Илмий ёндашув —  самарадорлик кафолати
  • 16 Март 2017

Илмий ёндашув —  самарадорлик кафолати

Мамлакатимиз қурилиш материаллари саноатида ислоҳотларни янада чуқурлаштириш ва тармоқни жадал ривожлантириш, Маҳаллийлаштириш дастури асосида замонавий, қулай ҳамда сифатли маҳсулотлар ишлаб чиқаришни кенгайтириш борасида кенг кўламли саъй-ҳаракатлар амалга оширилмоқда.

Бу эса, ўз навбатида, кўркам тураржойлар, бино ва саноат объектларини барпо этиш ҳамда реконструкция қилишда кенг фойдаланиладиган қурилиш материалларининг ёнғин хавфсизлигини таъминлашни ҳам тақозо этади.

Ўзбекистон Республикаси Ички ишлар вазирлиги Ёнғин хавфсизлиги олий техник мактабида ўтказилган республика илмий-амалий конференцияси шу масалага бағишланди. Унда юртимиздаги қатор нуфузли олий ўқув юртларининг профессор-ўқитувчилари, корхона ва ташкилотлар масъул ходимлари, ички ишлар соҳавий хизматлари ҳамда оммавий ахборот воситалари вакиллари қатнашди.

Анжуманда юртимизда қурилиш материаллари ёнғин хавфсизлигини таъминлаш йўналишида эришилган илмий-амалий натижалар, бу борадаги мавжуд муаммолар олимлар ҳамда мутахассислар иштирокида атрофлича таҳлил этилди. Айни чоғда ишлаб чиқарилаётган қурилиш материаллари хавфсизлиги, бу борадаги илмий тадқиқот жараёнларини жадаллаштириш ва ёнғин хавфсизлиги юқори бўлган навбатдаги қурилиш материалларини яратиш бўйича ҳамкорликни кучайтириш билан боғлиқ вазифалар кўриб чиқилди.

Муҳокама қилинган масалалар юзасидан фикр-мулоҳазалар билдирилиб, тегишли тавсиялар берилди.

Зокир ХУДОЙШУКУРОВ,

«Халқ сўзи» мухбири.

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn