XS.UZ
Ўзбекистон Республикаси Президенти Шавкат мирзиёевнинг Бирлашган Миллатлар Ташкилоти Бош Ассамблеясининг 72-сессиясидаги нутқи Ўзбекистон Президентининг АҚШга ташрифи Халқаро валюта жамғармасининг фармойиш берувчи директори Кристин Лагард баёноти Покистон Ислом Республикаси Қуролли Кучлари делегацияси ташрифи Ислом Каримов номидаги илмий-маърифий мемориал мажмуа кутубхонаси фонди яна 500 дан зиёд китоблар билан бойиди «Ўзбекистон — Евроосиёдаги янги иқтисодий тараққиёт замини» Ўзбекистон минтақада прагматик сиёсат олиб бормоқда Илму фан ва зиё маскани Болалар зарарли ахборот хавф-хатарларидан ҳимоя қилинади Аҳоли саломатлиги йўлида Юртимизда етиштирилган қовунлар европаликлар дастурхонида Миллат маънавиятига дахлдор масала Меҳнатимиз самараси шогирдлар камолида кўринади Ўзбекистон Президенти Америка Қўшма Штатларига келди Шавкат Мирзиёев Осиё ўйинларининг очилиш маросимида иштирок этди Ўзбекистон ва Қирғизистон Президентларининг телефон орқали мулоқоти тўғрисида Ижтимоий адолатни қарор топтириш Она тилига эътибор ва масъулият Соғлом рақобат муҳити кучаяди Ўзбек халқи Мьянмалик қочқинларга ёрдам қўлини узатди Бой тажриба ва ибрат мактаби Сурхондарё соҳилида янги сўлим маскан Давлат идораларида мурожаатларга муносабат ўзгармоқда Дастлабки кунда ўн учта медаль Осиё чемпионати якунланди АКТ Саммити, роботлар намойиши ва интерактив лойиҳалар Тадбиркорларнинг ишончли ҳимоячиси Солиқ имтиёзлари аҳоли турмуш фаровонлиги кафолатидир Тиббий патронаж хизмати янгича ёндашув, изчил фаолият ва фидойи меҳнатни талаб этади Яқин қардошлик ва ўзаро манфаатдорликка асосланган ҳамкорликнинг янги босқичи
  • 17 Январь 2017

Китоб мутолааси ва тарғиботига эътибор

фарзандларимиз таълим-тарбияси ҳамда тақдирида муҳим аҳамиятга эга

Мамлакатимизда ёш авлодни баркамол этиб тарбиялаш, улар қалбида Ватанга садоқат, улуғ алломаларимиз меросига, азалий қадриятларга чуқур эҳтиром туйғусини -сингдиришга юксак эътибор қаратилмоқда. Зеро, ёшлар келажагимиз, эртанги кунимизнинг суянчи ва таянчидир. Тадбирлар сабаб, юртимизнинг турли ҳудудларига -борганимда, у ерда қад ростлаган муҳташам ўқув масканларини кўриб қувонаман.

Бундай кўркам таълим муассасалари, улардаги замонавий технологиялар ўғил-қизлар тақдирида қанчалик муҳим ўрин тутса, китобга дўст бўлиш, мутолаага ошно тутиниш ҳам шу қадар аҳамиятлидир. 

Ўзбекистон Республикаси Президенти Шавкат Мирзиёевнинг  “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш бўйича комиссия тузиш тўғрисида”ги Фармойишини миннатдорлик туйғуси билан ўқиб чиқдим. Бу ҳужжат халқимиз, кенг жамоатчилик вакиллари, зиёлилар, шоир ва ёзувчилар ҳамда ёшларимизга катта мамнуният бахш этди. Унда белгилаб берилган ҳар бир вазифа — фарзандларимизнинг китобга бўлган қизиқишини ошириш, уларнинг таълим ва тарбия-сини сифат жиҳатидан янада юқори босқичга кўтаришга хизмат қилади.

Давлатимиз раҳбари Ўзбекистон Республикаси Конституцияси қабул қилинганининг 24 йиллигига бағишланган тантанали маросимдаги маърузасида: “Ёш авлод тарбияси ҳақида гапирганда, Абдурауф Фитрат бобомизнинг мана бу фикрларига ҳар биримиз, айниқса, энди ҳаётга кириб келаётган ўғил-қизларимиз амал қилишларини мен жуда-жуда истардим.

Мана, улуғ аждодимиз нима деб ёзганлар: 

“Халқнинг аниқ мақсад сари ҳаракат қилиши, давлатманд бўлиши, бахтли бўлиб иззат-ҳурмат топиши, жаҳонгир бўлиши ёки заиф бўлиб хорликка тушиши, бахтсизлик юкини тортиши, эътибордан қолиб, ўзгаларга тобе ва қул, асир бўлиши уларнинг ўз ота-оналаридан болаликда олган тарбияларига боғлиқ” деб куюнчаклик билан таъкидлаганида бир олам маъно бор.

Ҳақиқатан ҳам, ҳозирги вақтда ёшлар тарбияси биз учун ўз долзарблиги ва аҳамиятини ҳеч қачон йўқотмайдиган масала бўлиб қолмоқда. Бунинг замирида, аввало, маънавиятга, маърифатга, ёшларимизнинг эртанги кунига бўлган юксак ғамхўрлик мужассам. Шу маънода, мазкур ҳужжатда кўрсатиб ўтилганидек, бадиий, маърифий, илмий-оммабоп, тарбиявий, ёшларнинг интеллектуал салоҳиятини оширишга қаратилган адабиётларни чоп этиш, улар билан таълим муассасаларини таъминлаш, миллий ҳамда жаҳон адабиёти намояндаларининг етук асарларини саралаш, таржима қилиш ишлари пухта ўйланган тизим асосида ташкил этилмаганлиги кўзга ташланмоқда. 

Бугун ахборот технологиялари шиддат билан ривожланиб бораётир. Аёнки, XXI аср -интеллектуал салоҳият, тафаккур ва маънавият асри сифатида инсоният олдида янги-янги уфқлар очиш билан бирга, биз илгари кўрмаган, дуч келмаган кескин муаммоларни ҳам келтириб чиқараяпти. Бугунги мураккаб ҳамда таҳликали замонда одамларни эзгуликка, инсоф-диёнат, меҳр-оқибат ва бағрикенгликка даъват этишга қаратилган асарларга эҳтиёж катта. Бу борада, айниқса, болаларга мўлжалланган, уларнинг ҳар жиҳатдан баркамол бўлиб улғайишларига таъсир кўрсатадиган китобларни нашр қилиш, қисқача айтганда, китобхонлик, мутолаа маданиятини болаликдан бошлашга эътибор қаратиш замон талабидир. Бинобарин, Фармойишда болалар адабиётига ихтисослашган -нашриётларга молиявий имтиёзлар бериш ва моддий қўллаб-қувватлаш тизимини шакл-лантириш лозимлиги кўрсатилгани — келгусида кенг имкониятлар яратилишини тасдиқлайди.

Давлатимиз раҳбарининг Фармойишида дунё адабиётининг энг сара намуналарини ўзбек тилига ва ўзбек адабиётининг энг яхши асарларини чет тилларига таржима қилиш масаласига ҳам алоҳида аҳамият берилганлиги янада хайрлидир. 

Шоирлар султони Алишер Навоий Фаридиддин Атторнинг “Мантиқ ут-тайр” асарини ўқишга тутинганида атиги беш-олти ёшлардаги бола бўлган. Табиийки, кейинчалик ул зотнинг баланд мавқега эришишида илму маърифат, китобга бўлган муҳаббат беқиёс роль ўйнаган. Шундай экан, бугунги ёш авлодни ҳам етук алломаларимизга муносиб этиб тарбиялаш ҳар биримиз, хусусан, зиёлилар, таълим муассасалари, ижодкорлар, ноширлар зиммасига улкан масъулият юклайди. 

Суйима ҒАНИЕВА,

Ўзбекистон Қаҳрамони.

 

Кўриш қобилияти чекланганлар учун

A- A A+

Кўп ўқилган