XS.UZ
Тизимли ислоҳотлар инсон манфаатларига хизмат қилмоқда Амалий мулоқотнинг ёрқин ифодаси Эркин иқтисодий зоналар — тараққиёт таянчи Депутатлар мамлакатимизни янада ривожлантириш истиқболларини муҳокама қилишмоқда Қонун ижросини таъминлашдаги камчиликлар кўрсатиб ўтилди Ҳаракат стратегияси — жамоатчилик эътиборида Тадбиркорлик фаолияти давлат ҳимоясида Инвестиция жамғармаси Фан ва ишлаб чиқариш ҳамкорлиги Сарҳисоб ва режалар Янги уйлар ўз эгаларига топширилмоқда Имконият ва омилкорлик Халқ ичига кириб бориб, одамлар билан мулоқот қилиш — инсон манфаатларини таъминлашнинг муҳим омили Аҳолини тадбиркорликка кенг жалб этиш Жамият маънавий ҳаётининг асосий мезони Танқидий таҳлил ва шахсий жавобгарлик — ёрқин келажак пойдевори Бағрикенглик ва ҳамжиҳатлик — тараққиёт гарови Замонавий савдо мажмуаси «The Seoul Times»: «Ўзбекистоннинг давлат сиёсатида инсон манфаатлари устувордир» Кичик бизнес истиқболи ишбилармонларга берилган имтиёзларга бевосита боғлиқдир Қўшимча имконият Германияда Ўзбекистон тўқимачилик саноатининг тақдимоти Германияда Ўзбекистон тўқимачилик саноатининг тақдимоти Ёшлар камоли учун масъулмиз Солиқ маъмурчилиги хусусий сектор ривожига хизмат қилади Зарар миқдори ҳисоблаб чиқилди Ўзбекистон Президенти Шавкат Мирзиёев Жаҳон банки вице-президентини қабул қилди Фракцияларда ҳаётий масалалар, долзарб вазифалар кўриб чиқилди «Ўзбекистонда олиб борилаётган кенг қамровли иқтисодий ислоҳотлар юқори баҳога лойиқдир» Оналар кўнглидаги розилик — бу бутун халқимиз қалбидаги розилик ифодаси
  • 12 Январь 2017

Илм-фан ютуқлари —  тараққиётнинг муҳим омили

Илм-фан — башариятнинг бугуни ва келажагини белгилашда муҳим ўрин тутади. У тараққиётга бевосита  таъсир кўрсатади. Аҳоли эҳтиёжларини қондириш баробарида, ҳаётини янада фаровон қилади, муҳофазалайди, энг муҳими, замонавий, ишончли хизмат кўрсатади. Иқтисодиёт ривожининг жадаллигини таъминлайди.

Шу боис олимларимиз янги ва ноёб изланишларни амалга оширишларини, илғор каш-фиётлар яратишларини, бу тадқиқотлар, ўз навбатида, давлат ва жамият ривожига муносиб ҳисса қўшиши зарурлигини давр ва вақт тақозо этаяпти. 

Президентимиз Шавкат Мирзиёев биз, илм-фан вакилларини бир даврага йиғиб, -мазкур йўналишдаги саъй-ҳаракатларни бутунлай янги босқичга кўтариш лозимлиги, бунинг учун давлатимиз доимо қўллаб-қувватлашга тайёр эканлигини алоҳида таъкидлаганидан беҳад қувондик. 

Дарҳақиқат, бугун жамият олдида турган долзарб масалаларни илм-фансиз ечиш мушкул.

Мазкур соҳани ва олимларни ҳар томонлама қўллаб-қувватлашда давлатимиз раҳбарининг ташаббуси алоҳида эътирофга лойиқ. Чунончи, Президентимиз томонидан яқинда имзоланган “Ўзбекистон Республикаси Фанлар академияси академиклари фаолиятини такомиллаштириш ва рағбатлантириш тўғрисида”ги Фармон биз учун улкан аҳамиятга эга. Унда мамлакатимиз ижтимоий-иқтисодий тараққиётида илм-фаннинг ўрнини янада мустаҳкамлаш, академиклар фаолиятини ҳар томонлама кучайтириш, юқори малакали илмий кадрлар тайёрлаш сифатини оширишни рағбатлантириш каби қатор муҳим чора-тадбирлар белгилангани қалбимизни чексиз ифтихорга тўлдирди. 

Агар иқтисодий жиҳатдан энг тараққий этган давлатлар тажрибасига назар ташласак, бу юксалиш замирида илм-фанни тубдан ривожлантириш турганлигига гувоҳ бўламиз. Мисол учун, Японияни олайлик. Биласиз, Иккинчи жаҳон урушидан кейин “Кунчиқар юрт” жудаям оғир аҳволга тушиб қолганди. Ўша пайтда бу ўлкада асосий эътибор инсоннинг “бошини тўйдириш”, яъни унга кучли билим беришга қаратилди. Пировардида илм-фан тараққиётига ажратилган сармоя бугунги кунгача ўзининг ижобий самарасини кўрсатиб келаяпти. 

Файласуф Конфуцийнинг шундай ҳикмати бор: агар сен халқингни бир йил боқмоқчи бўлсанг, буғдой эк, ўн йил боқмоқчи бўлсанг, дарахт эк, агар асрлар давомида боқмоқчи бўлсанг, билим, илм эк. Бугун илм-фанга қаратилаётган эътибор ҳам узоқни кўра билиш, порлоқ келажак сари ташланган дадил қадамдир. 

Учрашувда соҳада амалга оширилиши зарур бўлган долзарб таклифлар илгари сурилди. Жумладан, юқори технологик илмий маҳсулотларни амалиётга жорий этиш учун янги замонавий тажриба-ишлаб чиқариш, конструкторлик-технологик ташкилотлар ҳамда инновация марказларини ташкил этиш зарурлиги алоҳида таъкидланди. Айтиш жоизки, бу ҳаётбахш ташаббуслар мамлакатимиз равнақида муҳим ўрин эгаллайди. Чунки инновация марказлари, аввало, интеграция жараёнларини жадаллаштиришга хизмат қилади. Яъни илмий-тадқиқот институтлари, таълим муассасалари ва саноат корхоналарининг рақобатдошлиги юксалади, соҳага маҳаллий ҳамда хорижий инвесторларни жалб этиш имконияти кенгаяди. Яна бир эътиборли жиҳати шундаки, юртимизда генетика, тиббиёт, математика, физика, технология ва яна кўплаб соҳалардаги ноёб ишланмалар жаҳон миқёсида муносиб эътироф этилишига, харидоргир бўлишига эришишимизга замин яратилади. 

Тадқиқотчиларимиз, олимларимизнинг изланишлари, кашфиётлари келажак авлодларга ҳам хизмат қилиши учун бугун нималар қилиш зарур? Бу саволга Президентимизнинг мамлакатимизда юқори салоҳиятга эга, жаҳон миқёсида эътироф этилган олимлар кўплиги, улар ўз мактабларини яратиши, шогирдлар тарбиялаши лозимлиги ҳақида билдирган фикрлари энг муносиб жавоб бўла олади. 

Ушбу анжуманда давлатимиз раҳбари бу каби учрашувларнинг доимий бўлишини айтгани зиммамизга янада катта масъулият юклайди. Зеро, бундай эътибор ва ғамхўрлик мамлакатимиз илм-фанини янада ривожлантиришга, ҳеч шубҳасиз, улкан ютуқларга эришишимизга хизмат қилади.

 

Бакриддин ЗАРИПОВ,

академик, биология фанлари доктори, профессор.

 

Кўриш қобилияти чекланганлар учун

A- A A+

Кўп ўқилган