Миллий ахборот маконини ривожлантириш
XS.UZ
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига Одамларнинг бунёдкорона меҳнатини қадрлаб, уларга муносиб турмуш шароити яратиш — энг муҳим вазифамиздир Ўзбекистон — Корея Республикаси: Икки томонлама муносабатлар тараққиётида янги босқич Асосий Қонунимиз тарихига бағишланган кўргазма Жамоатчилик назоратининг ҳуқуқий асослари мустаҳкамланмоқда Истиқлолимиз ва истиқболимиз тимсоли «Менинг маҳалламда жиноят содир бўлмаслиги керак» www.mudofaa.uz сайти ишга тушди Президент қарори: Ўзбек миллий мақом санъати маркази ташкил этилади Ўзбек миллий мақом санъатини янада ривожлантириш чора-тадбирлари тўғрисида Шавкат Мирзиёев Мун Чжэ Иннинг таклифига биноан 22-25 ноябрь кунлари давлат ташрифи билан Корея Республикасида бўлади Бош прокуратура қошида Ахборот-таҳлил мультимедиа маркази ташкил этилади Ўзбeкистон ва Грузия сиёсий маслаҳатлашувлар ўтказди Шавкат Мирзиёев навбатга ёзилиш учун электрон тизим жорий қилинган оилавий поликлиникага борди Шавкат Мирзиёев: ҳар бир маҳалладаги профилактика инспектори ўрнига уч нафар энг профессионал ходим саралаб олиб бириктирилади Энди электр таъминоти корхонаси вакилини онлайн чақириш мумкин Тошкент шаҳрининг ҳар бир туманида 10 тадан сузиш ҳавзаси қурилиши мумкин Президент Сергели туманидаги 55-сонли мактаб фаолияти билан танишди Президентга Хусусий уй-жойларга хизмат кўрсатувчи профессионал бошқарув компанияси фаолияти ҳақида маълумот берилди ЖССТ экспертлари силга қарши курашиш бўйича Ўзбекистон тажрибасини юқори баҳолашди Шавкат Мирзиёев: бу уйларни бировларга кўз-кўз қилиш учун эмас, аҳоли манфатларини ўйлаб бунёд этмоқдамиз Наманганда ўтказилган бўш иш ўринлари ярмаркасида 135 фуқаро ишли бўлди Шавкат Мирзиёев Сергели туманига ташриф буюради Президент қарори: ЎзМУда “Таэквондо ва спорт фаолияти” факультети ташкил этилади Президент фармони: 2018 йил 1 январдан бошлаб истеъмол қилинадиган сув учун олдиндан ҳақ тўланади Президент қарори: алоҳида иқтидор талаб этиладиган муайян соҳаларга тест синовлари бекор қилинди Маҳаллийлаштириш дастури самаралари Ўзбекистон — умумий уйимиз Осойишталик учун курашиш керак Ислом — тинчлик ва эзгулик дини
  • 24 Ноябрь 2016

Миллий ахборот маконини ривожлантириш

номзодлар сайловолди дастурларидан алоҳида ўрин эгаллаган

Жамият ва давлат ҳаётининг барча жабҳасига замонавий ахборот-коммуникация технологияларини кенг жорий қилиш, ахборот соҳасини ислоҳ этиш, сўз эркинлигини таъминлаш ҳамда ахборот олиш эркинлигини кафолатлаш мамлакатимизда демократик ислоҳотларни янада чуқурлаштириш ва фуқаролик жамиятини ривожлантиришнинг муҳим йўналишларидан бири ҳисобланади.
Аҳолига кенг электрон давлат хизматлари тақдим қилиниши, телекоммуникация инфратузилмасининг такомиллаштирилиши, интернетнинг фуқаролар кундалик турмушининг ҳамма жабҳасига кенг татбиқ этилиши жамият ҳаётини янада демократлаштириш ҳамда эркинлаштириш, давлат бошқаруви тизимини модернизациялашда муҳим аҳамиятга эга.
Мамлакатимизда давлат ҳокимияти ва бошқаруви органлари фаолиятининг очиқлигини таъминлаш, юридик ҳамда жисмоний шахсларнинг давлат органларига мурожаатларини кўриб чиқишнинг самарали тизимини яратиш давлат ахборот сиёсатининг муҳим йўналиши сифатида белгиланган.
