XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим Ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 24 Март 2017

Асосий мақсад — таълим сифати ва самарадорлигини ошириш

Президентимизнинг шу йил 14 мартдаги “Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида”ги қарори ёшлар таълим-тарбиясига қаратилаётган юксак эътиборнинг яна бир ёрқин намунаси сифатида ота-оналар, ўқитувчи ва мураббийлар, илм-фан вакиллари, қисқача айтганда, бутун халқимиз томонидан катта мамнуният билан кутиб олинди.

Дарҳақиқат, мамлакатимизда истиқлолнинг илк йиллариданоқ ўғил-қизларимизнинг жаҳон андозаларига мос шароитларда билим олиши, жисмоний ва маънавий жиҳатдан етук инсонлар бўлиб улғайиши, қобилият ҳамда иқтидори, интеллектуал салоҳиятини юзага чиқариш, қалбида она-юртга садоқат ҳамда фидойилик туйғуларини қарор топтириш борасида беқиёс саъй-ҳаракатлар амалга оширилмоқда.

Ёшларнинг сифатли таълим олишга оид ҳуқуқлари, аввало, Конституциямизда мустаҳкамлаб қўйилган. Жумладан, Асосий Қонунимизнинг 41-моддасида “Ҳар ким билим олиш ҳуқуқига эга. Бепул умумий таълим олиш давлат томонидан кафолатланади”, дея қайд этилган. Ана шу тамойилдан келиб чиқиб, ўтган йиллар давомида бир қатор ҳужжатлар қабул қилинди. “Таълим тўғрисида”ги Қонун, Кадрлар тайёрлаш миллий дастури ва бошқа муҳим ҳужжатларнинг ҳаётга изчил татбиқ этилиши туфайли юртимиздаги таълим муассасаларининг қиёфаси кўркамлашиб, уларнинг моддий-техника базаси мустаҳкамланди.

Давлатимиз раҳбарининг ушбу қарори ўрта махсус ва касб-ҳунар таълими тизимидаги бир қанча долзарб масалаларнинг ечими бўлди, дея айтишимиз мумкин. Чунончи, академик лицейларда ўқув жараёни сифати ва самарадорлигини ошириш, бундай масканларда таҳсил олиши учун умумтаълим мактабларининг энг қобилиятли битирувчиларини саралаб олиш, ёшларнинг ўзлари танлаган касб ва мутахассисликларни эгаллашга бўлган орзу-интилишларини рўёбга чиқаришга янада кенг шароитлар яратиш каби аниқ мақсадлар ўз ифодасини топган. 

Масалан, эндиликда моддий-техника ва ўқув-методик базаси замонавий талабларга жавоб бермайдиган 4 та академик лицей фаолияти тугатилади ҳамда олий таълим муассасаларидан узоқда жойлашган, таълим сифати ва битирувчиларининг институт ҳамда университетларга ўқишга кириш кўрсаткичлари паст бўлган 

54 та академик лицей босқичма-босқич касб-ҳунар коллежларига айлантирилади. Бу илм-фан билан бирга, касб-ҳунарни пухта ўзлаштиришни мақсад қилган ёшлар учун катта қулайликдир.

Академик лицейларда таълим сифатини оширишда малакали ва моҳир педагогларнинг хизмати муҳим ўрин тутади. Шу нуқтаи назардан келиб чиқиб, қарорда олий таълим муассасаларининг юқори малакали профессор-ўқитувчиларини академик лицейларда дарс беришга кенгроқ жалб қилиш мақсадида академик лицейлардаги ўқитувчилик фаолиятига соатбай ҳақ тўлаш миқдори олий таълим муассасаларида меҳнатга соатбай ҳақ тўлаш миқдорига тенглаштирилиши кўзда тутилгани диққатга сазовордир.

Бугунги кунда аксарият академик лицейларда ҳар бир ўқув гуруҳида ўртача  32 — 34 нафар ўғил-қиз таҳсил олади. Бу, очиғи, таълим сифатига салбий таъсир кўрсатаётган эди. Энди эса ўқув гуруҳлари таркиби 26 нафар ўқувчидан ортиқ бўлмаган тарзда шакллантирилиши белгиланди. Бундан ташқари, чуқурлаштириб ўқитиладиган фанлар (таълим йўналишлари) бўйича амалий, лаборатория ва семинар машғулотлари гуруҳларга бўлинган тарзда, яъни иккита кичик гуруҳда ўтказилиши ҳам йигит-қизларнинг фанларни пухта ўзлаштиришига кенг имкон яратади. 

Яна бир муҳим янгилик шундан иборатки, академик лицейлар директорлиги учун номзодлар академик лицейлар бириктирилган олий таълим муассасалари ректорлари томонидан тавсия этилади.

Умуман, қарорда кўзда тутилган чора-тадбирларнинг рўёбга чиқарилиши академик лицейларда ўқитиш сифати ва самарадорлигини янада юксалтириш, иқтидорли ёшларни ҳар томонлама қўллаб-қувватлаш ва мақсадли таълимга йўналтириш, фарзандларимизнинг танлаган мутахассисликлари бўйича чуқур билим эгаллашларига улкан шароит туғдиради. Бу, ўз навбатида, биз, педагоглар зиммасига катта масъулият юклайди.

Назира  МИРЗАЕВА,

Ўзбекистон Республикасида 

хизмат кўрсатган ёшлар мураббийси.  

 

Кўриш қобилияти чекланганлар учун

A- A A+

Кўп ўқилган