XS.UZ
Китобхон истаги, услубий янгиланиш, тарғибот мутолаа маданиятини оширишда муҳим омил бўлмоқда Юрт манфаатини ўйлаган инсон Ташаббус кўрсатганга имконият кенг Ўзбекистон Республикаси Олий Мажлиси Сенати ўн биринчи ялпи мажлисининг очилиши тўғрисида Россиялик шифокорлар Хоразмда Сув тўққиз босқичда фильтрланади Кутилганидан ҳам зиёд кўрсаткич Мева-сабзавот маҳсулотлари экспорт қилинмоқда Бунёдкорлик ва эзгу анъаналар ифодаси Шири ШИРИЕВ: «Туркманистон билан Ўзбекистон ўртасидаги дўстлик, яхши қўшничилик ва ҳамкорлик ҳар қачонгидан ҳам мустаҳкам» Халқни рози қилиш, турмуш фаровонлигини ошириш мамлакатимизда олиб борилаётган ислоҳотлардан кўзланган асосий мақсаддир Экологик барқарорликни таъминлаш — ҳаётий зарурат Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим Ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон
  • 27 Ноябрь 2014

Юксак салоҳият ва улкан ютуқлар намойиши

Кеча “Ўзэкспомарказ” мажмуида қишлоқ хўжалиги ва озиқ-овқат саноатига  ихтисослаштирилган “UzAgroExpo — 2014” ҳамда “UzProdExрo — 2014” ўнинчи халқаро кўргазмалари иш бошлади.

Мазкур икки тадбир Ўзбекистон Республикаси Қишлоқ ва сув хўжалиги вазирлиги, Ўзбекистон Фермерлари кенгаши, Савдо-саноат палатаси, Чорвачилик маҳсулотлари ишлаб чиқарувчилар ва Озиқ-овқат саноати корхоналари уюшмалари, Тошкент шаҳар ҳокимлиги ҳамда “IEG Uzbekistan” халқаро кўргазма компанияси ҳамкорлигида ташкил этилди.
Кўргазмаларнинг очилиш маросимида таъкидланганидек, қишлоқ хўжалиги ва озиқ-овқат саноати иқтисодиётимизнинг етакчи тармоқларидан бўлиб, уларни янада ривожлантиришга қаратилаётган эътибор, яратиб берилаётган қулай шарт-шароитлар туфайли соҳа кейинги йилларда жадал суръатларда равнақ топмоқда. Айниқса, Президентимиз ташаббуси билан фермерлик ҳаракати жорий этилиб, соҳага фан ва техника ютуқлари ҳамда илғор технологиялар изчил татбиқ қилинаётгани муваффақиятларнинг бош омили бўлаётир. Деҳқончилик учун ноқулай келган об-ҳаво шароитига қарамай, шу йилнинг тўққиз ойида қишлоқ хўжалиги маҳсулотлари етиштириш ҳажми 6,8 фоиз ўсгани бунинг яққол далилидир.  
Муҳим озиқ-овқат экинлари ҳосилдорлигининг йил сайин ортиб бораётгани эса юртимиз аҳолиси ҳамда саноат корхоналарининг боғ ва дала неъматларига бўлган эҳтиёжини тўлиқ таъминлаш билан бирга, экспорт кўрсаткичларини тобора яхшилаш имконини бераяпти. Бу, ўз навбатида, хорижлик мутахассисларнинг иқтисодиётимизга бўлган қизиқишини оширмоқда. Буни кўргазма иштирокчиларининг сафи кенгайиб бораётгани мисолида ҳам кўриш мумкин.
Дарҳақиқат, халқаро кўргазмаларнинг бу галги бирлашган экспозициясида Германия, Голландия, Испания, Италия, Франция, Беларусь Республикаси каби жаҳондаги кўплаб давлатларнинг қишлоқ хўжалиги техникалари ва ускуналари, озиқ-овқат саноати учун замонавий технологик линиялар ишлаб чиқаришга ихтисослаштирилган йирик компаниялари қатнашмоқда.
— Агросаноат жабҳасида кўп йиллик бой тажриба ва юксак салоҳиятга эга Ўзбекистонга келишни кўпдан буён режалаштириб юрган эдим, — дейди Голландиянинг “Royal Brinkman” компанияси вакили Эп Ван ден Бринк. — Шу ниятимга мазкур кўргазма туфайли эришдим. Юртингизга келганимга эндигина бир неча кун бўлса-да, соҳада эришаётган ютуқларингиз ҳақида кўплаб маълумотлар билан танишишга улгурдим. Давлатингиз томонидан деҳқон ва фермер хўжаликларига берилаётган имтиёзлар, айниқса, эътиборимни тортди, оилавий тадбиркорликнинг қонуний асоси яратилгани эса катта таассурот қолдирди.
Боиси, бизнинг компания ҳам оилавий компания бўлиб, унга бундан 128 йил аввал асос солинган. Айни пайтда у бешинчи авлод вакиллари томонидан бошқарилаяпти. Компаниямиз қишлоқ хўжалиги корхоналарига барча турдаги хизматларни кўрсатиш ва юқори сифатли маҳсулотлар етиштиришга ихтисослаштирилган. Бугунги кунда дунёнинг кўплаб давлатларига технологик ускуналаримизни экспорт қилаяпмиз. Ниятимиз — ўзбекистонлик фермерлар билан ҳам ҳамкорлик алоқаларини ўрнатиш.
Кўргазмаларда қишлоқ хўжалиги ҳамда озиқ-овқат саноатининг барча тармоқлари қамраб олинган бўлиб, юртимиз ва хорижий ишлаб чиқарувчилар томонидан энг замонавий технологик ускуналар таклиф этилаяпти. Очиқ майдонларда ғалла ўриш комбайнлари, ҳайдов ва қатор ораларига ишлов бериш тракторлари, махсус хашак ўриш ва тойлаш техникалари, тиркама ва осма ускуналарга ўрин берилган бўлса, ёпиқ павильонларда мева-сабзавот, гўшт-сут маҳсулотларини чуқур қайта ишлаш минитехнологиялари, нон ва қандолат маҳсулотлари ишлаб чиқариш линиялари, чорвачилик ҳамда боғдорчилик ускуналари, ветеринария воситалари кенг намойиш қилинмоқда.
— Юртингизда қишлоқ хўжалигининг энг сердаромад тармоғи бўлган паррандачилик ҳам жадал ривожланаяпти, — дейди Италиянинг “Facco” компанияси вакили Микеле Преаро. — Бунга ўн йиллик ҳамкорлигимиз туфайли гувоҳмиз. Бу йилги кўргазмага ҳам кўплаб янги маҳсулотларимизни келтирдик. Иштирокчиларда кўп қаватли махсус катакларимиз катта қизиқиш уйғотмоқда. Чунки унинг ёрдамида кичик жойда кўплаб парранда парваришлаш орқали ресурсларни тежаш мумкин.
Уч кун давом этадиган халқаро кўргазмаларга ташриф буюрган соҳа вакиллари шу каби энг замонавий ускуна ва жиҳозлар билан яқиндан танишиш, ўзларига маъқулларини танлаб, сотиб олиш бўйича келишувларга эришиш учун барча шарт-шароит яратилган.

Саид РАҲМОНОВ,
«Халқ сўзи» мухбири.

Кўриш қобилияти чекланганлар учун

A- A A+

Кўп ўқилган