Европа компаниялари: «Тошкентда бўлиб ўтадиган сармоявий форумда фаол иштирок этиш ва Ўзбекистон бозорига кириш ниятидамиз»
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 21 Октябрь 2015

Европа компаниялари: «Тошкентда бўлиб ўтадиган сармоявий форумда фаол иштирок этиш ва Ўзбекистон бозорига кириш ниятидамиз»

Нидерландиянинг Роттердам шаҳрида жойлашган “Ahoy” кўргазмалар марказида “Solids Rotterdam — 2015” халқаро кўргазмаси бўлиб ўтди. Мазкур тадбир кукунли ва донадор моддаларни ишлаб чиқариш, етказиб бериш ҳамда сақлашга ихтисослаштирилган сотувчи ва харидорларни бир жойга жамлади.

Ҳар йили 13 мингга яқин мутахассислар иштирокида 1100 дан зиёд бўлмалар намойиш этиладиган ушбу кўргазмада қадоқлаш ускуналари, текширув-тарози техникалари, конвейерлар ва транспорт воситалари, атроф-муҳитни муҳофаза қилиш технологиялари, экспертиза ва текширув-ўлчов хизматлари билан бевосита танишиш мумкин.
Бу йил “Solids Rotterdam”га мазкур соҳадаги ишлаб чиқариш компаниялари раҳбарлари, таъминот бўлими менежерлари, технология тармоғини таъмирлаш ва унга хизмат кўрсатиш бўйича техник ходимлар, муҳандислар ҳамда илмий тадқиқот институтлари вакиллари ташриф буюришди. Тадбирда меҳмонлар кўргазма ташкилотчилари томонидан тақдим этилган саноатнинг мазкур тармоғидаги бозор тенденциялари бўйича мустақил тадқиқотлар билан яқиндан танишдилар.
Ушбу нуфузли ярмаркада мамлакатимизнинг Бельгиядаги элчихонаси вакиллари ҳам қатнашди. Ўзбекистон делегациясининг кўргазмада иштирок этишдан кўзлаган мақсади тадбир меҳмонларини республикамиз бозори билан таништириш, замонавий технологиялар ёрдамида кукунли ва донадор моддаларни ишлаб чиқариш, элтиб бериш ва сақлаш соҳасига хорижий сармояларни жалб қилишдан иборат бўлди.
Шунингдек, тадбирда Европа компаниялари Тошкентда ўтказиладиган Халқаро сармоявий анжуман ҳақида батафсил маълумотга эга бўлдилар.
“Gericke” компанияси ижрочи директори Бас ДЕРКС “Жаҳон” ахборот агентлигига берган интервьюси чоғида мамлакатимизда хорижлик ишбилармонлар учун яратиб берилган шарт-шароитлар, имтиёз ва афзалликларни юқори баҳолади.
— Бизнинг компаниямиз 1984 йилдан буён барча турдаги кукунли маҳсулотларни ўлчаш, аралаштириш, майдалаш, қадоқлаш ва харидорларга етказиб бериш билан шуғулланиб келади, — дейди у. — Мазкур соҳада бой тажрибага эгамиз ва кўплаб мамлакатлар билан муваффақиятли ҳамкорлик қилиб келмоқдамиз.
Мамлакатингиз ҳукумати турли соҳаларда, жумладан, кукунли маҳсулотларни ишлаб чиқаришда қўшма лойиҳаларни амалга ошириш бўйича тадбиркор ва сармоядорларга катта имкониятлар яратиб бераётир.
Барқарор иқтисодий ўсишга эришиш учун хорижий ва ички сармояларни иқтисодиётга доимий равишда жалб этиш лозим, деб ҳисоблайман. Мазкур йўналишда Ўзбекистонда соғлом сармоявий муҳит ташкил қилинган ҳамда сиёсий барқарорлик таъминлангани туфайли ялпи ички маҳсулот ҳажми изчил равишда ўсиб бораяпти. Янги алоқаларни йўлга қўйиш ва мамлакатингиз бозорига кириш мақсадида Тошкентда бўлиб ўтадиган сармоявий форумда фаол иштирок этиш ниятидамиз.

Рене ОТТЕВАНГЕР,
“Inteqnion” компанияси бошқарувчи директори:
— Компаниямиз донли маҳсулотларни қайта ишлаш ускуналари ва эҳтиёт қисмлари ишлаб чиқаришга ихтисослаштирилган. Ўзбекистоннинг турли соҳаларда, жумладан, қишлоқ хўжалиги соҳасида қўлга киритаётган муваффақиятларидан яхши хабардормиз. Хусусан, рақобатдош маҳсулотлар ишлаб чиқариш ва уларни ташқи бозорда сотиш имконини берувчи замонавий технологияларни мазкур соҳага жорий этиш бўйича республикангизда амалга оширилаётган ишлар алоҳида эътирофга сазовор.
Эътиборли жиҳати, мамлакатингиз билан ҳамкорлик қилишда ижобий тажрибага эгамиз. Бир неча йил аввал паррандачилик фермасини ташкил қилиш бўйича қўшма лойиҳани амалга оширишда қатнашганмиз. Ўзбек бозори биз учун қизиқарли ва истиқболли ҳисобланади. Маҳаллий компаниялар билан ҳамкорлик қилиш мақсадида бўлажак сармоявий форумда иштирок этиш учун тараддуд кўраяпмиз.

Вилфред ШЕРООХОРН,
“NNZ” компанияси бош менежери:
— Ўзбекистондаги мавжуд иқтисодий ва илмий-техникавий салоҳият, мамлакатда ҳукм сураётган тинчлик-осойишталик европалик ишбилармон доира вакиллари учун республикангизнинг сармоявий жозибадорлигини белгилаб беради. Минглаб мутахассислар фаолият юритаётган амалдаги корхоналарни техник ва технологик жиҳатдан модернизациялаш ҳамда замонавий технологиялар билан жиҳозланган янги ишлаб чиқариш қувватларини ташкил қилиш сингари йўналишларда юртингизда эришилган тараққиёт алоҳида қизиқиш уйғотади.
Бўлиб ўтажак форумда 200 дан зиёд салоҳиятли хорижий сармоядорларнинг иштирок этиши чет эл компанияларининг Ўзбекистон билан шериклик алоқаларини ўрнатиш ҳамда тенг ҳуқуқли ва ўзаро манфаатли ҳамкорликни ривожлантиришга бўлган қизиқиши тобора ортиб бораётганидан далолатдир. Мазкур форум республика иқтисодий тараққиёти учун янги имкониятлар эшигини очиб беришига аминман.

«Жаҳон» АА.
Роттердам