XS.UZ
Ўзбекистон Президенти Туркия Бош вазири ўринбосарини қабул қилди «Баркамол авлод» спорт ўйинлари қатнашчиларига Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида «Йирик саноат корхоналари билан касаначиликни ривожлантириш асосидаги ишлаб чиқариш ва хизматлар ўртасида кооперацияни кенгайтиришни рағбатлантириш чора-тадбирлари тўғрисида»ги 2006 йил Ҳукуматлараро комиссия мажлиси Касаначиликни янада ривожлантириш учун қулай шароитлар яратиш чора-тадбирлари тўғрисида Йилдирим Туғрул Туркеш: мамлакатларимиз ўртасидаги ҳамкорлик мустаҳкамланишидан манфаатдормиз Ёшлик ва нафосат байрами, маҳорат ва камолот кўриги Конституциявий суд фаолияти янада такомиллаштирилади Давлат бюджети ижроси депутатлар томонидан кўриб чиқилмоқда Улкан орзулар остонасида «Ўзбекистон фуқароси бўлиш — улкан шараф» Ўзбек миллий матолари дунё мода саноатидан мустаҳкам ўрин эгалламоқда Адабиётга эътибор —  маънавиятга, келажакка эътибор Ўзбекистон Президенти Бирлашган Араб Амирликлари ташқи ишлар ва халқаро ҳамкорлик вазирини қабул қилди Ташқи ишлар вазирлигида учрашув Ўзбекистон Республикаси Олий Мажлиси Сенати ўнинчи ялпи мажлисининг очилиши тўғрисида Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида Қадимий ёзма манбаларни сақлаш, тадқиқ ва тарғиб қилиш тизимини янада такомиллаштириш чора-тадбирлари тўғрисида «The Washington Times»: Ўзбекистондаги диний бағрикенглик бошқа мамлакатлар учун намунадир Сайёр қабуллар самараси Миллатлараро муносабатлар янада мустаҳкамланади «Баркамол авлод — 2017» машъаласи Жиззахга йўл олди Грузия маданияти кунлари Ўзбекистон Президенти Россия ички ишлар вазирини қабул қилди Буюк Британия ва Шимолий Ирландия Бирлашган Қироллиги Бош вазири Тереза Мэй Жаноби Олияларига Владимир Колокольцев: Ўзбекистон ички ишлар тизимида амалга оширилаётган ислоҳотлардан ҳайратдамиз Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида Ҳамкорлик масалалари муҳокама қилинди БМТ халқаро ҳамжамиятни Ўзбекистонда давлат дастурининг амалга оширилиши билан таништирди
  • 18 Март 2017

Таълим сифати ва самарадорлигини ошириш — давр талаби

Навқирон авлодни жисмонан соғлом, интеллектуал ривожланган, мустақил фикрлайдиган, қатъий ҳаётий позицияга эга, Ватанга содиқ қилиб тарбиялаш, демократик ислоҳотларни чуқурлаштириш ва фуқаролик жамиятини ривожлантириш жараёнида уларнинг ижтимоий фаоллигини ошириш 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида муҳим вазифалар сифатида белгиланган.

Бинобарин, ҳар бир давлат ва жамият равнақи ёш авлоднинг камолоти, интилиши, шижоати билан узвий боғлиқ. Шу маънода, юртимизда давлат бюджетидан ижтимоий соҳага, жумладан, таълим тизими ислоҳотларига йўналтирилаётган сармоялар мунтазам ошиб бораётгани, таълим соҳасидаги қонунлар ва давлат дастурлари доирасида юқори малакали кадрлар тайёрлаш, илм-фан ва ишлаб чиқаришнинг самарали интеграциялашувини таъминлаш, ёшларни миллий ва умуминсоний қадриятлар руҳида тарбиялашдек долзарб вазифалар муваффақиятли бажарилаётгани алоҳида эътирофга моликдир. 

