Бизнес-режа қўллаб-қувватланди
  • 10 Сентябрь 2014

Бизнес-режа қўллаб-қувватланди

Наманган шаҳридаги “Ilhom textile” масъулияти чекланган жамиятининг тўқувчилик маҳсулотларини ишлаб чиқаришга қаратилган лойиҳаси молия муассасаси томонидан қўллаб-қувватланди.

Мазкур кичик бизнес субъекти банкнинг 180 минг АҚШ долларилик имтиёзли кредити эвазига хориждан илғор технология олиб келиб ўрнатди. Унинг ёрдамида тикувчилик соҳаси учун зарур хом ашё — трикотаж матоси тўқилади. Чунки бундай газламага Намангандаги маҳаллий корхоналарда эҳтиёж катта.
— Ишлаб чиқаришни тўлиқ йўлга қўйдик, — дейди жамият раҳбари Равшанбой Бакиев. — Эътиборли жиҳати, ҳозирданоқ буюртмалар портфели дастлабки шартномалар билан тўла бошлади.
Тижорат банклари вилоятда кичик бизнес ва хусусий тадбиркорлик субъектларини молиявий жиҳатдан қўллаб-қувватлаш учун жорий йилнинг биринчи ярмида 195 миллиард сўм миқдорида кредит маблағлари ажратди.

Қудратилла НАЖМИДДИНОВ,
«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn