Сариосиёда йилига 1,2 минг тонна трикотаж маҳсулотлари ишлаб чиқариш қувватига эга янги корхона иш бошлади
  • 13 Ноябрь 2017

Сариосиёда йилига 1,2 минг тонна трикотаж маҳсулотлари ишлаб чиқариш қувватига эга янги корхона иш бошлади

Сариосиё туманида Германиянинг “Ttrützschler gmbh & co. kg” компанияси ускуналари билан таъминланган “Сурхон текстиль кийимлари” фабрикаси фаолияти йўлга қўйилди. Йилига 1,2 минг тонна трикотаж маҳсулотлари ишлаб чиқаришга ихтисослаштирилган мазкур корхонада 200 иш ўрни яратилди.

Бу ҳақда Сурхондарё вилояти ҳокимлигининг расмий веб-сайтида маълум қилинган.

— Президентимиз томонидан соҳага қаратилаётган эътибор ва яратилаётган имтиёзлар бизни куч-ғайрат билан ишлашга, изланишга ундамоқда, — дейди корхона раҳбари Шерзод Жалилов. — Бугунги кунда эришаётган муваффақиятларимиз келгусида бизнесимизни янада ривожлантириш ҳамда янги лойиҳалар устида самарали ишлашимизга пойдевор бўлиши, шубҳасиз. 2018 йилнинг март ойига қадар корхонамизда ишчи-ходимлар сонини 600 нафарга етказишни режалаштирганмиз.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn