XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 18 Май 2017

Нефть-газ ва энергетика: улкан салоҳият, кенг имконият

Кеча пойтахтимиздаги “Ўзэкспомарказ” мажмуасида “Ўзбекистон нефть ва гази — OGU — 2017” ҳамда “Энергетика, энергия тежамкорлиги, энергиянинг муқобил манбалари — Power Uzbekistan — 2017” халқаро кўргазмалари ўз ишини бошлади. 

Ушбу нуфузли тадбирлар “Ўзбекнефтгаз” Миллий холдинг компанияси, Ўзбекистон Республикаси Ташқи савдо вазирлиги, “Ўзбекэнерго” акциядорлик жамияти, Қишлоқ ва сув хўжалиги вазирлиги ҳузуридаги “Ўзсувэнерго” махсус бирлашмаси, Савдо-саноат палатаси, “ITE Uzbekistan” халқаро кўргазмалар компанияси ҳамкорлигида ташкил этилди.

Кўргазманинг очилиш маросимида сўзга чиққанлар мамлакатимизда иқтисодиётнинг муҳим тармоқларидан бири — нефть-газ ҳамда энергетика тизимини изчил ривожлантириш борасида амалга оширилаётган кенг қамровли ислоҳотлар ўз самараларини бераётганини алоҳида таъкидлашди. Юртимизда иқтисодиётни либераллаштириш, унинг барча соҳаси, хусусан, нефть-газ ва энергетика тармоғида ишлаб чиқариш самарадорлигини юксалтириш, ички ҳамда ташқи бозорларда маҳаллий маҳсулотлар улушини кўпайтириш, корхоналараро кооперация алоқаларини кенгайтириш, янги иншоотлар қуриш, мавжудларини замон талаблари асосида модернизациялаш бўйича ишлар юксак босқичга кўтарилаётгани айтиб ўтилди.

Айниқса, анъанавий тарзда ўтказиб келинаётган мазкур халқаро кўргазмалар мамлакатимиз нефть-газ ва энергетика саноатининг улкан салоҳияти имкониятларини намоён қилиш билан бирга, хориж сармоясини кенг жалб этиш, чет эллик ҳамкорлар билан истиқболли лойиҳаларни ишлаб чиқиш ҳамда ҳаётга татбиқ қилиш учун қулай замин яратаётгани эътиборга моликдир. Мазкур форумларда дунёнинг ўттиздан зиёд -давлатларидан 250 га яқин компаниялар ўз маҳсулотлари ва хизматлари билан қатнашаётир.

Кўргазма павильонларидан нефть ҳамда газ қазиб олиш, қайта ишлашни жадаллаштириш имконини берувчи замонавий технологиялар, шунингдек, энергетика саноатининг электр энергетикаси, электротехника, кўмир саноати, қурилиш, энергия объектларини ҳимоялаш, автоматлаштириш, назорат қилиш ва бошқариш каби йўналишлари ўрин олган. Бундан ташқари, жаҳоннинг етакчи нефть-газ ҳамда энергетика компаниялари энг сўнгги ютуқларини намойиш қилмоқда.

— Компаниямиз нефть-газ ҳамда энергетика соҳалари учун турбогенераторларни лойиҳалаш, ишлаб чиқариш ва хизмат кўрсатишга ихтисослаштирилган, — дейди Италиянинг “Turboden” компанияси вакили Никола Россетти. — Форумда ўтган йили ҳам ўз маҳсулотларимиз билан қатнашиб, Ўзбекистоннинг қатор йирик компаниялари билан шартномалар имзолаган эдик. Ўйлайманки, бу йилги натижалар ҳам кутилганидан яхшироқ бўлади.

Кўргазмалар доирасида ташкил этилган халқаро конференция нефть ва газ конларини қидириш ҳамда қазиш самарадорлиги, инвестициявий салоҳият, қайта тикланувчи энергия манбаларидан фойдаланишни такомиллаштириш баробарида, эришилаётган ютуқлар, янги инновацион лойиҳалар хусусида ўзаро фикр алмашиш, ушбу йўналишдаги ишларни янада такомиллаштиришга хизмат қилди.

Кўргазмаларнинг очилиш маросимида Ўзбекистон Республикаси Бош вазирининг ўринбосари Ғ. Ибрагимов сўзга чиқди.

Раҳимжон ШЕРҚУЛОВ,

«Халқ сўзи» мухбири.

Шомурот ШАРАПОВ 

олган сурат.

Кўриш қобилияти чекланганлар учун

A- A A+

Кўп ўқилган