Илғор тажриба самараси
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 25 Апрель 2017

Илғор тажриба самараси

Чорвачиликда маҳсулдорликка эришиш кўп жиҳатдан селекция-наслчилик ишларининг нечоғли тўғри йўлга қўйилганига боғлиқ. Шу боис мамлакатимизда жаҳоннинг илғор тажрибаларини қўллаган ҳолда, чорва молларининг маҳаллий зотлари генофондини сақлаш, кўпайтириш ҳамда сермаҳсул зотларини яратишга жиддий эътибор қаратилаяпти. Бунда Ўзбекистон Республикасининг “Наслчилик тўғрисида”ги, “Селекция ютуқлари тўғрисида”ги қонунлари дастуриламал бўлаётир.

Ўзбекистон Республикаси Қишлоқ ва сув хўжалиги вазирлиги ҳузуридаги Чорвачиликда наслчилик ишлари бўйича бош давлат инспекцияси томонидан барча тоифадаги хўжаликларда шу ҳамда бошқа ҳужжатларнинг изчил ижроси юзасидан давлат назорати олиб борилаётгани туфайли чорвалар наслли моллар билан тўлдирилиши баробарида, сут ва гўшт етиштириш ҳажми тобора ошмоқда. 2016 йилда ҳар бош сигирдан соғиб олинган сут миқдори 2000 йилдагига нисбатан 146 фоиз ўсгани бунинг яққол далилидир. 

Қишлоқ ва сув хўжалиги вазирлиги Чорвачилик ва паррандачиликни ривожлантириш бошқармаси бошлиғи Собир Мавлоновнинг айтишича, охирги 10 йилда Беларусь, Украина, Польша, Австрия, Германия, Голландия каби хорижий давлатлардан 72 минг бошдан зиёд наслли қорамоллар олиб келинди. 

Ҳозирги пайтда биргина қорамолчилик йўналишида фаолият кўрсатаётган 610 та наслчилик хўжалигида парваришланаётган чорва моллари сони 121,5 минг бошдан ортди. Улардан олинаётган  бузоқларнинг 20 фоизи деҳқон ҳамда фермер хўжаликлари, аҳолига етказиб берилаётир. Оммавий ахборот воситалари ходимлари учун уюштирилган медиатур доирасида ташриф буюрилган Қибрай туманидаги “Ўзнаслэлита” масъулияти чекланган жамияти — шулардан бири. 

— Чорвачилик фермамиз 2014 йилда ташкил қилинган бўлиб, ўша йили Австриядан 93 бош симментал, Германиядан 30 бош голштинфриз зотли ғунажин олиб келинган эди, — дейди ушбу жамият раҳбари Фахриддин Эшдавлатов. — Бугунги кунга келиб, қорамоллар сони 326 бошга етди. Шундан 100 дан ортиғи соғин сигирлар бўлиб, ҳар биридан кунига 20 — 30 литр сут соғиб олинаяпти.   

Биз қорамолларнинг симментал зотини кўпайтираётганимиз бежиз эмас. Унинг афзаллиги шундаки, қўш йўналишли. Яъни бир пайтнинг ўзида сутчилик ва гўштчиликни йўлга қўйиш мумкин. Соғин сигирларнинг ҳар биридан мавсум давомида 8-9 минг литрдан ортиқ сут олинса, гўшт йўналишида жаҳон бозорида энг харидоргир бўлган маҳсулот етказиб бериш мумкин. Шунинг учун фаолиятимизни кенгайтириб, соғин сигирларни 400 бошдан оширгач, сут ва гўштни қайта ишлаш заводлари фаолиятини йўлга қўйишни мақсад қилганмиз. 

Бугунги чорвачилик мажмуалари бундан 20 — 25 йил аввалгиларидан тубдан фарқ қилади. Аввало, бу ердаги озодалик, ишга бўлган муносабат кишининг ҳавасини келтиради. Мажмуа ҳудудида мўъжаз иссиқхона, боғ ҳам барпо этилганки, етиштирилаётган мева-сабзавот маҳсулотлари бу ерда меҳнат қилаётган 50 дан ортиқ кишининг боғ ва дала неъматларига бўлган эҳтиёжини таъминламоқда. 

Қувонарлиси, бундай илғор хўжаликлар сони йил сайин кўпайиб бораётир. Журналистлар ташриф буюрган тумандаги яна бир наслчилик фермаси — “Ҳалол Барака Нур” масъулияти чекланган жамиятида ҳам  ана шундай манзаранинг гувоҳи бўлдик. 

Бу қишлоқ хўжалиги соҳасида олиб борилаётган тизимли ислоҳотлар жойларда ўз самараларини бера бошлаганининг яққол далолатидир.

Саид РАҲМОНОВ,

«Халқ сўзи» мухбири.