XS.UZ
Муборак рамазон ойини муносиб тарзда ўтказиш тўғрисида Ўзбекистон Президенти Туркманистонга келди «Ўзбекгидроэнерго» акциядорлик жамиятини ташкил этиш тўғрисида Ўзбекистон — Хитой: сиёсий мулоқотлар янада фаоллашмоқда Инсон ҳуқуқларини ҳимоя қилиш — устувор мақсад Осойишталик ва барқарорликни таъминлашда самарали ёндашув Эзгу ислоҳотларнинг олтин даври Самарқанд шаҳри дунёга машҳур архитекторни ҳайратга солди Судьялар қасамёд қабул қилди Ўзбекистон Республикаси ва Хитой Халқ Республикасининг ҳар томонлама стратегик шериклик муносабатларини янада чуқурлаштириш тўғрисида қўшма Ўзбекистон Президенти Бутунхитой халқ вакиллари кенгаши делегациясини қабул қилди Ўзбекистон Президенти Саудия Арабистонига ташриф буюради Маърифий исломнинг ҳақиқий қадриятларини қатъий илгари суриш йўлида Ван Чэн: Ўзбекистон билан ҳамкорликда янада улкан ютуқларга эришамиз Юқори аниқликдаги ўлчов воситалари Халқларимиз дўстлигининг ёрқин ифодаси Парламентлараро алоқалар кенгаймоқда Профилактика самарадорлигини оширишнинг муҳим омили Фуқароларнинг қонуний талаблари — эътиборда Интернет қаршисидаги бола «Нурли мангулик» Томорқадан келаётган барака Ўзбекистон ва Эрон Президентлари бир-бирларини қутладилар Ўзбекистон Президентининг Туркманистонга ташрифи тўғрисида Барча лойиҳа ва дастурлардан асосий мақсад – инсон манфаатларини таъминлашдир Яхши қўшничилик муносабатларини мустаҳкамлаш йўлида Эл-юрт ардоғидаги шоира Яна бир автомобиль заводи қурилади Нефть-газ ва энергетика: улкан салоҳият, кенг имконият «Замонавий жаҳон архитектураси»
  • 16 Май 2017

Истиқболли лойиҳалар тақдимоти

Ўзбекистон Миллий матбуот марказида Навоий кон-металлургия комбинатида амалга оширилаётган ишлар, шу жумладан, ҳаётга татбиқ қилинаётган истиқболли лойиҳаларга бағишланган матбуот анжумани бўлиб ўтди.

Маълумки, 2001 йилдан эътиборан ҳар йили май ойининг учинчи якшанбаси мамлакатимизда Ўзбекистон Республикаси кончилик ва металлургия саноати ходимлари куни сифатида кенг нишонлаб келинмоқда. Ушбу касб байрами арафасида уюштирилган мазкур тадбирни ўтказишдан кўзланган мақсад ҳам соҳанинг республикамиздаги гигант корхонаси — Навоий кон-металлургия комбинатида изчил олиб борилаётган ислоҳотлар натижалари, яқин истиқболда амалиётга жорий этилиши мўлжалланаётган йирик -лойиҳалар, инновацион ишланмалар хусусида маълумот бериш баробарида, тизимда фаолият юритаётган кўп минг сонли юртдошларимизнинг заҳматли меҳнати ҳақида -жамоатчиликни яқиндан таништиришдан иборат эди.

— Бугун бизнинг комбинат қарийб 60 минг нафар киши меҳнат қилаётган, еттита вилоятда ўз корхоналарига эга бўлган улкан ҳамда ноёб тузилмалардан бири саналади, — дейди  бош директорнинг иқтисодиёт масалалари бўйича ўринбосари Нурмат Жўлибеков. — Бу бежиз эмас. Биргина Қизилқум кенгликларида Менделеев жадвалидаги кимёвий элементларнинг деярли барчаси, жумладан, олтин, кумуш, мис, уран, табиий газ, нефть, калий тузлари, фосфоритлар, вольфрам ва бошқа моддалар мавжуд.

Анжуманда умумий қиймати 3 миллиард 63 миллион АҚШ долларилик 27 та истиқболли лойиҳанинг тақдимоти бўлиб ўтди. Давлатимиз раҳбари Шавкат Мирзиёевнинг жорий йил 28 март куни Навоий вилоятига ташрифи чоғида тамал тоши қўйилган, “Ауминзо — Аматой” олтин конлари негизида бунёд этилаётган 

5-гидрометаллургия заводи, Марказий кон бошқармасининг “Олтинни уюмда ишқорлаш” цехида ҳосил бўладиган техноген чиқиндиларни қайта ишлаш мажмуаси, “Мурунтов” конини ўзлаштиришнинг 5-босқичи, “Пистали” кони негизида ишга тушириладиган 6-гидрометаллургия заводи шулар жумласидандир. Мазкур лойиҳаларнинг рўёбга чиқари-лиши яқин ўн йилда яна 31 минг кишининг бандлигини таъминлаш, ишлаб чиқариш ҳажмини эса 30 фоиздан зиёд оширишга хизмат қилади. Айни пайтда уларнинг барчаси 2017 — 2026 йилларда Навоий кон-металлургия заводини стратегик ривожлантириш бўйича дастурлар доирасида ҳаётга татбиқ этилмоқда.

Тадбирда мутахассислар томонидан журналистларни қизиқтирган саволларга -батафсил жавоб берилди.

Ҳасан ТОШХЎЖАЕВ,

«Халқ сўзи» мухбири.

 

 

Мазкур рукиндаги бошқа мақолалар: « Экспортбоп маҳсулот Ёш тадбиркорлар форуми »

Кўриш қобилияти чекланганлар учун

A- A A+

Кўп ўқилган