Таннархи арзон, сифати юқори
  • 08 Октябрь 2015

Таннархи арзон, сифати юқори

Наманган шаҳридаги “Avtoplast part” хорижий корхонасида енгил автомобиллар учун ёритиш тизимлари ва пластмасса эҳтиёт қисмлар тайёрланади. Бу ерда ишлаб чиқаришни маҳаллийлаштириш юзасидан амалга оширилаётган тадбирлар натижасида маҳсулот таннархи арзонлашиб, ундан фойдаланиш муддати янада узайди.

Масалан, асосий хом ашё ҳисобланган полипропилен гранулалари корхонага яқин вақтгача импорт сифатида келтириларди. Эндиликда у  “Шўртангазкимё” мажмуидан олинаяпти. Бу эса  ушбу маҳсулот учун сарфланадиган валютани тежаб қолиш имкониятини яратди. Умуман олганда, корхонада ҳозирги кунгача маҳаллийлаштириш даражаси 70 фоизга етди. Яқин вақт ичида бу кўрсаткич янада ортади.
— Бу каби саъй-ҳаракатлар натижасида ишлаб чиқариш суръати тобора ошиб бораётир, — дейди корхона раҳбари Қодирхон Абдуллаев. — Жумладан, жорий йилнинг биринчи ярмида ички бозорга 76 минг дона ёки 796 миллион сўмлик 60 дан ортиқ турдаги ёритиш воситалари ва эҳтиёт қисмлар етказиб бердик.
Айтиш лозимки, вилоятда жорий йилнинг олти ойи якунларига кўра,  Маҳаллийлаштириш дастури доирасида 15 та лойиҳа рўёбга чиқарилди. Бунинг ҳисобига  қўшимча равишда 5,2 миллиард сўмлик маҳсулот тайёрланиб, 1,5 миллион АҚШ долларига тенг валюта тежалишига эришилди.

Қудратилла НАЖМИДДИНОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn