Ўзбекистонда янги мактаб формасини синовдан ўтказиш бошланди
  • 06 Февраль 2018

Ўзбекистонда янги мактаб формасини синовдан ўтказиш бошланди

Ўзбекистон 2 та мактабида янги мактаб формасини синовдан ўтказиш бошланди, бу ҳақда куни кеча Тошкентда бўлиб ўтган матбуот анжуманида Халқ таълими вазири Улуғбек Иноятов маълум қилди.

Маҳаллий дизайнерлар томонидан тайёрланган 30 хилдаги формаларидан бошланғич, ўрта ва юқори синф ўқувчиларга мўлжалланган 4 тадан тўпламлар танлаб олинди.

Унинг сўзларига кўра, ягона мактаб формасини жорий этиш бўйича синов пойтахтнинг 91 — сонли ва Сирдарё вилоятининг 4-сонли мактабида ўтказилмоқда. Халқ таълими вазири маҳаллий дизайнерлар томонидан ишлаб чиқилган 30 хилдаги ўқувчилар формаларидан бошланғич, ўрта ва юқори синф ўқувчиларга мўлжалланган 4 тадан тўпламлар танлаб олинганлигини айтиб ўтди.

Ҳозирда бу формалар ҳар хил мактабларда амалий синовдан ўтказилмоқда ва ота-оналар томонидан махсус назоратга олинган.

"Синовнинг шаффофлигини таъминлаш мақсадида бир нечта тўпламлар иккита ҳар хил мактабларда жорий этишга қарор қилдик. Кийимлар берилган ўқувчиларнинг ота-оналарига ҳар ҳафта махсус картага ўз эътирозларини ёзиб боришлиги сўралди. Ушбу форма болалар учун қанчалик қулайлиги ва чидамлигини билиб олишимиз зарур. Кир ювилгандан кейин кичраймайдими, матоси сифатлими, дазмоллангандан кейин қандай бўлиши ҳамда бошқа ҳолатларга ҳам ота-оналар аълоҳида эътибор беришларини сўрадик, — дейди вазир.

Унинг сўзларига кўра, ўқув йили якунида ушбу синов якунланади. Амалга оширилган ишлар натижаси бўйича мутахассислар қайси форма янги ўқув йилидан мактабларга кенг жорий этилиши аниқланади.

Ўзбекистон мактабларда ягона мактаб формасини жорий этиш ташаббусини Президентимиз таклиф қилганди. Давлатимиз раҳбари ўқувчилар ўз либослари билан ажралиб туришлари ва улар орасида ижтимоий нотенглик бўлмаслиги кераклигини таъкидлган эди.

 

Кам таъминланган оилалар учун мактаб формаси нархини бўлиб-бўлиб тўлаш имкони ҳам мавжуд бўлади. Улар 50 фоизини бошидан қолганини ўқув йили давомида тўлашлари мумкин бўлади.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn