XS.UZ
Фанлар академияси фаолияти, илмий-тадқиқот ишларини ташкил этиш, бошқариш ва молиялаштиришни янада такомиллаштириш чора-тадбирлари тўғрисида Соғлом авлод — давлат ва жамият таянчи Аҳоли билан мулоқот ва амалий тажриба «Профилактика куни» тадбирлари бошланди Қулай инвестиция муҳити иқтисодиётимиз юксалишига хизмат қилмоқда «Олтин қалам»: Ижодий изланиш ва рағбат Тадбиркорларга янги имтиёз ва имкониятлар Журналистика соҳасида «Олтин қалам» XII Миллий мукофоти Маданият ва спорт соҳасида бошқарув тизимини янада такомиллаштириш чора-тадбирлари тўғрисида Ободлик ва фаровонлик кўзгуси Омбудсман 2016 йилдаги фаолияти тўғрисидаги ахборотни депутатларга тақдим этди Ҳуқуқий тарғиботни амалга оширишнинг муҳим босқичи Дўстлик ва ҳамжиҳатлик тараннуми Мурожаатларга оид амалий қўлланма Йўл хўжалигини бошқариш тизимини янада такомиллаштириш чора-тадбирлари тўғрисида Ўзбекистон Президенти Россия Ҳукумати раисининг ўринбосарини қабул қилди Ҳукуматлараро комиссия мажлиси Устувор вазифалар белгилаб олинди Қишлоқ хўжалигини модернизациялаш Таълим-тарбия соҳасига янгича ёндашув — барқарор тараққиёт гарови Алломалар меросига юксак эҳтиром Ижодий ҳамкорлик ва  маданий учрашувлар Яхши сўз, хайрли ташаббус Туркманистон Президенти билан телефон орқали мулоқот Туркманистон Президенти билан телефон орқали мулоқот Имом Термизий халқаро илмий-тадқиқот марказини ташкил этиш чора-тадбирлари тўғрисида Улуғ шоирга эҳтиром Боқий қадриятлар эъзози «Бундай юксак ишончни, албатта, оқлаймиз!» Қонун ҳужжатларини тарқатиш тизимини тубдан такомиллаштириш — давр талаби
  • 29 Декабрь 2016

Иқтисодиётга йўналтирилаётган сармоялар

саноат субъектларини ривожлантиришда қўл келмоқда

Республикамиз иқтисодиётида хусусий сектор ролини ошириш борасида кўрилаётган чора-тадбирлар туфайли мулкчилик тузилмасида туб ўзгаришлар кузатилиб, паст -рентабелли, зарар кўриб ишлаётган корхоналар салоҳиятли сармоядорларга берилаётир. Бу саноат тармоқларини янада юксалтириш ва аҳоли фаровонлигини оширишга хизмат -қилаётгани билан аҳамиятлидир.

Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасида оммавий ахборот воситалари ходимлари учун ташкил этилган анжуманда шулар хусусида сўз юртилди. Таъкидланганидек, бугунги кунда ҳукуматимиз томонидан иқтисодиётнинг реал сектори корхоналарини қўллаб-қувватлаш, уларни таркибий ўзгартириш ва молиявий соғломлаштириш ишларига алоҳида эътибор қаратилмоқда. Бунда, жумладан, Вазирлар Маҳкамасининг 2015 йил 26 январдаги қарорига мувофиқ, маҳаллий ҳокимликлар ва хўжалик бошқаруви органлари билан ҳамкорликда зарар кўриб ишлаётган ҳамда паст рентабелли корхоналарни қўллаб-қувватлаш мақсадида “йўл харитаси” дастурлари ишлаб чиқилаётгани қўл келмоқда. 

— Бу борада кўрилган чора-тадбирлар натижасида жорий йилнинг тўққиз ойида мазкур дастурларга киритилган корхоналарнинг 1 триллион сўмликдан ортиқ ички захиралари мобилизация қилиниб, 27,2 минг квадрат метр бўш турган ишлаб чиқариш майдонлари тадбиркорлик субъектларига ижарага берилди, — дейди қўмитанинг Молиявий-иқтисодий таҳлил ва иқтисодий ночор корхоналарни таркибий ўзгартириш бошқармаси бош мутахассиси Элёр Содиқов. 

— Шунингдек, жалб этилган 601,2 миллиард сўм ва 181,7 миллион АҚШ доллари миқдоридаги инвестициялар ишлаб чиқариш қувватларини модернизациялаш, технологик жиҳатдан янгилаш учун йўналтирилди. Натижада уларда нафақат 500 дан ортиқ эскирган асбоб-ускуналар алмаштирилди, балки кўплаб янги маҳсулотлар тайёрлаш ҳам ўзлаштирилди. Энг асосийси, жорий йилнинг уч чорагида “йўл харитаси” дастурларига киритилган корхоналар 53,8 миллиард сўм фойда олишга муваффақ бўлди. Йил якуни бўйича эса бу кўрсаткич 103,1 миллиард сўмга етиши кутилмоқда. 

Бўш турган бино ва иншоотларни “ноль” харид қийматида сотиш хусусийлаштиришнинг ўзига хос усулларидан бири ҳисобланади. Бинобарин, бу механизм зарар кўриб ишлаётган, бўш турган ёки қурилиши тугалланмаган бинолардан мақсадли фойдаланиш, тадбиркорларга эса ўз маблағини фойдали ишга сарфлаш, хорижий инвесторларнинг сармоясини жалб этиш учун катта қулайлик яратади. Шу -билан бирга, мазкур тадбир мулкни ҳақиқий эгасига сотиш, инвестор сармояси ва салоҳияти орқали корхоналар фаолиятини қайта тиклаш, уларни мўмай даромад манбаига айлантириш, фойдаланилмаётган объектлар негизида янги турдаги маҳсулот ишлаб чиқариш ва хизмат кўрсатишни йўлга қўйиш, энг асосийси, маҳаллий бюджетга тушумларни кўпайтириш, ҳудудларнинг иқтисодий  ривожини таъминлашга кенг йўл -очади. Шу боис қўмита томонидан ушбу йўналишдаги ишларга ҳам алоҳида эътибор қаратилиб, бўш турган ва қурилиши тугалланмаган 777 та объект инвесторларга “ноль” харид қийматида берилди. Бунинг эвазига 439,3 миллиард сўмлик инвестициялар жалб қилинди. 305 та лойиҳа эса кичик саноат ҳудудлари ҳамда яроқсиз объектларни бузишдан бўшаган ер майдонларида амалга оширилди. 

Бундан ташқари, ҳудудларда маҳаллий ҳокимликлар, тижорат банклари иштирокида кам қувватли, фаолият юритмаётган корхоналарни тиклаш ва улар ўрнида янги ишлаб чиқариш қувватларини ташкил этиш бўйича ҳам муайян ишлар бажарилмоқда. Хусусан, жорий йилда 2629 та лойиҳадан иборат манзилли дастурлар тасдиқланган эди. Ўтган 11 ой мобайнида эса бунинг учун 2 триллион сўмликдан зиёд инвестиция ўзлаштирилди. 

Анжуманда, шунингдек, қўмита томонидан келгуси йилда амалга оширилиши режалаштирилаётган ишлар ҳақида ҳам батафсил маълумот берилди. 

Дилшод УЛУҒМУРОДОВ,

«Халқ сўзи» мухбири.

 

Кўриш қобилияти чекланганлар учун

A- A A+

Кўп ўқилган