XS.UZ
Мамлакатимиз тўқимачилик ва енгил саноатининг экспорт салоҳияти Ўзбекистон — Туркия: Икки томонлама ҳамкорликни мустаҳкамлашда муҳим қадам «Ўзбекистон янги марраларни кўзламоқда» Шанхай ҳамкорлик ташкилотига аъзо давлатлар Адлия вазирларининг бешинчи мажлиси тўғрисида ахборот Ёш халқаро шахмат устаси Жавоҳир Синдоровга Президентимиз совғаси топширилди Битим имзоланди Сўз ва амал уйғунлиги — улуғ фазилат Тил — миллат кўзгуси Корхона ривожи таъминланади Илм-фан фидойисига эҳтиром Ер — бебаҳо хазина Тафаккур дунёсига йўл Олтинкўлда ХVI-XVII асрларга тааллуқли тангалар топилди Замонавий шифохона Жаҳон чемпионати совриндори Нуфузли мусобақа арафасида Тажрибали рақибидан устун келди “Халқ сўзи” ва “Народное слово” таҳририяти ходимлари пахта йиғим-теримида фаол иштирок этмоқда Агрепина Шин Ўзбекистон Республикаси Мактабгача таълим вазири ЕТТБ тадбиркорлик субъектлари учун кредитлар тақдим этади Депутатлар ислоҳотларнинг ҳуқуқий базасини янада такомиллаштиришга қаратилган қонун лойиҳаларини кўриб чиқдилар Инновацион ишланмалар нефтни қайта ишлаш соҳаси ривожини жадаллаштиради Савдо-иқтисодий муносабатлар янада мустаҳкамланади Ҳарбийларимиз “Кембрия патрули” халқаро танловида совриндор бўлди «Ўзбекистоннинг тенг ҳуқуқли фуқаросиман!» Мактабгача таълим соҳасида замонавий тизим яратилади Илғор тажрибалар ва бозор механизмлари Юртимизда яратилаётган кенг имкониятлар Токиода муҳокама қилинди Фойдаландингизми, ҳақини ҳам тўланг Шавкат Мирзиёев Кавказ мусулмонлари идораси раиси шайхулислом Оллоҳшукур Пошшозода бошчилигидаги делегацияни қабул қилди
  • 09 Октябрь 2015

Тарих билан бўйлашган кўприк

Қарши шаҳридаги кўҳна Қашқадарё кўприги ўз замонасида йирик архитектура иншоотларидан бири бўлганлиги қадимий манбаларда қайд этилган. У неча-неча асрлар давомида нафақат аҳоли ва карвонлар манзилини яқин қилган, балки шаҳар мудофаасини таъминлашда ҳам стратегик аҳамият касб этган.

Ушбу кўприкнинг ўзига хос тарихи бор.
Маълумки, Амир Темур бобомиз чўлу биёбонларни ободонлаштириш ва деҳқончиликни ривожлантиришга алоҳида эътибор қаратган. “Ҳар бир шаҳарда масжидлар, мадрасалар, хонақоҳлар, ҳаммомлар қуришни, мусофир йўловчилар учун йўл устида работни бино қилишни, дарёлар устида кўприклар бунёд этишни буюрдим. Кимки, бирон саҳрони обод қилса ёки бирон боғ кўкартирса ёхуд бирон хароб бўлиб ётган ерни обод этса, биринчи йили ундан ҳеч нарса олинмасин, учинчи йили, қонун-қоидага мувофиқ, хирож йиғилсин”, деб ёзган эди ўз битикларида Соҳибқирон.
— Тарих ҳам, тақдирлар ҳам ўхшаш бўлишини инкор этиб бўлмайди, — дейди таниқли олим Поён Равшанов. — Мўғуллар билан юрт озодлиги учун ҳаёт-мамот кураши олиб бораётган Амир Темур болаликдан Қарши шаҳрини яхши билган, унга ихлоси баланд бўлган. Шу боис биринчи галда уни ёғийлар қўлидан қутқарган. 1365-1366 йилларда шаҳарнинг истеҳком деворини мустаҳкамлайди, масжидлар қуради, қалъа ичига оқар сув келишини таъминлайди. Шаҳрисабздан 20 — 30 метрлик баҳайбат теракларни келтириб, Қашқадарё устида карвонлар ўтадиган катта кўприк бунёд этади. Кўприк учун танланган жой ниҳоятда қулай бўлиб, бу ерда дарёнинг тик қирғоқлари торайиб келарди. Шу сабабли кейинчалик барпо этилган ғиштин кўприк ҳам айнан шу жойда қурилади.
Бугунги кунда қаршиликлар уни “Амир Темур кўприги” деб аташади. Давлатимиз раҳбарининг Қашқадарёга сафари чоғида берган кўрсатмаларига асосан, ушбу кўприк атрофини аҳолининг мазмунли ҳордиқ чиқариш масканига айлантириш, обод қилиш, йўл ва дарё бўйларида ҳудуднинг табиий иқлим шароитига мос манзарали дарахтларни кўпайтириш, дарё соҳилида турли тадбирлар ўтадиган баҳаво ҳамда гавжум гўша барпо этишга киришилди.

Аҳад МУҲАММАДИЕВ.

Кўриш қобилияти чекланганлар учун

A- A A+

Кўп ўқилган