Президентимизнинг шу йил 14 мартда қабул қилинган “Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида”ги қарори эса бу йўналишдаги ишларни том маънода янги босқичга олиб чиқиши муқаррар, албатта.

Маълумки, республикамизда 1 минг 411 касб-ҳунар коллежи ҳамда 144 та академик лицей ташкил этилган бўлиб, ҳар йили улар ўрта таълим мактабларини битирган минглаб йигит-қизларни бағрига олади.

Касб-ҳунар коллежларида ёшларимиз ўз қизиқиши ҳамда лаёқатига кўра тегишли ихтисослик бўйича назария ва амалиётни уйғун равишда ўрганаётган бўлса, олий ўқув юртлари қошида очилган академик лицейларда аниқ, табиий, ижтимоий-гуманитар фанлар, хорижий тиллар ҳамда маданият ва санъат йўналишларида замонавий педагогик технологиялар асосида пухта билим берилмоқда. 

Бироқ таҳлиллар шуни кўрсатмоқдаки, академик лицейларда  таълим-тарбия жараёни намунали йўлга қўйилганига қарамай, уларни битираётган ёшларнинг олий таълим муассасаларига ўқишга кириш кўрсаткичлари кутилган натижани бермаяпти. Олий ўқув юртига ўқишга кира олмаган  битирувчи муайян касб-корни эгалламагани боис меҳнат бозорида ишсиз қолиши, бу эса катта ҳаётга умид билан кириб келаётган йигит ёки қизнинг жамиятда ўз ўрнини топишига салбий таъсир кўрсатиши сир эмас.

Давлатимиз раҳбарининг янги қарори мана шундай муаммоларга барҳам бериш, бунинг учун эса академик лицейларда ўқув жараёнининг сифати ва самарадорлигини тубдан ошириш, бу масканларда таълим олиши учун умумтаълим мактабларининг иқтидорли битирувчиларини саралаб олиш, ёшларнинг ўзлари танлаган ихтисосликни чуқур ўзлаштириши учун янада кенг шароитлар яратиш каби эзгу мақсадларни мужассам этган.

Ушбу ҳужжатга кўра, моддий-техника ва ўқув-методик базаси замон талабларига жавоб бермайдиган лицейлар фаолияти тугатилиши ҳамда олий таълим муассасаларидан узоқда жойлашган, таълим-тарбия сифати ва битирувчиларининг олий таълим муассасаларига кириш кўрсаткичлари паст бўлган лицейлар босқичма-босқич касб-ҳунар коллежларига айлантирилиши айни заруратдир. Шу билан бирга, академик лицейларда олий таълим муассасаларининг юқори малакали профессор-ўқитувчилари ўқитиш ишларига жалб этилиши, педагогларнинг ҳам танлов асосида олиниши, ҳар бир академик лицей ўқувчиларининг индивидуал қобилиятидан келиб чиқиб, илғор педагогик ва ахборот-коммуникация технологиялари, электрон таълим ресурслари, ўқувчиларнинг ижодий ва мустақил изланишларига йўналтирилган дастурлар ишлаб чиқилиши ёшларни илм-маърифатга ошно этишга хизмат қилади.

Ёшларга оид давлат сиёсатини самарали  амалга ошириш, шу аснода ўрта махсус, касб-ҳунар таълими муассасаларида ўқув-тарбиявий ишларни такомиллаштиришда фаол бўлиш, бу борадаги ҳуқуқий ҳужжатлар ижроси устидан парламент назоратини кучайтириш биз, халқ вакилларининг асосий вазифаларимиз ҳисобланади. Бинобарин, ўсиб келаётган авлод тимсолида давлатимиз ва жамиятимизнинг эртасини, ёруғ орзу-умидларимизнинг рўёбини кўрамиз.

Гулчеҳра САТТОРОВА,

Ўзбекистон Республикаси 

Олий Мажлиси Сенати аъзоси.

 

Кўриш қобилияти чекланганлар учун

A- A A+

Кўп ўқилган