Импорт ўрнини босувчи маҳсулотлар мамлакатимиз иқтисодий салоҳиятини юксалтиришга хизмат қилмоқда
XS.UZ
Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида Мирзо Улуғбек номидаги Ўзбекистон Миллий университети таркибида “Таэквондо ва спорт фаолияти” факультетини ташкил этиш тўғрисида Манфаатли ҳамкорлик алоқаларни ривожлантириш масалалари муҳокама этилди Рустам Жангабоевга Президент совғаси – “Nexia” автомобилининг калити топширилди Термизда Афғонистон фуқароларини ўқитиш маркази очилади Самарқандда замонавий стандартларга мос туристик автобуслар ишлаб чиқарилади Самарқандда “Volkswagen” машиналари ишлаб чиқарилади
  • 19 Февраль 2015

Импорт ўрнини босувчи маҳсулотлар мамлакатимиз иқтисодий салоҳиятини юксалтиришга хизмат қилмоқда

Бугун олиб борилаётган изчил ислоҳотлар натижасида юртимизнинг барча ҳудудида бўлгани каби Хоразм вилояти иқтисодиёти тармоқларида ҳам юқори ўсиш суръатлари таъминланмоқда.

Айниқса, саноат соҳасида янги ишлаб чиқариш қувватларини яратиш, мавжудларини модернизациялаш, техник ва технологик жиҳатдан қайта жиҳозлаш, юксак технологияларга асосланган янги маҳсулотларни ишлаб чиқаришни ўзлаштириш борасида кенг кўламли ишлар амалга оширилаяпти. Пировардида хорижнинг илғор ҳамда тежамкор технологияларига эга корхоналар сони тобора кўпайиб, улар ички бозорни импорт ўрнини босувчи маҳсулотлар билан тўлдириш баробарида, экспорт салоҳиятини оширишга ҳам хизмат қилмоқда. Бунда Президентимизнинг 2012 йил 22 ноябрдаги “2013 — 2015 йилларда Хоразм вилояти саноат салоҳиятини ривожлантириш дастури тўғрисида”ги қарори муҳим дастуриламал бўлмоқда. Ушбу ҳужжатга асосан, шу давр мобайнида қиймати 462,2 миллион АҚШ долларилик 253 та янги лойиҳани, жумладан, 94 та озиқ-овқат маҳсулотлари, 57 та қурилиш материаллари, 69 та енгил саноат ва бошқа турдаги ноозиқ-овқат маҳсулотлари ҳамда 33 та машинасозлик йўналишларидаги лойиҳани рўёбга чиқариб, қарийб 9 мингта иш ўрнини яратиш кўзда тутилган эди.
Қувонарлиси, бу ерда бугунги кунга қадар қиймати 211,3 миллион долларлик 262 та лойиҳа жорий қилиниб, 7619 та  иш ўрни ташкил этилди. Шу мақсадда 138,1 миллион доллар миқдорида корхона маблағлари, 73 миллион долларлик банк кредитлари ва 8,3 миллион долларлик хорижий инвестициялар сарфланди. Бу, ўз навбатида, ҳудудий саноат ривожига катта туртки берди. Масалан, 2012 йилда вилоятда саноат маҳсулотлари ҳажмининг ўсиш суръати 109,6 фоизни ташкил этган бўлса, ўтган йил якунига кўра, 147,6 фоизга етди. Айни пайтда Хоразмда “Дамас”, “Орландо” енгил автомобиллари, маиший газ баллонлари, музлаткичлар, гидравлик экскаваторлар, автомобиллар учун эҳтиёт қисмлар, кир ювиш кукуни каби янги турдаги маҳсулотлар ишлаб чиқарилмоқда.
Хива туманидаги  Гандимиён қишлоғида жойлашган “Хива маиший техника” масъулияти чекланган жамияти — ана шундай янги субъектлардан бири. Бу ерда ҳудудда биринчи бўлиб витринали совутқич ва музлаткичлар ишлаб чиқариш ўзлаштирилди. Салкам 2 миллиард сўмлик илғор хорижий технологик линиялар билан жиҳозланган корхонада йилига 2 минг дона маҳсулот тайёрлаш имконияти мавжуд. Гарчи у 2014 йилнинг охирида иш бошлаган бўлса-да, қисқа муддат ичида 350 миллион сўмлик 233 та совутқич ва музлаткич истеъмолчиларга етказиб берилди.
Жамиятда 15 киши меҳнат қилмоқда. Корхона тўла қувват билан фаолият юрита бошлагач, уларнинг сони 35 нафарга кўпаяди.
— Илгари бизнинг озиқ-овқат дўконларида фойдаланиладиган витринали совутқич ва музлаткичлар хориждан келтириларди, — дейди корхона раҳбари Қудрат Оллаберганов. — Эндиликда бунга ҳожат қолмади. Муҳими, маҳсулот таннархи 20 фоиз арзонлашди. Жорий йилдан унинг 20 фоизини экспорт қилишни мўлжаллаб турибмиз. Келгусида эса бу кўрсаткични 50 фоизга етказиб, маҳсулот турини 10 тадан оширмоқчимиз. Зеро, Маҳаллийлаштириш дастури асосида иш юритаётганимиз имкониятларимизни янада кенгайтираяпти.
Мухтасар айтганда, Хоразм вилоятида саноат соҳасида улкан муваффақиятларга эришилмоқда. Пировард мақсад эса битта: халқимизнинг фаровон ҳаёт кечиришини таъминлаш ҳамда мамлакатимизни энг тараққий этган давлатлар қаторига олиб чиқиш. Бунинг учун ҳудудда имконият ҳам, салоҳият ҳам етарлидир.

Ойбек РАҲИМОВ,
«Халқ сўзи» мухбири.

СЎНГГИ ЯНГИЛИКЛАР