«Тузланган кўл» саховати
  • 30 Май 2014

«Тузланган кўл» саховати

Сув ҳавзаларини қамиш ва бошқа турдаги ёввойи ўтлардан тозалашда оқ амур балиғининг хизмати катта. Сайхунобод туманидаги “Сайхун балиқ савдо” хусусий корхонаси жамоаси буни яна бир бор синовдан ўтказди.

Яъни қалин қамишзор билан қопланган “Тузланган кўл” ҳавзасига оқ амур чавоқлари ташланди. Кўп ўтмай бу ерда дўнгпешона, сазан каби балиқларни парваришлаш имконияти яратилди. Шу билан бирга, кўлдаги табиий ҳолда яшаётган бошқа балиқ турлари ҳам сақлаб қолинди. Пировардида мазкур ҳавза негизидаги 94 гектар майдонда балиқчиликка ихтисослаштирилган хўжалик ташкил этилди. Катта ҳажмдаги ирригация ишлари туфайли фойдаланилмай ётган ҳудуд кўркам манзара касб этди. Ҳозир балиқ чавоқлари ҳамда керакли озуқа корхонанинг ўзида тайёрланаётгани туфайли сарф-харажатлар қисқариб, иқтисодий самарадорлик ортмоқда.

Эътиборлиси, бугун туманда шу каби фаолият турига ихтисослаштирилган 56 та хўжалик субъекти фаолият кўрсатаяпти. 

Аҳмадали ШЕРНАЗАРОВ,

«Халқ сўзи» мухбири.

 

 

 

 

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn