Савдо-иқтисодий муносабатлар янада мустаҳкамланади
XS.UZ
Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади Корея Республикаси парламенти аъзоси: Ўзбекистон Президентининг нутқи хорижий табдиркорлар ва сармоядорлар учун ҳақиқий “маҳорат дарси”га айланди Шавкат Мирзиёев: Ўзбекистон Корея бизнеси учун ўз эшикларини кенг очди
  • 20 Октябрь 2017

Савдо-иқтисодий муносабатлар янада мустаҳкамланади

Ўтган йил якунлари бўйича Ўзбекистон ҳамда Қозоғистон ўртасида ўзаро товар айирбошлаш ҳажми 2 миллиард АҚШ долларини ташкил этган бўлиб, келгусида ушбу кўрсаткични 5 миллиард АҚШ долларига етказиш кўзда тутилган.

Бу ҳақда пойтахтимизда ўтказилган Ўзбекистон — Қозоғистон бизнес форумида маълумот берилди.

Ўзбекистон Савдо-саноат палатаси томонидан “Kazakh Invest” компанияси ҳамкорлигида ташкил этилган ушбу тадбирда икки мамлакатнинг қишлоқ хўжалиги, машинасозлик, қурилиш, озиқ-овқат, фармацевтика, кимё, енгил саноат маҳсулотлари ишлаб чиқаришга ихтисослаштирилган йирик компаниялари вакиллари, тадбиркорлик субъектлари қатнашди. 

Форумда сўзга чиққанлар икки давлат раҳбарларининг учрашувларида эришилган келишувлар барча соҳа, хусусан, савдо-иқтисодий алоқалар ривожида ҳам муҳим омил бўлаётганини таъкидладилар. Юртимизда Қозоғистон Республикаси капитали иштирокида 200 дан ортиқ корхоналар ташкил этилган бўлиб, улар кон-металлургия, машинасозлик, савдо, тўқимачилик, озиқ-овқат саноати, соғлиқни сақлаш, электротехника каби иқтисодиётнинг муҳим тармоқларида фаолият кўрсатаяпти. 

— Ўзбекистон Қозоғистоннинг ишончли стратегик ҳамкорларидан биридир, — дейди “Kazakh Invest” миллий компанияси директори Аскар Аринов. — Мамлакатларимиз ўртасидаги ҳамкорлик яхши қўшничилик, ўзаро ҳурмат анъаналари билан узвий боғланган. Бугунги анжуман иқтисодий муносабатларни янада ривожлантириш, янги савдо йўлларини очиш ва истиқболли қўшма корхоналар фаолиятини йўлга қўйишда мустаҳкам пойдевор яратади, деган умиддамиз.

Анжуманда ўзаро манфаатли меморандум ва шартномалар имзоланди.

— Бизнинг компаниямиз электр тақсимлагич ускуналарини ишлаб чиқариш, шунингдек, электр станцияларини лойиҳалаштириш ҳамда йиғиш билан шуғулланади, — дейди “Alageum Electric” компанияси савдо бўйича менежери Эльдар Бекмуратов. — Форум доирасида Ўзбекистоннинг турли соҳалардаги улкан салоҳияти ҳақида атрофлича маълумотга эга бўлдик ва келишувга ҳам эришдик. Мисол учун, мамлакатингизда фаолият кўрсатаётган “Chirchiq Transformator Zavodi” акциядорлик жамияти билан ҳамкорликда умумий қиймати 6 миллион АҚШ долларилик юқори кучланишли электр тақсимлагич ускуналарини ишлаб чиқариш бўйича меморандум имзоладик. 

Тадбир якунида республикамиздаги қатор компания ва корхоналар ҳамда қозоғистонлик ишбилармон доиралари вакиллари иштирокида кооперация биржаси бўлиб ўтди. Унда икки мамлакат тадбиркорлари ўзаро савдо айланмасини ошириш, истиқболли лойиҳаларни ҳаётга татбиқ этиш, янги қўшма корхоналар фаолиятини йўлга қўйиш борасида келишиб олишди.

Раҳим ШЕРҚУЛОВ,

«Халқ сўзи» мухбири.

 

СЎНГГИ ЯНГИЛИКЛАР

Social Promotion Popup