Ахборотлаштириш соҳасидаги эришилган натижалар, электрон коммуникациянинг жадал суръатлар билан ривожланиши нуфузли халқаро ташкилотларнинг рейтингларида яққол ўз ифодасини топган. Масалан, БМТнинг электрон ҳукумат ривожланишини баҳолаш рейтингида Ўзбекистон сўнгги йилда ушбу йўналишда 20 бандга юқорилаб, 80-ўринни эгаллади. -“Фуқароларнинг электрон иштироки” индекси бўйича эса 47-ўринга кўтарилди.
Бугун мамлакатимизда Ўзбекистон Республикаси Президенти сайловига қизғин ҳозирлик кўрилмоқда. Биз Президентликка номзодлар дастурларининг ахборот соҳасига оид мақсад ва вазифаларини қиёсий таҳлил қилиб, сайловчиларга ёрдам бериш мақсадида уларнинг ахборот соҳаси ривожини қандай тасаввур қилишини, улар қандай вазифаларни белгилаб олганини ўрганиб чиқдик.
Ўзбекистон Республикаси Президентлигига Ўзбекистон “Миллий тикланиш” демократик партиясидан номзод Сарвар Отамуратовнинг дастурида миллий иқтисодиёт турли тармоқлари, шу жумладан, туризм фаолияти самарадорлигини оширишда илғор ахборот-коммуникация технологиялари салоҳиятидан фойдаланишга алоҳида эътибор қаратилган.
Ахборот соҳасида миллий манфаатларимиз ҳамда халқимиз маданияти ва маънавиятининг ўзига хослигини сақлашни таъминлашга қаратилган миллий ахборот-коммуникация соҳасини ривожлантиришнинг узоқ муддатли стратегияси сифатида номзод қуйидаги йўналишларни белгилаб олган: “Миллий ахборот тизимлари ва миллий ахборот ресурсларини ривожлантириш, миллий ахборот хавфсизлигини таъминлаш вазифаларини ҳал этиш; аҳоли, айниқса, қишлоқ жойлардаги фуқароларнинг юқори даражада ахборотга эга бўлишини таъминлаш; идоралараро ва идора мажмуаларининг ахборот тизимларини бирлаштирувчи миллий ахборот тизимлари ва миллий ахборот ресурсларини, айниқса, интернетнинг миллий сегментларини ривожлантириш” ва бошқалар шулар жумласидандир.
Ўзбекистон Республикаси Президентлигига Тадбиркорлар ва ишбилармонлар ҳаракати — Ўзбекистон Либерал-демократик партиясидан номзод Шавкат Мирзиёевнинг дастурида давлат бошқаруви ҳамда суд ҳокимияти тизими самарадорлигини оширишда замонавий ахборот-коммуникация технологияларидан фойдаланишга аҳамият берилган. Хусусан, “Суд-ҳуқуқ соҳасидаги ислоҳотларимизнинг бош вазифаси — бу суд ҳокимиятининг чинакам мустақиллигини, фуқароларнинг ҳуқуқ ва эркинликлари ишончли ҳимоясини, одил судловнинг мустаҳкам кафолатини таъминлашдан иборат. Шу муносабат билан судьяларнинг ваколат муддатини узайтириш, ...суд-тергов фаолиятига илғор илмий-техника воситалари ва ахборот-коммуникация технологияларини жорий этишга алоҳида эътибор қаратилади”.
ЎзЛиДеПдан номзоднинг дастурида ҳуқуқ-тартибот органлари фаолиятининг очиқлиги ҳамда шаффофлигини таъминлаш, фуқаролик жамияти институтлари, оммавий ахборот воситалари ва аҳоли ҳамкорлигининг самарали механизмларини кенг жорий қилиш масалалари ўрин эгаллаган. Унда, айниқса, ахборот соҳасини янада ривожлантириш, ёшларимизни ахборот алмашинувига фаол жалб қилиш йўллари таклиф этилаётгани муҳимдир. Жумладан, дастурда “Айни вақтда ахборот-коммуникация технологиялари соҳасидаги сўнгги ютуқларни ўзлаштириш билан бирга, ёшларнинг китоб ўқишга бўлган қизиқишини ошириш, аҳолининг китобхонлик кўникмасини янада юксалтириш, миллий адабиётимиз ва жаҳон адабиётининг энг яхши намуналарини интернетга жойлаштириш ва уларни кенг тарғиб қилиш ишларига алоҳида эътибор қаратамиз”, деб қайд этилган.
