 

Халқаро меҳнат ташкилотининг “Жаҳонда бандлик ва ижтимоий истиқболлар — 2016: ёшлар учун тамойиллар” йиллик маърузаси маълумотларига кўра, ўтган йили дунё бўйича 71 миллион нафар ёш ишга жойлаша олмаган. Шу тариқа аҳолининг бу тоифаси ишсизлик даражаси 13,1 фоизни ташкил қилди. 

Бугунги кунда Ўзбекистоннинг 60 фоиздан зиёд аҳолисини 30 ёшгача бўлган ёшлар ташкил этади. Шу боис мамлакатимизда уларни кенг миқёсда қўллаб-қувватлашга катта эътибор қаратилмоқда, ҳар томонлама баркамол авлодни тарбиялаш масаласи эса давлат сиёсатининг биринчи навбатдаги устувор вазифасига айланган. 

Олиб борилаётган ёшлар сиёсати мустаҳкам ҳуқуқий заминга эга. Мустақиллик қўлга киритилганидан кейин қабул қилинган дастлабки қонунчилик ҳужжатларидан бири, бу — 1991 йилнинг 20 ноябридаги “Ўзбекистон Республикасида  ёшларга оид давлат  сиёсатининг асослари тўғрисида”ги  Қонундир. Мазкур ҳужжат ўсиб келаётган авлод ҳақида ғамхўрликни, уларнинг ташаббуслари қўллаб-қувватланиши ҳамда ҳуқуқ ва эркинликлари ҳимоя қилинишини устувор йўналиш сифатида белгилаб берди. Кейинчалик қабул қилинган қонуний ҳужжатлар ёшларнинг касбий тайёргарлиги, ҳар бир ёш авлод вакилининг таълим олиш бўйича конституциявий ҳуқуқи таъминланиши, бепул тиббий хизмат ва умумий таълим олиш, меҳнат жабҳасида имтиёзлар бериш, уй-жой қуриш ва унга эга бўлишларида имтиёзли кредитлар ажратиш, кам таъминланган ёш оилаларни моддий қўллаб-қувватлаш, бўш вақтини мазмунли ўтказиш ҳамда дам олиш тизимини ривожлантириш каби ҳуқуқий ва ижтимоий кафолатларни мустаҳкамлади.

2016 йилнинг сентябрида “Ёшларга оид давлат сиёсати тўғрисида”ги Ўзбекистон Республикаси Қонунининг янги таҳрирда қабул қилиниши бу йўналишдаги ишларни кучайтириш ва уларнинг  самарадорлигини  ошириш йўлидаги яна бир муҳим қадам бўлди. Ушбу ҳуқуқий ҳужжатда “ёшлар”, “ёш оила”, “ёш мутахассис”, “ёшлар тадбиркорлиги” сингари тушунчаларнинг мазмуни очиб берилган ҳамда ёшларнинг ҳуқуқ ва қонуний манфаатлари мустаҳкамланган. Мисол учун, “ёшлар (ёш фуқаролар)” деганда, 14 ёшга тўлган ва 30 ёшдан ошмаган шахслар назарда тутилади, шунингдек, “ёш оила” тушунчасига ҳам таъриф берилган. Қонунда ёшларга оид давлат сиёсатини амалга оширувчи давлат органларининг тизими ҳамда уларнинг ваколатлари мустаҳкамланган.  

Шу билан бирга, ҳар томонлама пухта ишлаб чиқилган ва қабул қилинган ҳуқуқий ҳужжатлар ўзининг лозим даражадаги амалий ифодасини доимо бирдек топмаслигини ҳам айтиш лозим. Ишда муваффақиятлар билан бирга, камчиликлар ҳам мавжуд. Ёшлар сиёсатидаги долзарб муаммолар Ўзбекистон Президенти Шавкат Мирзиёевнинг 2017 йил 30 июнда бўлиб ўтган “Камолот” ёшлар ижтимоий ҳаракатининг IV қурултойида сўзлаган нутқида асосий мавзу бўлди. Мамлакатимиз раҳбари ёшлар бандлигини таъминлаш, уларнинг билимларини ошириш ва дунёқарашини кенгайтириш, тадбиркорликни ривожлантириш, уларни мафкуравий хатарлардан муҳофаза қилиш сингари долзарб масалалар бўйича ёшлар ижтимоий ҳаракатининг фаолиятини танқидий баҳолади. Шу муносабат билан анжуман иштирокчилари “Камолот” ЁИҲ негизида Ўзбекистон ёшлар иттифоқини ташкил этиш тўғрисидаги таклифни қўллаб-қувватладилар. Қурултойда Ўзбекистон ёшлар иттифоқи ташкил этилган сана — 30 июнь  мамлакатимизда Ёшлар куни деб эълон қилинди. 

Ҳозирги пайтда юқори технологияларнинг шитоб билан ривожланаётгани, глобаллашувдан келиб чиқадиган хавф-хатарлар ўсиб бораётгани, мамлакатимизнинг жаҳон иқтисодиётига интеграциялашуви ёш кадрлар тайёрлаш даражаси ва сифатини изчил ошириш ҳамда уларнинг ҳуқуқий маданиятини юксалтириш бўйича муҳим вазифаларни қўймоқда. 2017 — 2021 йилларда Ўзбекистон Республикасини ривожлантиришнинг бешта устувор йўналиши  бўйича Ҳаракатлар стратегиясида ёшлар бандлигини таъминлаш масалаларига алоҳида эътибор қаратилган. Биргина Халқ билан мулоқот ва инсон манфаатлари йилида ўрта махсус, касб-ҳунар таълими муассасаларининг 450 минг нафар битирувчиси билан 200 минг корхона ва ташкилотлар ўртасида тўрт томонлама шартномалар имзоланиши, бўш иш ўринларининг 803 та ихтисослаштирилган ярмаркаларини ўтказиш, тадбиркор бўлишни хоҳловчи коллежларнинг битирувчиларига 360 миллиард сўм миқдоридаги имтиёзли кредитларни тақдим этиш режалаштирилган. 

Ўзбекистонда узлуксиз равишда ҳар томонлама ривожланган, мустақил фикрлашга қодир, кенг дунёқарашга ва чуқур билимга эга бўлган авлодни тарбиялаш бўйича салмоқли ишлар ҳаётга татбиқ этилмоқда. Ўзбек ёшларининг буюк аждодларга муносиб ворис бўлишга, ўз иқтидорларини Ватан фаровонлигига йўналтиришга бўлган интилишлари эса юксак эътибор ҳамда ғамхўрликка жавобдир. 

«Жаҳон» АА.

 

СЎНГГИ ЯНГИЛИКЛАР