XS.UZ
Сув ресурсларидан оқилона фойдаланиш Амалга оширилаётган ислоҳотларни изчил ривожлантириш – халқимиз фаровонлигини юксалтиришнинг муҳим омилидир Ўзбекистон Республикаси Вазирлар Маҳкамаси ҳузурида Ўзбекистондаги Ислом маданияти марказини ташкил этиш чора-тадбирлари тўғрисида Халқпарвар сиёсатдан халқимиз мамнун Қонун ва адолат устуворлигини таъминлашнинг муҳим шарти Ҳудудларда тиббий хизмат сифати янада юксалади Тараққиётнинг янги стратегияси Замонавий ёндашув, холислик ва ҳозиржавоблик Гиёҳвандлик воситалари йўқ қилинди Асрлар қаъридан сабоқ Кўп тармоқли фермер хўжаликлари фаолияти самарадорлигини ошириш — давр талаби Ўзбекистон —  хушкайфият инсонлар мамлакати Ҳалокатга элтувчи йўл Тадбиркорликни ривожлантириш, имкониятлардан тўла фойдаланиш халқимиз фаровонлигини янада юксалтиришга хизмат қилади Ихтисослаштирилган тиббий ёрдам сифати тубдан яхшиланади Ўзбекистон ва Европа Иттифоқи ўртасидаги ҳамкорлик алоқалари кенгаймоқда Маҳалла — халқчил институт Ҳаракатлар стратегияси: жамоатчилик ва оавнинг иштироки Фуқаролар осойишталиги кафолатларини кучайтириш — замон талаби Муаммоларни ҳал этишнинг самарали омили Барқарорлик пойдевори Ёшлар гиёҳвандликка қарши «Ўзбекистон бўйлаб саёҳат асносида Шарқнинг ҳақиқий гўзалликларини кашф этасиз» Мўъжизакор ўсимлик Китобга боғланган кўнгил Полвонларимиз муваффақияти Ўн минг йиллик битиклар Маҳаллий экспорт қилувчи ташкилотларни янада қўллаб-қувватлаш ва ташқи иқтисодий фаолиятни такомиллаштириш чора-тадбирлари тўғрисида Кўп томонлама ҳамкорлик истиқболлари Истиқлол саодати ва шукрона
  • 15 Апрель 2015

Тежаб қолинган маблағ

ишлаб чиқаришни кенгайтириш, янги иш ўринлари яратишга йўналтирилмоқда

Мамлакатимизда кичик бизнес ва хусусий тадбиркорликни ривожлантириш ҳамда соҳа равнақи учун қулай сармоявий муҳит яратишга катта эътибор қаратилмоқда. Айни чоғда солиқ тўловчилар зиммасига тушадиган солиқ юки босқичма-босқич камайтириб борилаяпти. Бунда 2014 йил 4 декабрда қабул қилинган “Солиқ ва бюджет сиёсатининг 2015 йилга мўлжалланган асосий йўналишлари қабул қилингани муносабати билан Ўзбекистон Республикасининг Солиқ кодексига ўзгартиш ва қўшимчалар киритиш тўғрисида”ги Қонун дастуриламал бўлиб хизмат қилаётир.
Чунончи, жорий йилда фойда солиғи 2014 йилдагидан 0,5 фоиз камайтирилиб, 7,5 фоиз этиб белгиланди. Ваҳолонки, 2005 йилда бу кўрсаткич 15 фоизни ташкил этарди. Кичик бизнес субъектлари учун ягона ижтимоий тўлов ставкаси 25 фоиздан 15 фоизгача пасайтирилди. Табиийки, бу каби енгилликлар микрофирма ва кичик корхоналар, фермер хўжаликларига қатор қулайликлар яратмоқда. Буни Жондор туманидаги “Шижоаттекстилмаш” МЧЖ фаолияти мисолида ҳам кўриш мумкин. Сочиқ ишлаб чиқаришни йўлга қўйган мазкур корхона ўтган йили 2009 йил 28 январда қабул қилинган “Маҳаллий ноозиқ-овқат истеъмол товарлари ишлаб чиқариш кенгайтирилишини рағбатлантириш борасидаги қўшимча чора-тадбирлар тўғрисида”ги қарор асосида ягона солиқ тўлови бўйича имтиёздан фойдаланди. Натижада 398 миллион сўм маблағ корхона ихтиёрида қолди. Бу маблағдан тадбиркорлар оқилона фойдаланиб, уни ишлаб чиқаришни кенгайтириш, янги технологик жиҳозлар сотиб олишга йўналтирдилар. Пировардида корхонада 52 та иш ўрни яратилди.
Яна бир мисол. Бухоро туманидаги “Ростексстрой” қўшма корхонаси маҳсулот ишлаб чиқариш ҳажмини йил сайин ошириб бораётган тадбиркорлик субъектларидан бири саналади. Бунда корхона ишбилармонларига солиқ борасида яратилган имтиёзлар қўл келаяпти. Бултур айнан шунинг эвазига корхона ҳисобида 111 миллион сўм маблағ қолди ҳамда ушбу сармоя ишлаб чиқаришни кенгайтиришга йўналтирилди. Натижада ўндан зиёд қўшимча иш ўрни юзага келди. Кичик бизнес субъектларига солиқ тўлови борасида яратилаётган енгилликлар аҳоли турмуш даражасининг янада ошишига хизмат қилмоқда.
Маълумот тариқасида айтиш ўринлики, жорий йилда солиқ тўлови борасида яратилган имтиёзлар ҳамда бошқа қулайликлар туфайли вилоятимиз солиқ тўловчилари ихтиёрида 28 миллиард сўмдан зиёд маблағ қолиши кутилмоқда.


Меҳриддин СУЛТОНОВ,
Бухоро вилояти давлат солиқ бошқармаси бўлим бошлиғи.

Кўриш қобилияти чекланганлар учун

A- A A+

Кўп ўқилган