XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим Ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 11 Март 2016

Дастурий вазифалар ижроси

ҳудудларда саноат салоҳиятининг янада юксалишида алоҳида ўрин тутади

Иқтисодиётимиздаги барқарор ўсиш суръатлари ишлаб чиқаришни техник ва технологик янгилаш ҳамда бу орқали маҳсулотлар рақобатдошлигини ошириш борасидаги чора-тадбирлар билан узвий боғлиқ. Наманган вилоятида ҳам мазкур йўналишдаги мақсадли дастурлар ижроси саноат салоҳиятини юксалтириш ҳамда қўшимча иш ўринлари яратишда муҳим омил бўлаётир.

Хусусан, ана шундай изчил чора-тадбирлар натижасида ўтган йили ҳудудда 314 та лойиҳа амалга оширилди. Тижорат банклари томонидан ажратилган 150,3 миллиард сўмлик имтиёзли кредит маблағлари жойларда ишламай турган ёки паст қувватда фаолият юритаётган тармоқларни модернизациялашга йўналтирилди.

— Истеъмол бозорида кун сайин ўзгариб бораётган талаб ва эҳтиёж ҳар бир ишлаб чиқарувчини доимий изланишга ундайди, — дейди Наманган шаҳридаги “Люкс плюс сервис” масъулияти чекланган жамияти раҳбари Аюбхон Бобомирзаев. — Зеро, сифати юқори маҳсулот ҳамиша рақобатдош бўлади. Бунга эришиш учун, энг аввало, замонавий технологик ускуналар, юқори малакали ва билимдон мутахассислар бўлиши зарур. Бизда, асосан, эркаклар костюм-шими, пальто, куртка, болалар учун кийимлар тикилади. “Vakkoni” савдо белгиси остидаги либосларимиз истеъмол бозоридан ўз ўрнини топган. Аввалги йили 3,2 миллиард сўмлик инвестиция ҳисобига модернизациялаш тадбирларини амалга ошириб, янги ускуна ва дастгоҳлар харид қилиб, қўшимча ишлаб чиқариш биносини барпо этдик. Натижада корхона қуввати қарийб икки баравар ортди. 2015 йилни 5,2 миллиард сўмлик маҳсулот тайёрлаш, 327 минг АҚШ долларига тенг экспорт амалиётини бажариш билан якунладик. Айни пайтда эса навбатдаги лойиҳа ижросига киришганмиз. У тўлиқ рўёбга чиқарилгач, ишлаб чиқариш ҳажми 30 фоиз ортиб, яна 50 кишининг бандлиги таъминланади.

Умуман, ҳудудда мавжуд имконият ва имтиёзлардан фойдаланиб, фаолиятини барқарор йўлга қўйиб олган бундай субъектлар сони тобора ортиб бормоқда. Бироқ бугун ривожланиш суръатлари юксак. Замон шиддат билан илгарилаб бормоқда. Бу эса, ўз навбатида, саноатни ҳам муттасил такомиллаштириш, табиий ресурс ва хом ашёлардан самарали фойдаланиш, истиқболли лойиҳалар устида бош қотиришни тақозо этади. Наманганлик саноатчилар олдида ҳам бу борада жиддий вазифалар турибди. Халқ депутатлари вилоят Кенгашининг 2015 йил ноябрда бўлиб ўтган навбатдан ташқари сессиясида давлатимиз раҳбари ана шу масалалар хусусида тўхталар экан, ҳудудда стратегик аҳамиятга эга бўлган, ташқи бозорга маҳсулот чиқарадиган йирик саноат корхоналари қуришга етарлича эътибор берилмаётгани, Наманганнинг мамлакат саноатидаги улуши бор-йўғи 2,7 фоиз бўлиб қолаётганини таъкидлаб ўтди. Бинобарин, ҳозирги кунда 327 та ёки жами саноат корхоналарининг 10 фоизи фаолият кўрсатмаётгани, 16 фоизи эса паст қувват билан ишлаётгани таассуфли ҳолдир. Президентимиз, шундан келиб чиқиб, махсус дастур ишлаб чиқилаётгани, унда мавжуд аҳволни ўзгартиришга хизмат қиладиган кенг кўламли вазифалар белгиланганини қайд этиб ўтди. 

