Хориж бозорига дадил қадам
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 06 Ноябрь 2014

Хориж бозорига дадил қадам

Саноат корхоналарининг ташқи иқтисодий муносабатлардаги фаоллиги маҳсулотлар экспорти миқдори ортиб бораётганлигида намоён бўлади. Жумладан, Наманган шаҳрида ҳам ана шундай салоҳиятга эга ишлаб чиқариш субъектлари сафи тобора кенгайиб бормоқда.

Масалан, биргина шу йилнинг ўтган тўққиз ойида экспортчилар қаторига олтита корхона қўшилди. Булардан бири — хорижий сармоя иштирокидаги “Avtoplast PART” масъулияти чекланган жамияти бўлиб, жамоа томонидан тайёрланаётган автомобиль ёритқичлари чет элда ҳам харидоргир. Бошқа бизнес субъекти — “Мехмаш” корхонасининг биолиниялари эса қозоғистонлик ҳамкорларга пешма-пеш етказиб берилаётир.
— Кейинги пайтларда хусусий тадбиркорлик билан шуғулланаётган кўплаб фуқароларимиз ҳам жаҳон бозорига чиқиш истагини билдиришаяпти, — дейди шаҳар ҳокимлиги иқтисодиёт бўлими етакчи мутахассиси Шерхон Мукаррамов. — Айтайлик, Жакбарали Абдуллахонов ва унинг шогирдлари томонидан тайёрланаётган дурадгорлик буюмлари маҳаллий харидорлар меҳрини қозонганига ўн йилдан ошди. Юқори сифатга эга бу эшик-ромлар яқиндан бошлаб экспортга  чиқарилмоқда. Яна бир ҳамшаҳримиз Муҳаммадамин Валиев эса мева ва сабзавот уруғларини хорижга сотишни йўлга қўйди. Айни чоғда бошқа бир қатор тадбиркорларимиз томонидан тикилаётган бежирим костюм-шимларга ташқи бозорда талаб юқори. Бу борадаги амалий саъй-ҳаракатлар кўлами муттасил кенгайиши пировардида шаҳар иқтисодиёти ривожи, унинг экспорт салоҳияти юксалишига йўл очмоқда. Жорий йил бошидан буён 14 миллион 630 минг АҚШ долларидан зиёд ташқи савдо амаллари бажарилиб, кутилган прогноз кўрсаткичи 101,6 фоиз адо этилгани бунинг ёрқин далилидир.
Шуни айтиш лозимки, яқин вақтга қадар Наманган шаҳрининг истеъмол бозорида маҳсулот импорти даражаси анча юқори эди. Эндиликда аҳвол бошқача. Юқорида таъкидлаб ўтганимиздек, бир қатор корхоналарда ишлаб чиқарилаётган товарлар ички эҳтиёжни тўлиқ таъминлаб, ортгани экспортга чиқарилаяпти. Мисол учун, ҳудудда ҳунармандчилик, айниқса, пойабзал тайёрлаш изчил ривожлангани кўпчиликка маълум. Бироқ мазкур соҳа вакиллари бундан уч-тўрт йил аввал ҳам асосий хом ашё — чармни Хитойдан олиб келишарди. Хорижий сармоя иштирокидаги “Nafis charm” масъулияти чекланган жамиятида технологик қайта жиҳозлаш тадбирлари амалга оширилиши билан уни маҳаллий шароитда тайёрлашга киришилди. Бунинг учун корхона таъсисчилари томонидан 800 минг АҚШ доллари миқдоридаги сармоя сарфланиб, илғор технология ишга туширилди. Бу ерда аввалига тери қайта ишланиб, яримтайёр ҳолга келтирилган бўлса, ўтган йилдан буён бўёқдан чиқарилиб, пойабзал тикишга шай қилинмоқда. Бундай ўзгаришлар натижасида меҳнат жамоаси сафи қарийб икки баробар кенгайиб, 110 нафарга етди.
“Nafis charm” фаолиятининг йўлга қўйилиши, биринчи навбатда,  пойабзал ишлаб чиқариш корхоналарини хом ашё билан тўлиқ таъминлаш масаласини ҳал қилди. Нафақат Наманган, балки Хоразм, Қашқадарё, Сурхондарё вилоятлари, Тошкент шаҳридаги пойабзалчилар ҳам эндиликда ўз эҳтиёжларини шу ерда тайёрланган чарм ҳисобига қоплашаяпти. Ички эҳтиёждан ортган маҳсулот эса ташқи бозорга йўналтирилмоқда. Жумладан, бу ерда жорий йил бошидан буён 20 миллиард сўмликдан ортиқ табиий тери тайёрланган бўлса, унинг 73 фоизи экспорт қилинди ва 6 миллион 201 минг АҚШ доллари миқдорида валюта киритилди.
Маълумки, мамлакатимизда табиий тери тайёрлаш миқёси юқори. Пойабзал, шунингдек, енгил саноатнинг бир қатор йўналишлари учун зарур бўлган мазкур хом ашёнинг саноат усулида қайта ишланиши, табиийки, унинг қимматини оширади. Шу жиҳатдан олганда, “Nafis charm” масъулияти чекланган жамиятида компьютерлаштирилган технология  асосида йўлга қўйилган замонавий ишлаб чиқаришни навбатдаги муваффақиятли қадам сифатида баҳолаш мумкин.

Қудратилла НАЖМИДДИНОВ,
«Халқ сўзи» мухбири.