Халқаро тажриба, янги ишланмалар ва амалиёт
XS.UZ
Шавкат Мирзиёев ва Мун Чжэ Ин Жанубий Корея Миллий музейига ташриф буюрди Ўзбекистон Президенти Корея Республикаси Бош вазири билан учрашди Тадбиркорлар манфаатларини таъминлаш — эътиборда Ҳуқуқий ислоҳотлар юрт равнақи ва аҳоли фаровонлигига хизмат қилмоқда Уч марта ҳосил берувчи ўсимлик андижонлик фермерларга мўмай даромад келтирмоқда Барқарор ва кафолатли таъминот Бугунидан рози, келажакка ишончи мустаҳкам халқ Таълим, тарбия, тарғибот Мавсумга тайёргарлик: муаммолар бартараф этилмоқда «Электрон поликлиника» Миллий санъатимиз жилоси хорижликларни мафтун этмоқда Сувга чидамли Футболни ривожлантиришда замонавий ёндашув зарур Вулқон хавфи ДНК текшируви ойдинлик киритди Буюк Британия кучли бешликдан чиқиб кетди Тўққиз йиллик можаро жамоатчилик иштирокида ҳал этилди Ўзбекистон — Жанубий Корея: Стратегик шериклик муносабатларида янги босқич Тошкентда "High Tech City" маъмурий-маиший мажмуа қурилади Ўзбекистон – Қирғизистон ўртасидаги битим кучга кирди. У нима ҳақда эди? ОТМларда сиртқи ҳамда кечки бўлимлар очилди Муддатли ҳарбий хизматчилар ва резервчиларнинг хатлари махсус маркаланган почта конвертларида жўнатилади  Адлия вазирининг ўринбосари БМТнинг ИҲОКБ ва Тараққиёт дастури экспертлари билан учрашди Пан Ги Мун: Ўзбекистоннинг ички ва ташқи сиёсатдаги янги ташаббусларини қўллаб-қувватлайман Мирзиёев Корея Миллий Ассамблеяси Фахрий меҳмонлар китобига нималарни ёзди? Шавкат Мирзиёев БМТ собиқ Бош котиби Пан Ги Мун билан учрашди Ўзбекистон Президенти Корея Республикаси Миллий Ассамблеясида бўлди Тошкент шаҳрида “Марказий Осиё давлатларининг сув бўйича ҳамкорлигига 25 йил: эришилган тажриба, истиқболдаги вазифалар” мавзуида Корея Республикаси Бош вазири ўринбосари: Ўз мамлакатининг ривожига бу қадар катта аҳамият берадиган давлат раҳбарини жуда Корея Республикаси савдо, энергетика ва саноат вазири: Навоийдаги логистика марказини минтақадаги етакчи марказга айланади
  • 27 Октябрь 2017

Халқаро тажриба, янги ишланмалар ва амалиёт

Навоий шаҳрида “Зарафшон воҳасини комплекс инновацион ривожлантириш: ютуқлар, муаммолар ва истиқболлар” мавзуидаги халқаро илмий-амалий конференция ўз ишини бошлади.

Президентимиз Навоий вилоятига ташрифи чоғида Зарафшон воҳаси салоҳияти, табиий бойликлари, хом ашё ресурслари хусусида сўз юритиб, мазкур ҳудуд имкониятларидан фойдаланишнинг барча чорасини кўриш, инновацион технологияларни жалб қилиш ҳамда ушбу мақсадлар рўёби йўлида халқаро конференция ўтказиш ғоясини илгари сурган эди. Шу асосда анжуманга пухта ҳозирлик кўрилди. Дунёнинг барча қитъасидаги кончилик, кимё технологиялари, машинасозлик, энергетика ва қишлоқ хўжалиги соҳасидаги нуфузли илмий-тадқиқот институтлари, тармоқларнинг етакчи компанияларига таклифномалар юборилди. Мазкур нуфузли тадбирга тақдим этилган илмий ишланмалар ҳамда маърузалар мутахассислар томонидан саралаб олинди.

— 154 та маъруза танланиб, улар инглиз тилига таржима қилинди ва яхлит тўплам ҳолида нашр этилди, — дейди Ўзбекистон Республикаси Фанлар академияси бош илмий котиби Бахтиёр Ибрагимов. — Маърузаларни 19 мамлакатдан ташриф буюрган 60 нафарга яқин олимлар ҳамда етакчи компаниялар вакиллари ва мамлакатимизнинг халқаро даражада эътироф топган тадқиқотчилари тақдим қилаяптилар.

Халқаро анжуманнинг очилиш маросими ҳамда ялпи мажлисида саккиз нафар олим воҳанинг салоҳияти ва инновацион ёндашувга эҳтиёж сезилаётган тармоқлари, бу борада эришилган ютуқлар, муаммо ҳамда истиқболдаги вазифалар бўйича чиқиш қилди. Хусусан, Навоий кон-металлургия комбинати бош директори, Навоий давлат кончилик институти ректори, профессор Қувондиқ Санақулов ҳудуднинг кончилик, кимё, энергетика ва машинасозлик соҳасидаги салоҳиятига атрофлича тўхталиб, тармоқларда истиқлол йилларида жорий этилган инновацион ишланмалар, айниқса, кончилик саноатидаги модернизациялаш тадбирлари ҳамда йирик инвестицион дастурлар нодир металл ва минерал хом ашёлар ишлаб чиқаришда самарадорликни юксалтириш имконини берганлигини таъкидлади.

— Комбинатимиз тизимидаги биргина 2-гидрометаллургия заводига татбиқ қилинган инновацион ишланмалар корхонада ишлаб чиқариш ҳажмини 1,9 баравар оширди, — деди Қ. Санақулов. — Кончилик — мураккаб соҳа. У доимий янгиланиш ҳамда ноанъанавий илмий ёндашувларни тақозо этади. Шу боис Юртбошимизнинг мазкур ташаббуси воҳада барча тармоқ равнақида янги даврни бошлаб бериши, шубҳасиз.

Конференцияда, шунингдек, Буюк Британиянинг Лидс, Австриянинг Линц университетлари, Россия Федерацияси ва Қозоғистон Республикаси Фанлар академиясининг олимлари маъруза қилдилар. Улар ўз чиқишларида воҳанинг кончилик саноатида юксак технологияга асосланган бошқарувни жорий этиш бўйича ишланмалари, имкониятлар ҳамда уларни Зарафшонда қўллаш шароитлари, кончиликда бирламчи ва етакчи техникалар самарадорлигини кучайтиришнинг илмий янгиликлари, механизмлари бўйича синовдан ўтган лойиҳаларини тақдим қилдилар.

Тадбир доирасида матбуот анжумани ўтказилди. Унда конференциянинг дастлабки куни якунлари хусусида сўз борди.

— Мазкур анжуманда қатнашиб, ўз кашфиётлари туфайли халқаро миқёсда тан олинган нуфузли олимлар билан танишиш баробарида, дунёнинг етакчи илмий-тадқиқот институтларида тайёрланган инновацион ишланмалар билан ҳам танишаяпмиз, — дейди Австриянинг Линц университети профессори Андреас Мюллер. — Бу барчамиз учун ўта муҳим илмий-амалий аҳамиятга эга тадбирдир.

Конференция беш шуъбага бўлинган ҳолда ўз ишини давом эттирмоқда.

Анжуманнинг очилиш маросимида вилоят ҳокими Қ. Турсунов иштирок этди.

Темур ЭШБОЕВ,

«Халқ сўзи» мухбири.