Кредитлар самара берди
  • 17 Декабрь 2014

Кредитлар самара берди

Фарғона вилоятида жорий йилнинг ўтган даврида ёшларнинг тадбиркорлик фаолиятини қўллаб-қувватлаш мақсадида 15 миллиард сўмликдан зиёд кредитлар ажратилди.

Зулайҳо Эрматова — ана шулардан бири. У Данғара туманидаги саноат касб-ҳунар коллежида билим олди. Болалигидан тенгдошлари учун турли либослар яратишга қизиқди. Эндиликда у мазкур йўналишда ўз бизнесини ташкил қилди. Бу мақсадини рўёбга чиқаришда “Менинг бизнес ғоям” кўрик-танлови вилоят босқичида муваффақиятга эришгани қўл келди. Натижада тадбиркор қизга 5 миллион сўмлик имтиёзли кредит берилди.
Қисқа муддатда ўз бизнесини йўлга қўя олган З. Эрматова “Ёш тадбиркор — юртга мададкор” танловининг мамлакат босқичида ғолиб чиқиб, ажратилган 35 миллион сўмлик имтиёзли кредитни корхона фаолиятини янада кенгайтиришга йўналтирди.

Набижон СОБИРОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn