Иқтисодиётни институционал такомиллаштириш
  • 15 Март 2016

Иқтисодиётни институционал такомиллаштириш

хусусий тадбиркорликни янада ривожлантиришга хизмат қилади

Пойтахтимизда “Ўзбекистон иқтисодиётини институционал ривожлантириш: ютуқлар, муаммолар, ечимлар” мавзуида республика илмий-амалий конференцияси бўлиб ўтди.

Тошкент давлат иқтисодиёт университети томонидан ташкил этилган мазкур анжуманда тегишли вазирлик ва идоралар масъул ходимлари, олий ўқув юртлари профессор-ўқитувчилари, илмий тадқиқот институтлари олимлари қатнашди.

Қайд этилганидек, мамлакатимизда истиқлол йилларида амалга оширилган босқичма-босқич ислоҳотлар туфайли ижтимоий-иқтисодий соҳаларда ижобий ўзгаришлар рўй бермоқда. Бу, энг аввало, хўжалик фаолиятини юритиш ва ривожлантиришнинг пухта ҳуқуқий асоси мустаҳкамлангани самарасидир. 

Дарҳақиқат, юртимизда институционал ислоҳотлар амалга оширилган, ўз навбатида, хусусий мулкчиликнинг шаклланиши, бозор муносабатларига ўтиш ҳамда янгича бошқарув тизимини барпо этиш, макроиқтисодий мутаносибликни таъминлашга хизмат қилмоқда.  

Конференцияда иқтисодиётни институционал ривожлантириш асосида қўлга киритилаётган ютуқлар, хусусан, саноатда таркибий ўзгаришларни изчил давом эттириш, тармоқларни модернизация қилиш, хусусий мулкчилик, кичик бизнес ва оилавий тадбиркорликка янада кенг йўл очиб бериш учун олиб борилаётган тизимли ишлар юзасидан ҳам фикр алмашилди. 

Якунда билдирилган таклифлар асосида тегишли тавсиялар ишлаб чиқилди. 

Раҳим ШЕРҚУЛОВ.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn