XS.UZ
Суяк ўстириш ўзлаштирилди(ми?) Киберхавфсизликни таъминлаш учун йилига 161,3 миллиард АҚШ доллари миқдорида маблағ йўналтирилади Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида Тошкентда 25 октябр куни ШҲТга аъзо давлатлар Олий суд раисларининг йиғилиши бўлади Шавкат Мирзиёев Муҳаммад Ашраф Ғанига ҳамдардлик билдирди “Ўзбекистон ёшлар иттифоқи мукофоти” таъсис этилди Ўзбекистоннинг Германиядаги янги Фавқулодда ва мухтор элчиси тайинланди Ўзбекистон Республикасининг Испания Қироллигидаги элчихонаси маслаҳатчиси, муваққат ишлари вакили тайинланди Дахлдорлик туйғуси Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар
  • 29 Декабрь 2016

«Туронбанк»нинг янги филиали иш бошлади

Мамлакатимизда яратилган қулай ишбилармонлик муҳити, тадбиркорликни йўлга қўйиш истагидаги аҳолига берилаётган имкониятлар иқтисодиётнинг муҳим бўғини ҳисобланган молия-банк тизими фаолиятини ҳам такомиллаштиришга асос бўлмоқда.

Натижада молия муассасалари томонидан мижозларга кўрсатилаётган хизмат сифати тубдан яхшиланаётир. Бунга “Туронбанк” акциядорлик тижорат банки фаолияти яққол мисол бўла олади. Бинобарин, мазкур молиявий ташкилот жамоасининг аҳоли ва -мижозлар орасига чуқур кириб бориш юзасидан кўраётган чора-тадбирлари амалда ўз самарасини бераяпти. 

Бугунги кунда банкнинг республикамиз бўйича 18 та филиали, 23 та минибанки, 27 та халқаро пул ўтказмалари ва 7 та валюта айирбошлаш шохобчаси, 25 та коммунал, 18 та жамғарма, шунча махсус кассаси мавжуд бўлиб, улар орқали намунали хизмат кўрсатилаётир. Ушбу молия муассасасининг байрамлар арафасида мижозларга ўзига хос туҳфа тайёрлаши эзгу анъанага айланган. Масалан, яқинда “Туронбанк” АТБнинг Юнусобод туманида иш бошлаган янги филиали пойтахт аҳлига Янги йил совғаси бўлди, дейиш мумкин. Туман тадбиркорлари ва бизнес юритиш иштиёқидаги кўпгина ёшлар талаби асосида ташкил этилган ушбу мўъжаз муассаса Юнусобод тумани, Марказ-6, Хуршид кўчаси, 85-“А” уй манзилида жойлашган. Мазкур филиал келгусида “Банк — мижоз” тамойили равнақига  хизмат қилиши, шубҳасиз. 

Дарҳақиқат, бугунги кунда “Туронбанк” АТБ юртимиз аҳолисини барча турдаги банк хизматлари билан қўллаб-қувватлаш орқали фаолиятини тобора кенгайтирмоқда. Натижада жорий йил бошидан буён банкнинг молиялаш манбалари ҳисобидан тадбиркорлик субъектларига 265,6 млрд. сўмлик кредитлар ажратилди. Бунда асосий эътибор аҳолининг меҳнатга лаёқатли қатлами, шу жумладан, хотин-қизлар, ёшлар, коллеж битирувчиларини бизнесга кенгроқ жалб қилиш ҳамда иш билан таъминлашга қаратилди. Шу маънода, янги филиал Юнусобод тумани аҳолисига бу борада янада кенг -имконият яратади.

— Янги бинода иш бошлаган филиалимизда юқори сифатли хизмат кўрсатиш учун зарур шарт-шароитлар яратилган, — дейди унинг раҳбари Жамшид Мирзаев. — Мижозларнинг хоҳиш-истаклари асосида ишимизни янада ривожлантириб бораверамиз.

Банкнинг янги филиалида инновацион технологияларни қўллаган ҳолда, замонавий ва қулай банк хизматларини жорий этиш режалаштирилган. Шунингдек, республикамизда биринчилардан бўлиб “Туронбанк” АТБда жорий этилган “Internet-Banking”, “SMS-Banking” ва “Turon-Mobile” каби масофадан хизмат кўрсатишнинг янги модификациялашган тизимлари ҳамда аҳоли омонатлари дахлсизлигини таъминловчи биометрик идентификациялаш, кредитлашнинг янги “OVERDRAFT” тизимлари амалиётга кенг татбиқ этилади.

Банк матбуот хизмати.

 

Кўриш қобилияти чекланганлар учун

A- A A+

Кўп ўқилган