Кичик саноат зонасида катта имкониятлар
  • 11 Ноябрь 2017

Кичик саноат зонасида катта имкониятлар

Гулистон шаҳар Бандликка кўмаклашиш марказига “Гулистон голд транс сервис” МЧЖда бешта вакант иш жойи мавжудлиги ҳақида хат келиб тушди. Корхонада йўлак ҳамда ҳовлилар учун қопламалар ва бошқа қурилиш материаллари тайёрлаш йўлга қўйилгани янги иш ўринлари очилишига имкон яратди.

Буюртмачиларга таъмирлаш-пардозлаш жараёнида лозим бўладиган ашёлар тўплами етказиб берилаётган мазкур жамиятда пардозлаш қоришмаси 4 хилда тайёрланиб, сувли эмульсиянинг ҳам ташқи, ҳам ички деворлар учун мўлжалланган турлари ишлаб чиқарилмоқда.

— Айни чоғда Янгиер кичик саноат зонасида қиймати 1,5 миллиард сўмлик яна бир лойиҳа устида ишлаяпмиз, — дейди мазкур корхона раҳбари Икром Аҳмеджонов. — Ушбу ҳудуддан биз учун ажратиб берилган бир гектар майдонда профиль қувурлар ҳамда темир-бетон маҳсулотлари ишлаб чиқаришни йўлга қўймоқчимиз.

Аҳмадали ШЕРНАЗАРОВ,

«Халқ сўзи» мухбири.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn