Олий таълим тизими замонавий ёндашувлар асосида ривожланади
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 26 Апрель 2017

Олий таълим тизими замонавий ёндашувлар асосида ривожланади

Олий таълим мамлакатнинг эртанги тараққиётини белгилаб берадиган, жамият ҳаётининг барча жабҳасини ислоҳ этишда ҳал қилувчи вазифани бажарадиган омил ҳисобланади. Шунинг учун ҳам меҳнат бозорида рақобатдош, юқори малакали кадрлар тайёрлаш, олий таълим тизими сифати ва самарадорлигини тубдан ошириш ҳар бир мамлакат ижтимоий сиёсатининг асосий негизини ташкил этади.

Ўзбекистонни кейинги беш йилда тараққий топтириш бўйича Ҳаракатлар стратегиясида Олий таълим тизимини 2017 — 2021 йилларга мўлжалланган комплекс ривожлантириш дастурини ишлаб чиқиш белгиланган эди. Президентимиз Шавкат Мирзиёевнинг ўтган ҳафтада   матбуотда эълон қилинган “Олий таълим тизимини янада ривожлантириш чора-тадбирлари тўғрисида”ги қарори бу борада муҳим қадам бўлиб, тизимни янги сифат босқичига кўтаришга қаратилганлиги билан аҳамиятлидир. Қарор олий таълим тизимининг замон талаблари даражасида ривожланишига, соҳанинг юртимизда кечаётган ислоҳотлар билан ҳамоҳанглигини таъминлашга замин яратади. 

Маълумки, бугун юртимизда ҳар бир ҳудуднинг ўзига хос хусусиятларидан келиб чиқиб, ижтимоий-иқтисодий жиҳатдан тараққий топтириш бўйича аниқ манзилли лойиҳалар, дастурлар ҳаётга татбиқ этилмоқда. Мутлақо янгича талаб ва ёндашув асосида олиб борилаётган бу ўзгаришлар ҳудудлар ресурс ва имкониятларидан оқилона фойдаланиш, шаҳару қишлоқларни мутаносиб ривожлантириш, ёшлар учун иш ўринлари яратиш мақсадини кўзлайди.

Шу сабабли қарор билан олий маълумотли кадрларни тайёрлашнинг мақсадли мезонларини шакллантириш, олий таълим муассасаларидаги ихтисослик йўналишлари ва мутахассисликларни ҳудудлар ҳамда соҳалар бўйича жорий этилаётган дас-турларнинг талаб ва эҳтиёжлари, иқтисодиёт тармоқлари ҳамда ҳудудларни комплекс тараққий топтириш истиқболларини инобатга олган ҳолда оптималлаштириш тизимни ислоҳ қилишдаги устувор вазифалар сифатида белгиланди.

Бу ёндашув олий таълим тизимининг меҳнат бозорига, ижтимоий-иқтисодий ислоҳотлар жараёнига мослашувчанлигини ошириб, тизимда самарадорликни юксалтиришнинг муҳим шарти бўлиб хизмат қилади. Чунки шу нарса аёнки, айрим йўналишлар бўйича тайёрланаётган кадрлар амалиётда ўз ўрнини топа олмай, бутунлай бошқа соҳаларда ишламоқда. Ўз навбатида, ҳудудларда, узоқ туманларда ташкил этилаётган корхоналарда, ижтимоий муассасаларда замонавий билим ва касбий кўникмаларга эга ёш йигит-қизларга талаб тобора ортиб бормоқда. Президентимиз қарорида белгиланган вазифаларнинг ҳаётга изчил татбиқ қилиниши бу муаммоларни тизимли ҳал этиш имконини беради. Зеро, унда мамлакатимиз раҳбари томонидан ҳар бир олий таълим муассасаси бўйича конкрет параметр ва кўрсаткичларни ўз ичига олган манзилли ривожлантириш дастурлари тасдиқланди.

Шу ўринда яна бир мулоҳаза. Профессор-ўқитувчилар, педагог ходимларнинг дунёқарашини, шахсий масъулияти ва ўз касбига бўлган муносабатини тубдан ўзгартирмасдан туриб, олий таълим тизимида ислоҳотлар самарадорлигига эришиш мушкул. Негаки, бундай кўламдаги ислоҳотларни амалга ошириш учун педагогик таркиб, илмий доиралар ҳамда олий ўқув юртлари раҳбарияти бутунлай янгича талаблар асосида иш олиб бориши лозим. Бинобарин, қарорда профессор-ўқитувчилар касб маҳоратини, педагог ходимларнинг малакасини ошириш, шунингдек, уларнинг хорижий ҳамкор олий ўқув юртларида малака ошириши, магистратура, докторантурада таълим олиши ҳамда республикамизнинг таянч олий ўқув юртлари қошида қайта тайёргарликдан ўтиши ва малака ошириши бўйича аниқ чора-тадбирлар белгиланди.

Албатта, қарор билан олий таълим тизимида ўрта узоқ муддатга мўлжалланган принципиал ўзгаришлар рўёбга чиқарилади. Бу саъй-ҳаракатларнинг вақтида самарали бажарилиши ҳар биримиздан қатъий тартиб-интизом ҳамда шахсий масъулият талаб қилади. Биз, сенаторлар ҳам ушбу ҳужжат мазмун-моҳияти, ундан кўзланган мақсад-муддаони жойларда тарғиб қилиш, қарор билан тасдиқланган дастурлар ижроси устидан таъсирчан парламент назоратини олиб бориш бўйича ишлар кўламини янада кенгайтиришимиз айни заруратдир. Қарорда белгиланган вазифалар ҳар биримизнинг ҳаётимизга, таъбир жоиз бўлса, келажагимизга дахлдор. Шундай экан, унинг ижросида сусткашликка йўл қўйишга ёки четда қараб туришга ҳаққимиз йўқ.

Исломиддин АБРОРОВ,

Ўзбекистон Республикаси 

Олий Мажлиси Сенати аъзоси.

 

СЎНГГИ ЯНГИЛИКЛАР