Данаксиз анордан шарбат тайёрланади
  • 31 Январь 2017

Данаксиз анордан шарбат тайёрланади

Мирзаобод туманининг Деҳқонобод қишлоғида фаолият кўрсатаётган “Анорчи Ҳасан орзуси” масъулияти чекланган жамиятида фермер хўжаликлари ва аҳоли томорқалари учун 25 минг тупдан зиёд анор кўчатлари тайёрлаб қўйилди.

— “Қизилпўчоқ”, “Қорадона”, “Туятиш” сингари серҳосил навларни кўпайтиришга алоҳида эътибор қаратаяпмиз, — дейди жамият раҳбари Ҳасан Хўжаев. — Шунингдек, синов тариқасида анорнинг уруғсиз тури кўчатларини ҳам ўстираяпмиз. Бу навнинг афзаллиги шундаки, унинг мева доналарини тўлиғича шарбатга айлантириш мумкин. Шу мақсадда жамиятимиз ихтиёрига янги боғ барпо этиш учун 5 гектар ер ажратилди.

Яқин истиқболда Мирзаобод тумани бўйича 4 минг гектар майдонда анорзорлар ташкил қилиниши мўлжалланган.

Аҳмадали ШЕРНАЗАРОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn