XS.UZ
Асосий мақсадимиз – мамлакатимизни янада тараққий эттириш ва халқимиз фаровонлигини юксалтиришдир Ташқи ишлар вазирлигида учрашув ШҲТ: Тинчлик ва ҳамжиҳатлик йўлидаги ҳамкорлик истиқболлари Савдо-иқтисодий алоқалар мустаҳкамланмоқда Ҳаракатлар стратегияси Барқарор ривожланиш мақсадларига уйғундир Соғлом турмуш тарзи тарғиботи «Юқори маошли ва обрўли ишга киришни хоҳлайман» Юртни мадҳ этган шоир Ғолиблар аниқланди Иқлим ўзгаришларига мослашиш экологик муаммоларнинг салбий оқибатларини юмшатишга хизмат қилади Ўзбек саҳнасида жаҳон классик мусиқасидан намуналар янгради Ўзбекистон Президенти Туркия ташқи ишлар вазирини қабул қилди Ўзбекистон Президенти АҚШ Қуролли Кучлари Марказий қўмондонлиги қўмондонини қабул қилди Мевлут Чавушўғлу: ҳамкорликнинг янги саҳифалари Очиқ, дўстона ва прагматик сиёсат Фаластин делегациясининг учрашувлари Оила юртдошларимиз учун олий қадрият ҳисобланади Имтиёз ва енгилликлар истиқболли лойиҳаларга йўл очмоқда Фракцияларда долзарб масалалар кўриб чиқилди Инсон хотираси боқий, қадр-қиммати улуғ Дастлабки чорак таҳлили Унутилмас кун қувончи Инновацион ва ижодий ғоялар намойиши Янги маслаҳатчилар ўз фаолиятларини бошлади «Ёш чегарачилар» беллашдилар «Энг намунали оила» республика танлови Қўшиқларга кўчган қалб туғёни 2017 — 2021 йилларда кўп хонадонли уй-жой фондини сақлаш ва ундан фойдаланиш тизимини янада такомиллаштириш чора-тадбирлари Миллат ифтихори, фахр ва ғурури Ҳудудий саноат ярмаркалари
  • 15 Декабрь 2016

Истеъдод, эътироф ва рағбат

Мамлакатимизда ёш авлоднинг ҳар томонлама пухта таълим-тарбия олиши учун яратилган шароитлар уларнинг баркамол бўлиб вояга етишига хизмат қилмоқда. Мавжуд имкониятлардан унумли фойдаланаётган эртамиз эгалари ўз истеъдод ва салоҳиятини турли халқаро мусобақалар, танловлар, фестивалларда кенг намойиш этиб, ҳеч кимдан кам эмасликларини исботлашаяпти. Уларнинг ана шу ютуғини қадрлаш, рағбатлантириш масаласига ҳам давлатимиз алоҳида эътибор қаратиб келаётир.

Пойтахтимиздаги “Туркистон” саройида Ватанимиз тараққиётига муносиб ҳисса қўшаётган бир гуруҳ йигит-қизларнинг “Ўзбекистон белгиси” кўкрак нишони билан тақдирлангани бунинг яна бир ёрқин тасдиғидир.

Тадбирда қатор вазирлик, идора ва муассасалар, жамоат ташкилотлари вакиллари, “Камолот” ёшлар ижтимоий ҳаракати фаоллари, оммавий ахборот воситалари ходимлари қатнашди.

Юксак эътирофга сазовор бўлган ёшлар дастлаб Мустақиллик майдонида бўлиб, истиқлолимиз, буюк келажагимиз ҳамда орзу-истакларимизни ўзида мужассам этган Мустақиллик ва эзгулик монументи пойига гул қўйдилар.

Президентимиз Шавкат Мирзиёев томонидан шу йилнинг 14 сентябрида имзоланган Ўзбекистон Республикасининг “Ёшларга оид давлат сиёсати тўғрисида”ги Қонуни навқирон авлоднинг истеъдодини юзага чиқариш ҳамда рағбатлантиришга йўналтирилган саъй-ҳаракатларни янги босқичга кўтармоқда.

“Камолот” ёшлар ижтимоий ҳаракати Марказий кенгашининг қарорига биноан, 50 нафар йигит-қиз “Ўзбекистон белгиси” кўкрак нишони билан тақдирланди. Ушбу юксак мукофот ҳар йили ўзининг фидокорона меҳнати, ўқишда, ишда, илм-фан, ижод, маданият ва спорт соҳасида эришаётган улкан ютуқлари билан Ватанимизнинг халқаро нуфузини оширишга хизмат қилаётган, мамлакатимиз ижтимоий-сиёсий ҳаётида фаол иштирок этаётган ёшларга берилади.

Мукофотланган йигит-қизлар давлатимиз раҳбарига ёшларга кўрсатаётган юксак эътибори ва ғамхўрлиги учун миннатдорлик билдириб, бундан буён ҳам Ватанимиз тараққиётига муносиб ҳисса қўшишларини таъкидладилар.

— Қувончимнинг чеки йўқ, — дейди Ўзбекистон Миллий телерадиокомпанияси “Ёшлар” телерадиоканали “Давр” информацион дастури мухбири Азиза Қурбонова. — Биз, ёшларнинг ўз истеъдод ва қобилиятимизни ҳар томонлама намойиш этишимиз учун барча шароит ва имкониятлар яратиб берилаётган, озгина ютуғимиз ҳам муносиб баҳоланиб, юксак қадрланаётган буюк мамлакат фарзанди эканимиздан фахрланамиз. “Ўзбекистон белгиси” кўкрак нишони билан тақдирланганим менга улкан масъулият юклайди ва янги ижодий чўққилар сари ундайди.

Маросим ёш ижрочилар иштирокидаги концерт дастури билан якунланди.

Омонулла ФАЙЗИЕВ,

«Халқ сўзи» мухбири.

 

Кўриш қобилияти чекланганлар учун

A- A A+