Дарҳақиқат, 2016 — 2019 йилларда Наманган вилоятининг саноат салоҳиятини ривожлантириш дастури ҳудуд ижтимоий-иқтисодий тараққиётида янги босқични бошлаб беради. Унда умумий қиймати қарийб 5 миллиард АҚШ долларига тенг 254 та лойиҳани амалга ошириш кўзда тутилган бўлиб, бу орқали 16 мингдан ортиқ иш ўринлари ташкил этилади.

— Дастур шарофати билан бир қатор янги корхоналар фаолият бошлаб, маҳсулотлар тури кўпаяди, — дейди вилоят иқтисодиёт бош бошқармаси етакчи мутахассиси Муроджон Неъматов. — Чунончи, юк автомобиллари учун редукторлар, болалар аравачаси, қуёш панеллари, цемент, жинси мато, ўсимликларни биологик ҳимоя қилиш воситалари сингари 15 та янги турдаги маҳсулот тайёрлаш ўзлаштирилади. Умуман, истиқболли лойиҳалар ҳаётга татбиқ этилиши билан саноат товарлари ишлаб чиқариш ҳажми 2019 йилга бориб ҳозирдагига нисбатан 2,1 мартага ортади. 

Яна бир жиҳати, дастурнинг ишлаб чиқилиши қатор ишбилармонлар учун мавжуд муаммоларни ҳал этиш имконини ҳам берди. Масалан, “Уйчи эксем энержи” масъулияти чекланган жамияти анчадан буён мўлжаллаб юрган ғояси — қуёш панеллари тайёрлашни йўлга қўядиган бўлди.  Корхона  яқин келажакда йилига 200 минг дона муқобил энергия воситалари ишлаб чиқара бошлайди. Наманган шаҳридаги “Лизинг бонус”, Косонсойдаги “Қурувчи Кушон” масъулияти чекланган жамиятлари эса цемент тайёрлашни ўзлаштиради. Бугунги кунда ушбу хом ашё маҳаллий бозорга Фарғона ва Тошкентдан келтирилаётгани ҳисобга олинса, истиқболда қурувчилар Наманган цементидан фойдаланишлари мумкин.

— Юртбошимизнинг Наманганга бўлган эътибори ғайратимизга ғайрат қўшиши баробарида, янги-янги ташаббусларга кенг йўл очмоқда, — дейди вилоят марказидаги “Афруз Камол Наби” хусусий корхонаси раҳбари ўринбосари Собитхон Нўъмонов. — Жумладан, мева-сабзавотни қайта ишлашга ихтисослаштирилган корхонамизда ҳам йирик лойиҳа ниҳоясига етказилмоқда. Унга мувофиқ, 3 миллиард 700 миллион сўмлик сармоя эвазига хориждан келтирилган илғор ускуналарни ўрнатаяпмиз. Ҳадемай ушбу технологик линия ёрдамида соатига 3 тонна қуритилган сабзавот тайёрлашга киришамиз ҳамда йилига 1,5 миллион АҚШ долларилик маҳсулотни экспорт қиламиз.

Наманганлик саноатчилар 2016 йилни ҳар қачонгидан ҳам кўтаринки руҳ ва юксак шижоат билан бошладилар. Зеро, вилоят ижтимоий-иқтисодий ҳаётидаги янгиланишлар, истиқболни кўзлаб амалга оширилаётган кенг кўламли чора-тадбирлар улар ҳаётига янада жўшқинлик бағишламоқда.

 

Қудратилла НАЖМИДДИНОВ,

«Халқ сўзи» мухбири.

Раҳмонжон МАМАДАЛИЕВ

олган сурат.

Кўриш қобилияти чекланганлар учун

A- A A+

Кўп ўқилган