XS.UZ
Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини Ўзбекистон Республикаси Марказий банкининг қиймати 50000 сўм бўлган пул белгиларини муомалага чиқариш тўғрисида Одамларни ҳаётдан рози қилиш —  ислоҳотларнинг асосий мезони Бир-бирлари томон ташланган навбатдаги муҳим қадам Ўзбекистон — Жанубий Корея: АКТ соҳасидаги алоқалар ривожланмоқда Қонун лойиҳалари муҳокамасида асосли таклифларга эътибор қаратилмоқда Бухоро — Лебап: Дўстлик ва ҳамкорликнинг янги босқичи Банкоматлардан нақд пул олиш имконияти яратилди Таълим ва маърифат — тинчлик ва бунёдкорлик сари йўл Юртдан-юртга, дилдан-дилга ўтгувчи мўъжиза, бу — санъат Ўзбекистон — чемпионлар Ватани
  • 25 Август 2015

Инновацион лойиҳалар қўллаб-қувватланмоқда

Мамлакатимизда кейинги йилларда саноат корхоналарини модернизация қилиш, техник ва технологик жиҳатдан қайта жиҳозлаш ишларига алоҳида эътибор берилмоқда. Бунинг натижасида эса нафақат уларни самарали бошқаришга эришилаяпти, балки ишлаб чиқаришда рақобатбардошлик таъминланиб, сарф-харажатлар камайтирилаяпти, тайёрланаётган маҳсулотлар сифати тобора яхшиланмоқда.

Бунда, айниқса, ёқилғи-энергетика ресурсларидан оқилона фойдаланишга қаратилган инновацион лойиҳалар кенг қўлланилаётгани ўз самарасини кўрсатмоқда.
Энергия истеъмолида мутлақо янги йўналишларни излашга мўлжалланган бундай чора-тадбирлар аниқ мақсадли илмий-техник, инновацион дастурлар ва лойиҳалар, энергетика соҳасидаги чуқур тадқиқотларни молиявий қўллаб-қувватлаш, шунингдек, ёқилғи-энергия ресурсларидан комплекс фойдаланишга хизмат қилаётгани билан аҳамиятлидир.
Қайд этиш жоизки, энергия тежамкорлигининг технологик салоҳиятини амалга ошириш жараёни бир қатор йўналишларни ўз ичига қамраб олган. Ёқилғи ва энергиядан фойдаланиш қоидаларини юритиш, етказиб бериш ёки сақлашда йўқотишларнинг олдини олиш, ортиқча қувватга эга электр қурилмаларини алмаштириш, бунинг учун мақсадли инвестицияларни жалб этиш шулар сирасига киради.
Маълумки, Вазирлар Маҳкамасининг 2011 йил 25 июлдаги “Халқаро тараққиёт уюшмаси иштирокида “Саноат корхоналарининг энергия самарадорлигини ошириш” лойиҳасини амалга ошириш бўйича чора-тадбирлар тўғрисида”ги қарорига мувофиқ, Жаҳон банки билан ҳамкорликда “Саноат корхоналарида энергия самарадорлигини ошириш” лойиҳаси ҳаётга татбиқ этилмоқда. Бундан кўзланган мақсад иқтисодиётнинг турли соҳаларини, саноат корхоналарини модернизация қилишга қаратилган лойиҳаларни молиялаштириш ва уларни амалиётга изчил жорий этиш орқали ишлаб чиқариш субъектларида энергия тежамкорлигини оширишдир.
Хусусан, бугунги кунда Жаҳон банки иштирокида республикамиз тоғ-кон, кимё, энергетика, нефть-газ, қайта ишлаш саноатида модернизациялаш ва маънан эскирган ускуналарни замонавийларига алмаштириш учун 76 та лойиҳа молиялаштирилмоқда. Ушбу мақсадларга жами 157 миллион АҚШ долларидан зиёд сармоя жалб этилган бўлса, шундан 123 миллион доллари Халқаро тараққиёт уюшмаси ҳиссасига тўғри келади. Энг муҳими, мазкур лойиҳаларни тўлиқ амалга ошириш йилига 547 миллион киловатт/соат электр энергияси ва 200 миллион куб метр табиий газ тежаб қолинишига имкон беради. Бунга республикамиз энергия тармоғини замонавийлаштиришга қаратилган умумий қиймати 10,6 миллион долларга тенг бўлган 11 лойиҳа мисолида яққол гувоҳ бўлиш мумкин. Айтайлик, “Фарғона ҳудудий электр тармоқлари корхонаси” ва “Сирдарё ҳудудий электр тармоқлари корхонаси” акциядорлик жамиятларини модернизация қилиш борасида ҳаётга татбиқ этилаётган ишлар туфайли ҳар иккала субъектда йилига 306,2 мегаватт электр энергияси қуввати тежаб қолинмоқда. Бундан ташқари, “Навоийазот” АЖнинг тўққизта цехига илғор ускуналар ўрнатилиши билан бу ерда йил давомида 27,1 минг мегаватт электр энергиясини иқтисод қилиш имконияти вужудга келди.
Умуман, ушбу лойиҳаларнинг амалиётга жорий этилиши бир йилда 46,5 минг мегаватт электр энергияси ҳамда 100 миллион куб метр табиий газнинг иқтисод қилинишига замин яратиши билан эътиборга моликдир.
Мухтасар айтганда, бу каби инновацион лойиҳалар рўёби саноат корхоналарида иш унумдорлигини оширади. Чунки бунинг натижасида тежалаётган маблағлар фаолиятни янада кенгайтириш, ишчи-ходимларни қўллаб-қувватлашдек эзгу мақсадларга хизмат қилиши, шубҳасиз.

Улуғбек АБДУЛЛАЕВ,
Ўзбекистон Республикаси Иқтисодиёт вазирлиги ҳузуридаги Жаҳон банки лойиҳаларини Мувофиқлаштириш гуруҳи директори.

Кўриш қобилияти чекланганлар учун

A- A A+