Яна бир автомобиль заводи қурилади
XS.UZ
Президент қарори:“Мард ўғлон” давлат мукофоти таъсис этилди Меҳнат вазирлиги ҳамда Кичик ва ўрта бизнес конвергент ассоциациялари Уюшмаси (Корея) ўртасида меморандум имзоланди Тошкент – Сеул: Кореялик ишбилармонлардан интервью (Видео) Ўзбекистонда “Hyundai” автомобиллари ишлаб чиқарилади Ўзбекистон ва Корея Республикаси ўртасида қиймати 12,3 миллиард АҚШ долларидан зиёд бўлган 75 та ҳужжат “Evergreen Holdings” (Корея) Ўзбекистонда цемент заводи қурилиши учун 300 миллион доллар сармоя киритади “Ўзбекенгилсаноат” Корея билан 30 миллион долларлик 7 инвестицион лойиҳа имзоламоқчи Конституциямиз ҳақида қўшиқ куйланди Ўзбекистонда 12 та университет, 28 та мактаб ва лицейда корейс тили фан сифатида ўқитилади Ўзбекистон – Корея: мустаҳкам дўстликка асосланган, стратегик ҳамкорлик (инфографика) Кореянинг “Chung Hospital” шифохонаси билан ҳамкорликда Ўзбекистонда тиббий муассаса қурилади Ўзбекистон ва Корея Республикаси ўртасидаги савдо-иқтисодий ҳамкорлик  Ўзбекистон Республикаси ва Корея Республикаси ўртасидаги сиёсий ҳамкорлик нималарда ўз ифодасини топган? “Тонг бокиралиги ўлкаси” ҳақида биз билган ва билмаган маълумотлар Олий Мажлис Сенати АҚШ Конгресси делегацияси билан учрашди Мирзиёевнинг Кореяга ташрифини ёритиш учун Сеулда матбуот маркази ташкил этилди Абдулазиз Комилов АҚШ Конгрессининг Вакиллар палатаси аъзолари гуруҳи билан учрашди "ТС-АПТEКА" автоматлашган ахборот тизими яратилди Бош прокуратуранинг Олий ўқув курслари ҳамда Корея қонунчилик тадқиқоти институти ўртасида меморандум имзоланди Тижорат банклари томонидан кам таъминланган оилаларни қўллаб-қувватлашга имтиёзли кредитлар ажратилмоқда Ўзбекистон — Германия: савдо-иқтисодий ва сармоявий ҳамкорлик ривожланмоқда Депутатликка  номзодлар  рўйхатга олинди «Ўзбекистон фуқаросиман!» Қурилиш материаллари саноати ва манфаатли алоқалар Коммунал соҳа: хизмат сифати яхшиланмоқда Фермерлик ҳаракати: истиқболи амалиёт, муаммо ва ечимлар. Халқ қабулхонаси: ҳар бир мурожаат ортида инсон тақдири бор Юридик ёрдам кафолатланган Эзгу ғоялар, ёрқин таассуротлар Ҳуқуқбузарликларнинг барвақт олдини олишда  маҳалла фаолларининг ролини ошириш — давр талаби
  • 18 Май 2017

Яна бир автомобиль заводи қурилади

“Ўзавтосаноат” акциядорлик компанияси ва Франциянинг “Пежо Ситроен” гуруҳи ўртасида Ўзбекистонда енгил тижорат автомобилларини ишлаб чиқарувчи қўшма корхона барпо этиш бўйича келишув имзоланди.

Унга кўра, янги завод “Жиззах” эркин иқтисодий зонасида қурилади ҳамда бу ерда 2019 йилдан эътиборан ички ва ташқи бозор учун йилига 16 минг дона “Peugeot” ҳамда “Citroёn” брендлари остида йўловчи ва юк ташишга мўлжалланган енгил тижорат автомобиллари тайёрланади. Устав капитали 30 миллион еврога тенг бўлган “Uzbekistan Peugeot Citroёn Automotive” қўшма корхонаси ҳар икки томоннинг тенг улушлари асосида фаолият юритади.

“Пежо Ситроен” гуруҳи янги технологиялар, замонавий ишлаб чиқариш жараёнини жорий қилиш ҳамда мутахассислар малакасини оширишга кўмаклашади. Шунингдек, завод ишлаб чиқаришни бошқариш, маҳсулот сифати, етказиб бериш ва савдо масалаларида “Пежо Ситроен”нинг замонавий тизими бўйича иш олиб боради.

Бундан ташқари, қўшма корхонада ўзимизнинг ишлаб чиқарувчиларни жалб этиш орқали биринчи йилдаёқ 50 фоиз маҳаллий маҳсулотлардан фойдаланиш кўзда тутилаяпти. Ҳозирги кунда “Ўзавтосаноат” АК таркибидаги 30 га яқин йирик заводлар, 160 дан ортиқ кичик корхоналар айнан Маҳаллийлаштириш дастури асосида иш юритмоқда.

Қурилиши режалаштирилаётган қўшма корхона автомобиллари ички ҳамда ташқи бозорларда сотилади.

“Ўзавтосаноат” АК бошқаруви раиси ўринбосари Рустам Юсуповнинг таъкидлашича, ушбу лойиҳанинг амалиётга татбиқ қилиниши маҳаллий автомобиль саноати ривожи йўлидаги яна бир дадил қадамдир. Бинобарин, аҳоли бандлигини таъминлашга кўмаклашувчи янги қўшма корхона республикамиз саноати тараққиётида муҳим ўрин тутади.

2016 йил якунларига кўра, 54 миллиард евро миқдорида савдо ва даромад кўрсаткичларига эга “Пежо Ситроен” гуруҳи автомобилсозлик соҳасида ўзига хос тажриба тўплаган. Хусусан, компания мутасаддилари мижозларга эркинлик ҳамда қулайлик яратишга ҳаракат қилади. Унинг автомобиллари эса атроф-муҳитга заҳарли газларни кам чиқариши борасида Европа давлатларида етакчилардан биридир.

“Пежо Ситроен” гуруҳи вице-президенти Кристоф Бержераннинг билдиришича, мазкур лойиҳа корхонанинг беш йилликка мўлжалланган тараққиёт дастурига тўла мос келади. Яъни у енгил тижорат автомобиллари савдосини ривожлантириш учун яна бир катта имкониятдир. 

К. Бержеран қўшма корхона ташкил этилишини шахсан қўллаб-қувватлагани учун давлатимиз раҳбари Шавкат Мирзиёевга миннатдорлик изҳор этди.

Айни пайтда “Ўзавтосаноат” АК таркибидаги корхоналарда меҳнат қилаётган 24 мингдан зиёд ишчи-ходимлар томонидан енгил ва юк автомобиллари, автобуслар ҳамда уларнинг эҳтиёт қисмлари ишлаб чиқарилмоқда. Янги завод эса ишчилар сонини ошириш баробарида, юртимиз автомобилсозлик саноати янада равнақ топишига хизмат қилади.

Д. ЖУМАБОЕВ.

 

 

СЎНГГИ ЯНГИЛИКЛАР