Қўшимча даромад манбалари
  • 08 Ноябрь 2014

Қўшимча даромад манбалари

Корхоналарнинг молиявий аҳволини яхшилашга қаратилган ҳудудий дастур “Бухороэнергомарказ” акциядорлик жамиятини иқтисодий жиҳатдан барқарор жамоалар қаторидан ўрин олишига имконият яратди.

Зарар кўриб ишлаётган ушбу корхонада мавжуд қувватлардан унумли фойдаланиш ва қўшимча даромад манбаларини излаб топиш чоралари кўрилди. Чунончи, техник кислород ишлаб чиқариш йўлга қўйилди. Тикувчилик цехи ишга туширилди. Жанубий Кореядан келтирилган технология асосида 1,6 гектар майдонда иссиқхона барпо этилди. Худди шундай иссиқхонани яна икки гектар ерда ташкил этиш чоралари кўрилаяпти. Аҳоли ва саноат корхоналарини иссиқ сув билан таъминлашга ихтисослаштирилган мазкур жамият яна 36 та янги иссиқхонага хизмат кўрсатишга ҳам киришди. Бу эса корхонага 2,5 миллиард сўмлик қўшимча даромад олиш имконини беради.

Истам ИБРОҲИМОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn