XS.UZ
Ўзбекистон композиторлари ва бастакорлари уюшмаси фаолиятини ташкил этиш тўғрисида 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини келгусида амалга ошириш Қонунчилик палатасининг навбатдаги мажлиси бўлиб ўтди Ижод аҳлига юксак эътибор Мусиқий таълимда ўзибўларчиликка йўл қўйиб бўлмайди Болалик олами Биринчи Президентимизнинг эл-юртимиз равнақи йўлидаги буюк тарихий хизматлари ҳеч қачон унутилмайди Бағрикенглик — тинчлик ва тараққиёт асоси Судьяларга холис баҳо берилади Қаҳрамонлар — орамизда «Ўз билимим билан ўқишга кирдим» Маданият ва санъат ташкилотлари, ижодий уюшмалар ва оммавий ахборот воситалари фаолиятини янада ривожлантириш, соҳа ходимлари меҳнатини Ўзбекистон Республикаси Марказий банкининг қиймати 50000 сўм бўлган пул белгиларини муомалага чиқариш тўғрисида Одамларни ҳаётдан рози қилиш —  ислоҳотларнинг асосий мезони Бир-бирлари томон ташланган навбатдаги муҳим қадам Ўзбекистон — Жанубий Корея: АКТ соҳасидаги алоқалар ривожланмоқда Қонун лойиҳалари муҳокамасида асосли таклифларга эътибор қаратилмоқда Бухоро — Лебап: Дўстлик ва ҳамкорликнинг янги босқичи Банкоматлардан нақд пул олиш имконияти яратилди Таълим ва маърифат — тинчлик ва бунёдкорлик сари йўл Юртдан-юртга, дилдан-дилга ўтгувчи мўъжиза, бу — санъат Ўзбекистон — чемпионлар Ватани Мактаб ярмаркалари Мамлакатимиз иқтисодиёти юксалишида муҳим қадам Марказий Осиё – Ўзбекистон ташқи сиёсатининг асосий устувор йўналиши Матбуот ва ахборот соҳасида бошқарувни янада такомиллаштириш тўғрисида Ҳудудларни ривожлантиришда янгича ёндашув Тошкент шаҳри туманларида халқ депутатлари Кенгашлари ташкил этилади Сиёсий партиялар ғояларини қуйи бўғиндан олмоқда Одил судловга хизмат қилади
  • 15 Июнь 2017

Яқин қўшничилик муносабатлари янада мустаҳкамланмоқда

Президентимиз Шавкат Мирзиёевнинг Қозоғистон Республикасига давлат ташрифи икки мамлакат ўртасидаги дўстона муносабатларни янги поғонага кўтарди.

Қозоғистон Республикаси Жамбил вилояти ҳокимлиги, ишбилармон доиралари вакилларидан иборат делегациянинг Жиззах вилоятига келиши ана шу ҳамкорлик алоқалари тобора мустаҳкамланаётганининг яна бир амалий тасдиғи бўлди.

Жамбил вилояти ҳокими Карим Кокрекбаев бошчилигидаги делегация Жиззах вилояти ҳокими Улуғбек Узоқов билан учрашди. Мулоқотда Ўзбекистон ҳамда Қозоғистон Президентларининг олий даражадаги учрашувларида эришилган келишувлар халқларимиз ўртасидаги дўстлик алоқалари ва мамлакатларимиз ҳамкорлигини янада мустаҳкамлашга хизмат қилаётгани таъкидланди.

Шундан сўнг меҳмонлар Олимпия захиралари коллежи, вилоят тадбиркорликка кўмаклашиш маркази, болалар кўп тармоқли тиббиёт маркази, “Жиззахпластекс” Ўзбекистон — Германия қўшма корхонаси фаолияти билан яқиндан танишдилар. Шунингдек, Шароф Рашидов туманидаги “Янгиобод” маҳалла фуқаролар йиғинида янгиланган намунавий лойиҳалар асосида қурилган -замонавий уй-жойларни кўришди.

— Жиззах шаҳрига бундан қарийб 30 йил аввал келгандим, — дейди делегация аъзоси, тадбиркор Мақсуд Несенбоев. — Бу ердаги ўзгаришлар кўлами ниҳоятда кенг. Кўркам бинолар, муҳташам тураржойлар, сўлим боғу хиёбонлар, замонавий инфратузилма иншоотлари — барча-барчаси шаҳар кўркига кўрк қўшибди. Менда, айниқса, ишбилармонларга хизмат кўрсатадиган, маслаҳат берадиган ўзига хос тузилма — “Тадбиркорларга кўмаклашиш маркази” фаолияти алоҳида таассурот қолдирди. Юртингизда ишбилармонларни ҳар томонлама қўллаб-қувватлаш учун яратилган шарт-шароитлар таҳсинга сазовор.

Бинобарин, делегация аъзолари Жиззах политехника институтида бўлиб, мазкур муассасанинг илмий ва ишлаб чиқариш салоҳияти акс эттирилган кўргазма билан танишди. Олий таълим даргоҳининг замонавий ўқув-лаборатория хоналари, талабалар томонидан ташкил этилган конструкторлик буюмлари кўргазмаси яқин қўшниларимизда катта қизиқиш уйғотди.

Жиззах шаҳридаги Хотира хиёбонида Мотамсаро она ҳайкали пойига гул қўйилди. Хиёбондаги “Нуронийлар маскани” мажмуасида фаолият юритаётган миллий маданий марказлар, “Дўстлик уйи”да маданий-маърифий тадбирлар ўтказиш учун -яратилган шароитлар, вилоят қозоқ миллий маданият маркази фаоллари билан ўтказилган самимий суҳбат меҳмонларда катта таассурот қолдирди.

“Жиззах” эркин иқтисодий зонасида ташкил этилган ярмаркада эса “Roison Home Good White” қўшма корхонасининг маиший техника, ўаллаоролдаги “Сангзорпарранда” МЧЖда етиштирилган гўшт маҳсулотлари, Жиззах шаҳридаги “Ecoclimat” МЧЖнинг шиша-тола буюмлари, “JizzaxPlastex” қўшма корхона маҳсулотлари, Шароф Рашидов туманидаги “Davurbek Jilosi” МЧЖнинг қандолатлари, Дўстлик, Зомин, Зарбдор, Пахтакор, Фориш, Мирзачўл, Янгиобод ва Бахмал туманлари саноат корхоналарида ишлаб чиқарилган халқ истеъмоли моллари намойиш қилинди. Тадбирда вилоятдаги 89 та саноат субъекти ҳамда маҳаллий ҳунармандлар ўз маҳсулотлари билан қатнашди.

Бундан ташқари, меҳмонлар “Жиззах” эркин иқтисодий зонасида енгил ва кичик юк автомашиналари, микроавтобуслар, қишлоқ хўжалиги техникалари учун батареялар тайёрланадиган “Жиззах аккумулятор заводи” цехлари, лабораторияси, ишлаб чиқариш жараёнини кўздан кечириб, ушбу корхона маҳсулотлари Қозоғистонда ҳам харидоргир эканини таъкидлашди.

Шу билан Қозоғистон Республикаси Жамбил вилояти ҳокимлиги, ишбилармон доиралари вакилларидан иборат делегациянинг Жиззах вилоятига ташрифи ниҳоясига етди.

Толибжон ЭРГАШЕВ,

«Халқ сўзи» мухбири.

 

Кўриш қобилияти чекланганлар учун

A- A A+