Дунёни лол қолдирган ўзбек фарзандлари!
  • 08 Август 2017

Дунёни лол қолдирган ўзбек фарзандлари!

Жорий йилнинг 31 июль — 6 август кунлари Болгарияда 24-халқаро математика олимпиадаси ўтказилди. Унда Мирзо Улуғбек номидаги Ўзбекистон Миллий университети математика факультети талабалари Ҳакимбой Эгамберганов ва Шоҳруҳ Ибрагимов иккита олтин медални қўлга киритди.

Юртимизда дунё тамаддуни ривожига беқиёс ҳисса қўшган аждодларимизга ҳавас билан интилаётган иқтидорли ёшлар кўпчиликни ташкил этади. Кучли билим ва салоҳиятга эга фарзандларимиздан бири Ҳакимбой Эгамберганов бундай нуфузли олимпиадаларда қаторасига тўртинчи бор олтин медалга сазовор бўлиб, бошқа давлатларнинг ҳеч бир вакили эриша олмаган натижани қайд этди. Шоҳруҳ Ибрагимов эса иккинчи бор мана шундай нуфузли халқаро олимпиаданинг ғолибига айланди.
Биз Ҳакимбой Эгамберганов билан интернет орқали мулоқотда бўлдик.
— Нуфузли олимпиадаларда тўртинчи бор олтин медаль эгаси бўлдингиз. Таассуротларингиз билан ўртоқлашсангиз.
— Бу медалларнинг ҳар бири давлатимизнинг ёшларга кўрсатаётган улкан ғамхўрлиги маҳсули, устозларимизнинг бизга бераётган билимлари самарасидир. Биз бундай эътибор учун Президентимиздан миннатдормиз. Ушбу медалларимизни жонажон Ўзбекистонимиз мустақиллигининг 26 йиллигига бағишлаймиз.

О. ЛУТФУЛЛАЕВ
тайёрлади.

Мақолани дўстларингиз билан бўлишинг!

Submit to FacebookSubmit to Google PlusSubmit to StumbleuponSubmit to TwitterSubmit to LinkedIn