Ўзбекистон Республикаси Президентлигига Ўзбекистон Халқ демократик партиясидан номзод Хатамжон Кетмонов ўз дастурида аҳолига замонавий ахборот-коммуникация технологиялари асосида Ягона интерактив давлат хизматлари порталидан эркин фойдаланишни тақдим этувчи пунктлар тармоғини ривожлантириш бўйича чора-тадбирлар кўриш, шунингдек, судларда ишларни кўриш жараёнига ахборот-коммуникация технологияларини кенг татбиқ этиш, фуқароларнинг судга мурожаат қилиши ва суд ҳужжатларини олишининг электрон тизимини кенг жорий этишни таклиф қилмоқда. Х. Кетмонов иқтисодиёт йўналишида турли маҳсулот етказувчиларга ўзаро эркин рақобатлашишига имкон берадиган очиқ ҳамда ошкора электрон савдолар йўналишини кенгайтириш орқали давлат харидларини амалга ошириш тизимини такомиллаштиришни устувор вазифа сифатида белгилаб олган.
Ўзбекистон “Адолат” социал-демократик партиясидан Ўзбекистон Республикаси Президентлигига номзод Наримон Умаровнинг дастурида шундай дейилади: “Биз демократик жамиятни матбуот эркинлигисиз, ўз хоҳиш-иродасини эркин билдиришсиз тасаввур қилиб бўлмайди, деб биламиз ва “Ошкоралик — фуқаролик жамиятининг муҳим шартидир” деган тамойилга таянган ҳолда, ахборот соҳасини янада демократлаштириш, сўз ва ахборот эркинлигини таъминлаш масалаларига алоҳида эътибор қаратамиз. Ахборот соҳасида рақобат муҳитини янада кучайтириш, олиб борилаётган ислоҳотларнинг, давлат ички ва ташқи сиёсатининг очиқ ва ошкоралигини таъминлашда оммавий ахборот воситаларининг фаоллигини ошириш зарур, деб биламиз. Давлат ҳокимияти ва бошқаруви органлари фаолияти устидан жамоатчилик ва парламент назоратини, ҳокимият ва жамоатчиликнинг изчил алоқасини таъминлашда оммавий ахборот воситаларининг ролини кучайтириш устувор вазифамиз ҳисобланади. Шунингдек, биз босма оммавий ахборот воситалари маҳсулотларини тарқатиш соҳасида рақобатни ривожлантиришга, даврий матбуот маҳсулотларининг чакана савдо тармоқларини кенгайтиришга алоҳида аҳамият берамиз”.
Кўриниб турибдики, Ўзбекистон Республикаси Президентлигига номзодларнинг дастурларида ахборот соҳасини ислоҳ қилиш, сўз ва ахборот эркинлигини таъминлаш масалаларига кенг ўрин берилган. Улар мамлакатда амалга оширилаётган кенг кўламли ислоҳотлар моҳияти билан узвий боғланган, уларнинг ечимлари жамиятимиз ижтимоий-сиёсий, социал-иқтисодий ҳаётида, фуқароларнинг сиёсий фаоллигини оширишда, мамлакатимизнинг халқаро ҳамжамиятдан муносиб ўрин эгаллашида муҳим аҳамият касб этади. Номзодларнинг миллий ахборот маконини такомиллаштириш бўйича мақбул ечимларни илгари сураётгани бугунги минтақавий ва глобал ривожланиш натижасида юзага келаётган реал вазият ҳамда мавжуд долзарб муаммоларни ҳал қилиш истаги билан узвий боғлиқдир.


Марҳабо ҒОФУРОВА,
Ўзбекистон Республикаси
Олий Мажлиси
Қонунчилик палатаси депутати.