XS.UZ
Ўзбекистон Республикаси ва Қозоғистон Республикаси Президентларининг телефон орқали мулоқоти тўғрисида Ўзбекистон ва Сингапур Президентлари бир-бирларини қутладилар 2018 — 2022 йилларда иссиқлик таъминоти тизимини ривожлантириш дастури тўғрисида Душанбеда бўлиб ўтган Ўзбекистон кўргазма-ярмаркаси якунлари Ёш ўзбек олими —  халқаро мукофот соҳиби «Электрон парламент» тизими жорий этилади Коммунал хизмат кўрсатиш сифати тубдан яхшиланади Эзгуликка бахшида умр Юксак салоҳиятли авлод истиқболи ва ҳуқуқий кафолат Глобал тармоқдаги сирли найранглар Илғор тажриба самараси Жаҳон кубоги босқичи якунланди Моҳир чавандозлар баҳси Асосий мақсад – одамларнинг розилиги, юртимиз ободлиги Экология ва атроф-муҳитни муҳофаза қилиш соҳасида давлат бошқаруви тизимини такомиллаштириш тўғрисида 2017 — 2021 йилларда ичимлик суви таъминоти ва канализация тизимларини комплекс ривожлантириш ҳамда модернизация қилиш дастури 2017 — 2021 йилларда маиший чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш Ҳаракатлар стратегияси ижроси изчил таъминланмоқда Маҳаллий Кенгашлар фаолияти самарадорлигини ошириш — давр талаби Олий таълим тизимини янада ривожлантириш чора-тадбирлари тўғрисида Ислоҳотларга дахлдорлик  ва масъулият Аҳолига малакали тиббий хизмат кўрсатиш депутатлар муҳокамасида Амалиёт ва назария уйғунлиги Уй-жой коммунал соҳасида янги босқич Эҳтиромдан кўнгиллар обод Эъзоз топган қадриятлар Ўзбекистон Иқлим ўзгариши бўйича Париж битимига қўшилди Ижодкорлар билан учрашув Таҳлиллар амалий ишлар кўламини янада ошириш зарурлигини кўрсатмоқда Маҳаллийлаштириш ва экспорт масалалари муҳокама қилинди
  • 31 Июль 2014

Ўзбекнинг нурли боласи

ФИФА рефериси Равшан Ирматовга

Миллён ўзбек боласин кўзини чақнатолган,
Яна шунча боланинг кўнглини яшнатолган,
Жаҳон майдонларида юрт номини янгратиб,
Жаҳон майдонларини ўрнидан қўзғатолган.
Олам аро ному шон қозонмоқ осон эмас,
Ўғлонинг мард бўлмаса — майдонинг майдон эмас.

Ер шари ҳам коптокдай азал юмалоқ келган,
Менинг бобом энг аввал уни думалоқ деган,
Ал-Фарғоний, Беруний боболаримдан буён
Бу дунё бир тўп мисол гоҳ у ёндир, гоҳ бу ён.
Вақт — энг олий ҳакам, бу гапим ёлғон эмас,
Ҳеч ким Вақт мисоли ҳакамлик қилғон эмас.

Султон Улуғбек токи Ер узра чекди рақам,
Юлдузлар рафторига илк бор бўлолди ҳакам.
Олам аҳли билгувчи бор менинг гувоҳларим —
Бухорий боболарим, Темурий боболарим.
Султонларим шунчаки бек ва ёки хон эмас,
Уларни билмаганлар башар ё инсон эмас.

Марказий Осиё бу, яъни Ўрта Осиё,
Коинотдан боқсанг гар бу юртдан порлар зиё.
Самарқанду Бухоро — тамаддун маъвосидир,
Улуғ эл заковати, тафаккур туғросидир.
Асрлардан нур сочиб бекорга келғон эмас,
Бу — миллат тимсолидир, шаҳар ё қўрғон эмас.

Демак, олам аҳлига қадрдон қошу кўздек,
Жаҳон майдонларида довруқ солса бир ўзбек —
Миллён элдошлар билан қувнар жону жаҳоним,
Эй, менинг она юртим, менинг ота маконим,
Оламга сайру гаштим — шунчаки жавлон эмас,
ўурур ҳам ифтихорим — шунчаки достон эмас.

Бу оламнинг авзойи гарчи турфа-турфадир,
Унинг энг соз, энг қизиқ кайвониси ФИФАдир.
Сенинг феълингни отанг, ҳар ёр, ҳар ошнанг айтсин.
Мессиларга кўрсатган “сариқ карточканг” айтсин.
Ҳакамлик — ҳалолликдир, бошқа сўз имкон эмас,
Адолатдан ўзгаси бунда ҳукмрон эмас.

Ҳаёт нурга чулғанар тинч, ёруғ тонглар ота,
Тошканча чойдан қуйинг демак, Сайфиддин ота.
Равшан — ёруғлик демак, қутлуғ бу давру даврон,
Қандингни ур, Равшанжон! Қандингни ур, Равшанжон!
Ватандин айро давру давронинг даврон эмас,
Элга нафи тегмаса — ўғлонинг ўғлон эмас!


Сирожиддин САЙЙИД,
Ўзбекистон халқ шоири.

 

Кўриш қобилияти чекланганлар учун

A- A A+

Кўп ўқилган