XS.UZ
Аҳолига янада замонавий шароитлар яратиш бугунги кун талаби Ўзбекистон матбуот ва ахборот агентлиги фаолиятини янада такомиллаштириш тўғрисида Долзарб қонун лойиҳаларида фракция позицияси ифодаланди  Одамлар тиббий хизматдан мамнун бўлсин Ўзбекистон Республикаси Олий Мажлиси Сенати кенгашининг мажлиси тўғрисида ахборот «Тақдирим, келажагим ватан билан муштарак» Мобиль алоқа антенналари соғлиққа зарарлими? Маҳаллада кичик саноат ҳудуди Мақсад бир, ғоя бир, Ватан ягона Ота-она меҳри яна қайда бор? Мусаффо осмон узра ишончли парвоз Ўзбекистон Республикаси Президенти Қозоғистон Республикаси мудофаа вазирини қабул қилди Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида Тадбиркорлик фаолиятини ривожлантиришни қўллаб-қувватлаш давлат жамғармасини ташкил этиш тўғрисида Одамлар ички ишлар органининг ҳар бир ходимида ўз ҳимоячисини кўриши керак Мудофаа вазирлигида учрашув «Кейинги бекат»да ҳаёт манзаралари Бу муқаддас Ватанда азиздир инсон Инновация имкониятлари кенгаяди Ҳамкорликни мустаҳкамлаш зарур Ички туризм истиқболлари Экспортчи корхоналар сони кўпаяди Бу галги ҳашар аввалгиларидан фарқ қилади Ноёб ва сара навлар Мирзачўл қовунлари довруғини дунёга ёймоқда Ёш оилалар ва қизлар билан ишлашда янгича ёндашув Ўзбекистон Бадиий академияси фаолиятини ривожлантириш ва янада такомиллаштиришга доир қўшимча чора-тадбирлар тўғрисида 2018-2019 йилларда туризм соҳасини ривожлантириш бўйича биринчи навбатдаги чора-тадбирлар тўғрисида Ўзбекистон Республикаси фуқароларининг хорижга чиқиш тартибини такомиллаштиришга доир муҳим чора-тадбирлар тўғрисида Президент таълим тизимидаги ислоҳотларнинг бориши бўйича мажлис ўтказди Ўзбекистон композиторлари ва бастакорлари уюшмаси фаолиятини ташкил этиш тўғрисида
  • 31 Июль 2014

Камолот пиллапоялари

 

 

 

Илк синов
— Болам боксга жуда қизиқади. Уни жаҳон чемпиони қилиб беринг, — деди фарзандини бокс тўгарагига олиб келган ота ҳазиломуз оҳангда. — Сизни тажрибали мураббий сифатида яхши билганимиз учун ҳам олдингизга келдик.
— Раҳмат. Лекин аввал уни бир синаб кўрайлик, — дея жавоб қайтарди мураббий. Сўнг боланинг имкониятларини кўздан кечирди: ҳаракатлари чаққон, рақибни нишонга олиши зўр, зарбаси кучли, муҳими, интилиши юқори.
— Ўғлингизда истеъдод бор, — деди бўлажак шогирдининг ҳаракатларидан кўнгли тўлган мураббий. — Бокснинг сиру синоатларини қунт билан ўрганса, мағлубиятдан тушкунликка тушмаса, ютуқлардан кеккайиб кетмаса, кам бўлмайди. Бу фақат ўзининг саъй-ҳаракатларига боғлиқ. Биз маҳоратини ошириш учун қўлимиздан келганича ҳаракат қиламиз, бор имкониятимизни ишга соламиз...
Машҳур мураббий Маъруфжон Аҳмедов ва фарғоналик умидли боксчи Бектемир Мелиқўзиевнинг отаси ўртасида кечган ушбу суҳбатга анча йиллар бўлди. Ўшанда қилинган эзгу ният бугун рўёбга чиқди. Бектемир, ҳақиқатан ҳам, Осиё ва жаҳон чемпиони бўлди. У бундай муваффақиятга Соғлом бола йилида эришди. Бунинг ўзига хос рамзий маъноси бор, албатта.


Ишончни оқлаётган шогирд
Бектемир Маъруфжон Аҳмедовга шогирд тушганидан беҳад қувонди. Унинг ўгитларига, кўрсатмаларига қулоқ тутди. Ўзи яхши кўрган спорт турининг сирларини сабр-тоқат билан ўргана бошлади. Астойдил қилган саъй-ҳаракатлари зое кетмади. Машғулотларда ҳар томонлама ўзини кўрсатган тиришқоқ шогирд дастлаб туман ва вилоят миқёсидаги мусобақаларда совриндор бўлди. Ўн беш ёшида эса Ўзбекистон чемпионлигига эришди. Муҳими, кетма-кет қўлга киритилган ғалабалардан кеккайиб кетмади. Аксинча, тажрибасини янада ошириш ҳақида ўйлади, шунга астойдил интилди. Бектемир энди халқаро мусобақаларда ўз маҳоратини намойиш этишга киришди. Хусусан, 2010 йили Тошкент шаҳрида бўлиб ўтган халқаро мусобақада учинчи ўринни эгаллади. Кейинги йили Озарбайжоннинг Боку шаҳрида ташкил этилган яна бир нуфузли халқаро турнирда кумуш медаль билан тақдирланди. Бундан ташқари, Таиланд, Сербия каби қатор давлатларда ўтказилган беллашувларда ҳам ғолиб ва совриндорлар сафидан жой олди.


Ютуқларга бой йил
Соғлом бола йили Бектемир Мелиқўзиев учун омадли келди. У йил бошида Таиланд пойтахти Бангкок шаҳрида ёшлар ўртасида ўтказилган Осиё чемпионатида олтин медални қўлга киритди. Яқинда Болгариянинг София шаҳрида бўлиб ўтган жаҳон чемпионатида ҳам унга тенг келадиган рақиб топилмади. Мазкур нуфузли мусобақада дастлаб гватемалалик Карлос Товар, кейин эса грузиялик Георгий Харабадзе, украиналик Олексей Токарчук, Доминикан Республикаси вакили Хуан Рамон Солано ва хорватиялик Лука Пртенжакани мағлубиятга учратиб, жаҳон чемпиони, деган шарафли номга сазовор бўлди. Бу ҳали ҳаммаси эмас. Болгарияда ўтказилган дунё биринчилигида Бектемир жорий йилнинг 16 — 28 август кунлари Хитойнинг Нанкин шаҳрида ўсмирлар ўртасида ташкил этиладиган II ёзги Олимпиада ўйинларида иштирок этиш ҳуқуқини қўлга киритди.
— Жаҳон чемпионатидаги ғалабам ўзимга бўлган ишончимни янада оширди, — дейди Бектемир Мелиқўзиев. — Ўсмирлар Олимпиадасида бу натижа тасодиф эмаслигини исботлашни мақсад қилганман. Насиб этса, албатта, ниятимга етаман ва давлатимиз байроғини бошим узра баланд кўтараман.

 


Баҳодир НОСИРОВ.

 

 

 

Кўриш қобилияти чекланганлар учун

A- A A+

Кўп ўқилган