XS.UZ
“Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Тошкентда ШҲТга аъзо давлатларнинг Адлия вазирлари ҳамда Олий суд раислари мажлиси ўтказилади Агрепина Шин Ўзбекистон Республикаси Мактабгача таълим вазири «Тошкент – Андижон – Ўш – Иркештом – Қошғар» йўналиши бўйича автомобиль қатновининг қачондан бошланиши маълум ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди UZ домени Осиё-Тинч океани минтақасида юқори даражали миллий доменлар ассоциацияси аъзосига айланди Самарқанддаги Бибихоним масжидига илғор инновацион технологияларга асосланган мониторинг тизими ўрнатилади Ўзбекистон Ҳиндистоннинг уран заҳирасини яратишда асосий ҳамкори бўлади Ўзбекистон Эронга 25,5 миллион долларлик қишлоқ хўжалиги ва тўқимачилик маҳсулотлари етказиб беради Жавоҳир Синдаров ФИДЕ унвонига сазовор бўлди Жорий йилнинг ўтган даврида шифокорлар учун 658 та хизмат уйи ташкил этилди Тиббиёт соҳасидаги ислоҳотлар аҳолининг ҳаётдан розилиги, эл-юртимиз тараққиётига хизмат қилсин «Ислом ҳамжиҳатлиги: Ўзбекистон ва Озарбайжон мисолида» мавзуидаги халқаро конференция иштирокчиларига Тинчлик ва халқлараро дўстликни мустаҳкамлаш йўлида МДҲ: Кўп қиррали ҳамкорликнинг муҳим механизми Таълим олиш ҳуқуқи ва ота-она мажбуриятлари Иқтисодий ва инвестициявий имкониятлар тақдимоти Инсон қадр-қиммати улуғланган юрт Мурожаатлар — сенаторлар назоратида Сифат — жаҳон бозоридаги бош мезон
  • 14 Апрель 2017

Таълим ва ишлаб чиқариш интеграцияси

хизмат кўрсатиш сифати яхшиланишида муҳим аҳамиятга эга

Жаҳон тажрибасидан маълумки, савдо ва хизмат кўрсатиш соҳаси ялпи ички маҳсулотни шакллантириш, аҳоли бандлигини таъминлаш, энг асосийси, одамларнинг турмуш фаровонлигини оширишда етакчи ўрин тутади.

Шу боис Ўзбекистонда бозор иқтисодиётига ўтиш чоғида  мазкур соҳани сифат жиҳатидан ривожлантиришга жиддий эътибор қаратилди. Бунинг самараси ўлароқ, у истиқлол йилларида иқтисодиётнинг ишлаб чиқариш ва истеъмол соҳаларини ўзаро боғлаб турувчи етакчи соҳага айланди. 

Дарҳақиқат, товарларни истеъмолчиларга етказиб бериш асносида унга бўлган реал талабни, бозор конъюнктураси тўғрисидаги маълумотларни ишлаб чиқарувчиларга етказиш мазкур соҳадаги энг муҳим вазифа ҳисобланади. Бошқача айтганда, икки томонлама алоқани ўрнатиб, ўзаро мувофиқлаштириш йўли билан иқтисодиёт ривожига салмоқли ҳисса қўшади. 

Шу билан бирга, савдо тизими бозорга кириб келаётган маҳсулотларни саралаб, сифатсиз товарларни тўсиб қолади. Шунинг учун иқтисодиётда ушбу тармоқнинг роли ва мавқеи тобора ортиб бораётган ҳозирги шароитда етук мутахассислар тайёрлашни кўпайтириш зарурати юзага келмоқда.

Савдо соҳасида асосий меҳнат предмети товар экан, барча ишлар унга йўналтирилиши табиий. Шу сабабли асосий  мутахассис — товаршунос зиммасидаги масъулият янада ортади. Чунки улар товарнинг кимёвий таркиби, физик хусусиятлари, сифат кўрсаткичлари, фойдали жиҳатларини яхши билиши баробарида, уларни таснифлаш, саралаш, сақлаш, етказиб бериш, сотиш бўйича махсус  билимни ҳам пухта ўзлаштиради. Демак, бозор иқтисодиёти шароитида улгуржи, чакана, ярмарка ва ташқи савдолар, товарларни экспертиза қилиш, сертификатлаштириш ҳамда стандартлаштириш тизимларининг самарали фаолиятини ушбу мутахассиссиз тасаввур қилиб бўлмайди. Шу боисдан ҳам тегишли савдо корхоналари ва ташкилотларининг штатлар жадвалида “товаршунос” лавозимлари назарда тутилган. Бироқ ҳозирги кунда айрим коллежлардагина товаршунослар тайёрланаётгани соҳада кадрлар танқислигини юзага келтираётганидан кўз юмиб бўлмайди. Оқибатда баъзи савдо мажмуалари ва шохобчалари, бозорларда касбий саводсизлик туфайли давлат стандарти талабларига жавоб бермайдиган маҳсулотларни сотиш ҳолатларига дуч келмоқдамиз. 

Бинобарин, савдо, умумий овқатланиш ва хизматлар кўрсатиш соҳаларини замонавий талаблар даражасида ташкил этиш, ривожлантириш, биринчи навбатда, юқори малакали кадрларга боғлиқ. Давлатимиз раҳбари Шавкат Мирзиёев ҳар бир чиқишида фан, таълим ва ишлаб чиқаришнинг интеграциясини чуқурлаштириш, амалиётга янги технологияларни фаол жорий этиш зарурлигини таъкидлайди. Президентимизнинг  2017 йил 14 мартдаги “Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида”ги қарори бу борадаги ишларга янгича мазмун бағишлаши, шубҳасиз. 

Ўрта малакали товаршунослар тайёрлаш билан бирга, олий ўқув юртларида олий малакали товаршунос, савдо иқтисодчиси, савдо бухгалтери каби мутахассисларни тайёрлашни йўлга қўйиш ҳам мақсадга мувофиқдир. Бу бозор иқтисодиётининг “ёввойи бозор” босқичи бутунлай барҳам топиб, савдо хизмати кўрсатиш сифати тубдан яхшиланишига мустаҳкам пойдевор яратади.

Ҳалим ҲАМРОЕВ, 

профессор.

 

Мазкур рукиндаги бошқа мақолалар: « Илм-фан ютуқлари Амалиёт ва назария уйғунлиги »

Кўриш қобилияти чекланганлар учун

A- A A+

Кўп ўқилган