XS.UZ
Халқимизнинг розилиги – барча ютуқ ва марраларимизнинг асосий манбаидир 2017 — 2019 йиллар даврида деҳқон бозорларини реконструкция қилиш ва уларнинг ҳудудида замонавий савдо мажмуалари қуриш Ўзбекистон Республикаси Олий Мажлиси Сенатининг тўққизинчи ялпи мажлиси тўғрисида ахборот Фуқароларнинг конституциявий ҳуқуқлари кафолати кучайтирилмоқда Депутатлар ихтисослаштирилган тиббиёт марказларининг фаолиятини муҳокама қилдилар Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида Ўзбекистон ва Польша Президентлари бир-бирларини қутладилар Халқимиз бунёдкорлик салоҳиятининг амалий ифодаси Замонавий кўприклар халқимиз фаровонлигини юксалтиришга хизмат қилади Ёш мутахассисларга муносиб иш жойлари Кооперацион алоқалар кенгаймоқда Ўзаро манфаатли ҳамкорликнинг юксак самаралари Дипломатлар шахматда беллашди Ишлаб чиқариш кластери инновацион иқтисодиётга ўтишнинг муҳим босқичидир Мавқеини мустаҳкамламоқда Сердаромад ва истиқболли соҳа Ўзбекистон Республикаси билан Қозоғистон Республикаси ўртасида стратегик шерикликни янада чуқурлаштириш ва аҳил қўшничиликни мустаҳкамлаш тўғрисида Автомобилни бошқармаслик учун имтиёз Япония киноси кунлари бошланди Қизилқумлик ёшларга туҳфа Келажак учун муҳим қўлланма Инсон ҳуқуқ ва манфаатлари кафолати профилактика инспекторлари фаолиятининг асосий мезонидир Ўзбекистон Республикаси Олий Мажлиси Сенати тўққизинчи ялпи мажлисининг очилиши тўғрисида Савдо-иқтисодий алоқалар янада кенгаяди Президентимизнинг халқ қабулхоналари Фуқаролик жамияти институтлари ва ҳамкорлик Янги интерактив хизматлар Балиқчиликда вьетнам тажрибаси “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади. “Халқ сўзи” ва “Народное слово” газеталари таҳририяти энг яхши мақола ва фотосуратлар танловини эълон қилади.
  • 09 Январь 2017

Истиқболли инвестициявий лойиҳалар самараси

Мамлакатимиз саноатини, хусусан, йирик ишлаб чиқариш корхоналарини модернизациялаш, бунинг учун жалб этилаётган инвестициялардан самарали фойдаланиш иқтисодиётимиз ривожида катта аҳамият касб этмоқда.

Бунга Оролбўйида амалга оширилаётган ишлар яққол мисол бўла олади.

Айтиш жоизки, Биринчи Президентимизнинг 2015 йил 25 декабрдаги “Ўзбекистон Республикасининг 2016 йилги инвестиция дастури тўғрисида”ги қарори асосида Қорақалпоғистон Республикасида 3 триллион 348 миллиард сўмликдан зиёд инвестиция ўзлаштирилиши белгиланган бўлса, бугунгача ушбу кўрсаткич 3 триллион сўмликни ташкил этди.

Хусусан, Қораўзак туманида барпо этилаётган лойиҳа қиймати 8 миллион АҚШ долларилик “Қорақалпоқ цемент” масъулияти чекланган жамияти фаолияти йўлга қўйилса, йилига 200 минг тонна маҳсулот ишлаб чиқариш имконияти юзага келади.

Устюртдаги Сурғил кони негизида ташкил этилган, йилига 400 минг тонна полиэтилен, 100 минг тонна полипропилен ва 100 минг тоннадан кўпроқ пиролиз дистилляти ишлаб чиқариш қувватига эга масъулияти чекланган жамият шаклидаги “UZ-KOR GAS CHEMICAL” қўшма корхонасида ўтган йилнинг тўққиз ойида 1205,8 миллиард сўмлик маҳсулот тайёрланиб, 263,4 миллион АҚШ долларилик 318,1 минг тонна полимерлар экспортга жўнатилди.

Айни пайтда корхонада 1200 нафардан зиёд ишчи-ходимлар, жумладан, касб-ҳунар коллежлари битирувчилари меҳнат қилмоқда.

Мамлакатимиз иқтисодиётида ўз ўрнига эга бўлган Қўнғирот сода заводида эса 109,5 миллион АҚШ долларилик лойиҳа рўёбга чиқарилгач, йилига қўшимча 100 минг тонна кальцийлаштирилган маҳсулот ишлаб чиқариш ўзлаштирилиши баробарида, унинг йиллик жами қуввати 200 минг тоннага етказилди.

Шу ўринда иқтисодиёт тармоқларига электр энергиясининг кафолатли етказиб берилишини таъминлаш бўйича амалга оширилаётган яна бир муҳим лойиҳа ҳақида тўхталиб ўтиш зарур. 

2015 — 2021 йилларга мўлжалланган, умумий қиймати 678,2 миллион АҚШ долларилик ушбу лойиҳа ҳаётга татбиқ этилса, нафақат хом ашёни тежаш, балки электр энергияси ишлаб чиқаришни янада кўпайтириш имкони яратилади. Жумладан, Тахиатош ИЭСи қувватини 230 — 280 МВтга ошириш натижасида табиий газ истеъмоли 488 миллион куб метрга камаяди. Пировардида унинг умумий қуввати 930 МВтга етиб, электр энергияси ишлаб чиқариш ҳажми 3,3 миллиард киловатт-соатдан ортади.

Буларнинг барчаси иқтисодиётимизни янада ривожлантириш, халқимиз турмуш фаровонлигини таъминлашга хизмат қилиши билан аҳамиятлидир.

Ҳидоят АҲМЕДОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган